Welcome to Ishiha Wanderlust

由Florence出發到Sorrento, 最快坐Frecciarossa 火車到Napoli Centrale 後再轉 Circumvesuviana 火車.  我訂的是 Frecciarossa 9513於佛羅倫斯 SMN火車站10:04開出, 到達時間Napoli Centrale 12:55.  車程約2小時50分鐘.  出發之前, 我係 http://www.trenitalia.com訂飛.  好好彩我又買到早鳥票, 兩張都係 € 58.  平時一張單程都起碼要 € 36 - €45.  想知道國鐵訂票問題, 可以參考Ciao 義大利16天行程內介紹.  一路南下意大利, 天氣就愈來愈好.  好一個大藍天.
我地好準時到了Napoli Centrale.  出發前諗過出去Napoli 買個外賣Pizza, 皆因呢度有全意大利最好味既百年Pizza店 - L'antica Pizzeria da Michele.  距離火車站18分鐘腳程.

L' Antica Pizzeria da Michele

去到 Circumvesuviana個月台, 真係有少少驚, 人超多, 行李亦唔少, 而且人多又唔會排隧.  亞洲人面孔實在太少,  我地兩個真係好突出.  之前上網睇資料都知好多人係Circumvesuviana內被人偷野, 所以我的警覺性不其然提高.  好啦!! 列車到, 個個都爭相走入車廂.  車上沒有冷氣, 只有自然風.   人超多, 加上天氣熱, 就更慘!! 唔好講, 仲逼過香港地鐵.  我地兩個好辛苦先上到車, 人都唔夠入, 何況行李呢!! 呢段車程差不多要成個半鐘, 而且站站停.

去到一半路程, 過左Pompei先冇咁多人.  南義既人真係好搞笑. 咁逼都可以係咁既環境下玩音樂又唱歌.  仲要係第一站唱到尾站.   佢地真係唱得好好聽. 好識搞氣氛.  有時佢地見到個靚女,都會走埋去唱耐d.  仲會一卡一卡行去唱.   係咁辛苦既一程鐵路上, 有音樂伴隨, 人都想輕鬆d. 不過我既警覺性依然keep住high high high, 真係有點倦.  好啦!! 終於完成呢段列車, 安全到達Sorrento!!
其實仲有其他方式可以由Napoli到Sorrento, 就係坐船.  雖然坐船比較快, 大約半小時可到, 上船碼頭Dock Beverello.  若由Napoli Centrale過去, 也有3km距離.  如果要行去碼頭, 都要45mins.  亦可以係火車站外邊坐Alibus.  不過船一日只有兩班, 可以上網 http://www.alilauro.it/ check 時間. 我仲找到呢個google map, 有心人做好哂Marking.  大家可以參考.

佛羅倫斯美食已經寫完, 再來就寫下行程.  9月到佛羅倫斯, 天氣好好, 而且唔凍唔熱, 好舒服.  我地停留左4日3夜係佛羅倫斯.

路線規劃一: 中央市場 (午餐：Nerbone 吃牛肚包) →皮革市場 → 百花大教堂 → 鐘樓 → 領主廣場→ Gelateria dei Neri →米開朗基羅廣場看日落 → Zà Zà T-Bone (晚餐) >> 詳細介紹

早上從Tuscany駕車回來後, Settle好再出去, 已經是下午了.  我地先到中央市場Nerbone 吃牛肚包, 之後就行去皮革市場.    皮革市場較為吸引我既係手套, 好多選擇, 而且價錢唔貴, 一對都係 € 15-20左右.  雖然佢寫住Made in Italy, 不過冇咩信心就冇考慮買啦.
之後再行前到了領主廣場 Piazza della Signoria, 去到門口已經見到不少經典雕像的「複製品」

沿著Palazzo Vecchio 維奇歐宮向左轉後直行, 便會找到 Gelateria dei Neri >> 詳細介紹.   吃過美味既Gelato後, 就向阿諾河進發, 過對面岸.
過橋時候, 會直望好出名既Ponte Vecchio 老橋.  老橋係義大利佛羅倫斯市內一座中世紀建造的石造拱橋, 橫跨在阿諾河上, 橋上直到目前為止仍有商店存在.  不過係呢條橋影過去老橋,  我覺得好靚.  橋上不停見到好多人影相.
米開朗基羅廣場 Piazzale Michelangelo位在市區山丘上, 有最著名的佛羅倫斯美麗全景觀賞.  好適合黃昏來欣賞日落及夜景.

睇完日落我地再行上去Chiesa di San Salvatore al Monte 聖米里亞特教堂, 因為地理位置更高, 所以可以睇全景更多, 而且遊人較少.  我地仲見到一對情侶影Pre Wedding相.