【芝櫻✤櫻花】5月北海道の9天賞櫻自駕之旅東藻琴芝櫻公園

下午3:35:00 Ishiha 14 Comments

Photo of the day

到左今日既重頭行程啦!! 北海道的賞芝櫻名所都集中在道東一帶, 當中以滝上公園及東藻琴芝櫻公園兩大公園最為有名. 前幾日去左滝上公園, 已經被全幅粉紫色花地毯迷住. 今日來到東藻琴芝櫻公園, 粉紫花地毯更多更靚.

呢度真係好靚, 未到滿開都接近7成啦啩.

整個山頭都係芝櫻, 勁莊觀.

上到去山頂位置, 有個平台可以來張合照.

花海間住唔同既顏色

東藻琴芝櫻公園入面有邊可以玩小型卡車, 小朋友來到花海都唔會悶啦!!

好大個山頭, 全部都係粉紫色, 呢度應該有成百級樓梯. 當然上到去, 睇得更多更靚.

另外一邊山頭, 有東藻琴芝櫻公園Logo

日本人既公園內必有既小食店, 一定有自家製芝櫻味雪糕, 去到日本又點可以放過一日一杯呢?

臨走前影個全景先!!

入園資料及地圖, 詳細可以去官網, 而且官網有每日開花情報, 去既時候可以就返開花安排行程.

source: http://www.shibazakura.net/map.htm

14 意見:

【芝櫻✤櫻花】5月北海道の9天賞櫻自駕之旅神之子池摩周湖屈斜路湖砂湯

下午9:35:00 Ishiha 6 Comments

Photo of the day

今早起身吃過早餐後, 與民者主人道別後, 便往神之子池出發. 今次選擇於川湯溫泉駅附近住宿, 係方便今日既行程. 剛好川湯溫泉駅係夾係屈斜路湖及摩周湖中間, 去兩邊也方便.

source: http://www6.marimo.or.jp/k_emc/nature.png

首先我地向裹摩周湖那邊開車, 期間會見到細小既路牌寫著神之子池. 轉入小路再駛大約5分鐘左右, 便見到停車處. 不過小路唔係幾好, 全部也是石路, 有時更見路上有大石洞要避開.

呢個神之子池水深只有五米, 卻不可思議的清澈見底, 而且更有著神秘的藍色, 神之子池是由摩周湖的地下伏流水所形成的池塘, 與青池有點類似. 池水既顏色好靚, 好似藍寶石.

因為池水太過清澈了, 以至旁邊樹木的倒影都拍哂入鏡.

水中既木神奇地冇變枯.

神之子池被森林包圍著, 影呢張相, 好似去左外國, 其實只係去左日本....森林入面仲係有雪架

遊畢完神之子池, 順路去埋摩周湖. 摩周湖係日本第六大既破火山口湖, 冇其他河川注入, 湖水透明幾乎不含任何雜質, 宛如藍帶一般流著的獨特深青湖泊被稱做「摩周的藍寶石」,更是日本甚至全世界測得透明度最高既湖.

摩周湖共有3個展望台包括: 裏摩周、第一、第三展望台, 可以係唔同位置與角度俯瞰美麗的摩周湖. 摩周湖第三展望台係三個展望台中看到既景色最廣及最靚的一個, 所以吸引好多遊客駐足. 由神之子池出發的話, 去裏摩周湖展望台會較順路.

去裏摩周湖那段路都幾長, 你問我值唔值得去呢?! 若果第一次去既都可以, 唔係既話真係可以skip.

唔係呢度唔靚, 而係上到去展望台望向湖, 眼前既樹好高, 影個湖既時候又會影到樹枝, 有d可惜.

突出於湖中30m高的カムイシュ島(愛奴語：變成神的老太婆)其實是高 240m 的火山頂部.

之後再駛往第三展望台, 居高臨下, 可以望到遠方既屈斜路湖及平原

估唔到上到山天氣好轉, 比起去裏摩周時更加好.

上到去第三展望台我地好幸運清晰可見哂成個湖, 仲見到遙望摩周岳及カムイシュ島. 正如愛努語所稱既神之湖一般, 呈現莊嚴又神秘的樣貌. 據好多人講摩周湖時常被霧氣籠罩, 不輕易現身, 所以見到佢既真身, 有傳說話見到既人會無法成家立室、婚期會延遲5年. 若男女朋友一起看到放晴的摩周湖就會分手等不祥預兆呵. 呢d都係傳說, 邊會有咁易受影響呢!!

湖既右上方最高處就係摩周岳, 又稱為神の岳

摩周湖真係好藍好靚, 我寧願睇到個湖, 都唔信傳說啦!

好! 下一站去埋屈斜路湖及砂湯. 此處稱為｢砂湯｣，是說只要在湖邊的砂上挖一下，就會出現有著熱熱溫泉。湖邊現成已有幾個挖好的坑，用手試了溫度，果然熱熱的，證明沒有騙人。

呢處稱為｢砂湯｣,只要係湖邊的砂上挖一下,就會出現熱熱溫泉.湖邊現成已有幾個挖好的坑, 用手試了溫度, 果然熱! 所以我叫左吉少去玩下, 除哂鞋浸泡左一陣.

玩完一輪, 又係時候要去下一站. 經過呢度見有人停車, 我又走左去停車八下. 原來有棵好靚既櫻花樹, 我仲見有兩個日本阿叔拎哂"架餐"影相, 講真個景真係幾靚.

之後又經過摩周湖道の駅休息一陣. 點知呢個道の駅除左有當地旅遊資訊以及特產以外, 戶外有個不小的足湯, 都唔錯架仲可以泡腳呢!

6 意見:

【芝櫻✤櫻花】5月北海道の9天賞櫻自駕之旅地球的盡頭知床八景

上午12:10:00 Ishiha 5 Comments

Photo of the day

今日行程會去知床半島, 不過去程時會經過網走, 所以順度去埋網走. 先到了網走監獄, 不過見到沒有太大興趣就skip左. 沿路再上, 便到了天都山.

山上有個鄂霍茨克流冰館, 我地入左去參觀.

館內設有零下15度的流冰體驗室, 展示真正流冰的巨大冰塊

可以入去流冰體驗室時, 職員會提供禦寒衣物及給你一條濕毛巾, 指示你把毛巾帶入去, 出來時濕毛巾會因結凍而變得直立.

館內有展示流冰天使, 是名為Clione的軟體浮游生物. 它原本生活於北極海水深約350米的海域, 因為流冰既關係被帶到來. 流冰天使有著透明的身體, 及一對翅膀, 係前進既時候, 翼會拍動好似飛行狀態咁樣, 好得意呢!! 而身體中間紅色部份係消化器官, 頭上一對角則是觸手, 全身只長約2~3公分, 屬於好迷你的生物.

之後, 我地就開車往知床, 一路沿著海邊走

(source: http://www.shiretoko.asia/shiretoko_trip_guide.html)

知床半島(Shiretoko) 名稱的來自於愛奴語的「シレトク(sir etok)」, 意味著「大地之果」、「大地突出之所」與「地球的盡頭」. 而家為止, 知床半島是日本還未被完全開發的一帶, 所以仍保存著最原始的自然風貌, 故有「日本最後的秘境」之稱.

知床半島有名的「知床八景」, 包含擁有最高人氣既知床五湖及雙美瀑布(オシンコシンの滝)、弗萊裴瀑布(フレペの滝)、怪獸岩石(オロンコ岩からの眺望), 還有觀賞夕陽的推薦景點─陽台及普祐尼峽(プユニ岬からの眺望), 與知床峠和神威稚湯瀑布(カムイワッカの滝), 想知多D, 可以睇LINK.

知床五湖地處偏遠, 所以沒有直接車可以到. 最近於斜里開車來, 也要1個鐘. 也或者於斜里可以坐觀光巴士, 詳情可以睇斜里巴士官網

首先我地去左遊客中心拎資料, 原來入面都幾多野睇, 不過時間所限, 我地就冇慢慢睇啦!!

入面仲有得帶鹿角帽同埋扮熊, 估唔到頂帽咁重!

到達雙美瀑布(オシンコシンの滝), 開頭以為瀑布好細, 點知行上去睇, 原來都幾壯觀.

水花好大呢!!

之後見到好似一隻龜既石山.

原來呢隻龜石山係八景之一, 有樓梯可以上去, 不過上左一半, 個景又唔算好吸引, 所以我地就落返來.

怪獸岩石(オロンコ岩からの眺望)

開始駛上山啦!! 行行下又見到個牌, 想停車影相都係去避車處停低, 拿氧臨影相走. 呢個又係八景之一: 普祐尼峽(プユニ岬からの眺望),

呢個景確實唔錯!!

好好彩呢段知床横断道路剛剛開, 因為每年冬季(10月尾-4月尾) 會關閉, 可以去埋知床峠

條路好靚!! 周邊都係雪呢!! 如果D雪高D, 有少少似去左立山黑部.

上到去八景之一: 知床峠. 若車沿路直駛, 應該會到了羅臼, 講開羅臼, 我就諗起昆布啦!! 雖然產量唔多, 但煮高湯, 味道勁濃, 羅臼昆布與真昆布同屬於高級昆布, 相對價錢貴D. 我係知床遊客中心同埋係道東一帶既魚市場見過有羅臼昆布賣, 最平D既利尻及日高昆布亦有. 百貨公司買就更貴啦!!

講返正題, 上到去知床峠, 以為有陽光, 其實係超級大風

之後就落返山去知床五湖啦!! 我昨晚係網上預約左入園時間, 見差唔多, 就要趕返落山啦!

到了知床五湖遊客中心, 遊五湖分兩個方法: 1) 走高架木橋, 有完善既防熊設施, 而且全年免費開放. 2) 地上遊步道, 應該會比較剌激, 不過行既時候有機會遇到熊出沒. 加上有唔同既期間, 限制步道遊人入五湖規則.

入園前要填表及取申請書

同埋入園前要聽埋講解. 基於我去既時候係屬於自由利用期, 所以只需於聽講解就可以自己行.

期間	自由利用期 (開園～5/9)	棕熊活動期（5/10-7/31）	植生保護期(8/1-10/20)	自由利用期 (10/21-閉園)
高架樹道	開園中是不論什麼時候都免費！沒有手續可以往返到一湖為止。（不能從高架樹道路下到地上人行道）
地上人行道	收費（需要解說員的聽講）大環線(五湖～一湖,1週約3公里,需要：90分)	收費（事前需要嚮導旅遊的申請）大環線(五湖～一湖,1週約3公里,需要：約180分)	收費（需要解說員的聽講）大環線(五湖～一湖,1週約3公里,需要：90分)	免費　大環線
地上人行道	收費（需要解說員的聽講）小環線(二湖～一湖,1週約1.6公里,需要：約40分)	收費（事前需要嚮導旅遊的申請）大環線(五湖～一湖,1週約3公里,需要：約180分)	收費（需要解說員的聽講）小環線(二湖～一湖,1週約1.6公里,需要：約40分)	免費　小環線