【西日本淡路山陽九州8日遊】九州ひょうたん葫蘆壽司

下午7:26:00 Ishiha 2 Comments

點解玩玩下又落埋去九洲? 其實8日去埋九州係有少少趕. 不過我去過九州幾次, 覺得九州食野既好味, 又有我最鍾意既士多啤梨, Shopping又方便, 所以今次都揀左留係九州住兩晚. 特別少少既係今次係九州係比較慢遊, 有時間就book埋剪頭髮囉! 我每次去日本玩, 都例必去整下個頭, 約好時間去唔駛點等, 就會serve你. 呢d服務質素係香港要去d貴既salon先有, 但去日本就間間都係咁好既服務. 有興趣知道點係日本book剪頭髮, 就留言比我!

好啦!! 講返正題. 今次我約左係天神附近剪頭髮, 所以晚餐都揀左附近食店. 雖說九洲好多好野食, 但一來到又好想食下壽司先, 於是上Tabelog睇, 發現呢間ひょうたん葫蘆壽司店. 價錢平不在話下, 而且壽司超新鮮. 我地兩個每人點了本日之特選, 由壽司師傅揀出本日最新鮮既魚做壽司. 我地坐既位置正正就係bar枱, 師傅見住我地食既速度將壽司整好放係塊大葉上面. 有時太好食, 都唔記得影相. 呢個set仲會包埋碗三文魚味噌湯. 而且我仲點了多一客海膽壽司, 超滿足的一餐.

吃飽返回博多站, 剛好廣場上有Craft Sake Week, 呢個活動係中田英壽舉辦既. 每年係日本唔同地方舉辦, 2016係六本木, 2017係博多, 而2018年將會係東北. 入面有Sake, 仲有小食配酒, 氣氛都唔錯架. 詳細可以睇👉 LINK

(source: http://r.gnavi.co.jp/g-interview/entry/shinohara/3931)

👋 想睇返今次【西日本淡路山陽8日遊】行程規劃 👈

【西日本淡路山陽8日遊】廣島蠔小屋宮島

下午1:15:00 Ishiha 2 Comments

廣島蠔季約為每年10月底開始至翌年4-5月左右（6至9月為休漁期）, 來到廣島玩又點可以錯過又大又肥美的廣島蠔呢? 雖然剛剛食完個好靚既京懷石料理早餐 (詳情睇返 👉 Link)

今次食呢間蠔小屋, 係一間專門養蠔 (牡蠣) 賣蠔的, 而且擁有超過三百年歷史既老字號. 老闆特意係自家碼頭工場旁開設かき小屋售賣各款廣島蠔料理, 其中最有名既就係燒蠔放題啦! 去到既時間未到12:00, 所以人唔多. 一入店, 老闆會問你要邊款餐, 係先付款後用餐. 大家胃容量大的話, 不妨點燒蠔放題. 限時一小時都係2300円. 好似我地咁剛吃完早餐, 又想食蠔, 就每人要了一份1kg燒蠔, 1100円大約有十隻. 比完錢後, 老闆會給你一套燒蠔用具以及一張燒蠔講解書.

一坐低店員便把炭火爐送來, 我地用夾子把蠔放上去燒. 睇睇張燒蠔講解書, 大致上都係叫我地把蠔平既一面向下燒1-2分鐘, 之後再反轉後放上蓋燒5分鐘. 燒蠔既時候由於水份膨脹關係, 蠔會突然爆開及發出響聲, 所以在場人仕都有不停係度wow wow wow聲, 好開心好熱鬧. 因為高熱而有殼飛彈出來, 燒既時候記住小心自己面部. 燒過既蠔其實好易開, 我每次開兩隻蠔一次過食, 超滿足呢!!

我地食完就開始多人去, 所以要食好野, 都係早少少去, 坐得舒服d. 若果你食完燒蠔都未夠飽既, 仲可以去埋隔離島田水産直賣店買生蠔再食架. 不過我地真係無哂位再食啦!! 睇下一陣去埋宮島玩, 肚餓可以再掃街食下野.

我地行返去碼頭上船去宮島, 10多分鐘船程就到啦!! 上一次去宮島玩都係大半年前既事, 所以今次去都冇咩目的. 我相信好多人都知係島上食蠔係常識吧 (有興趣睇下我呢篇介紹👉 廣島宮島嚴島神社牡蠣屋) 今次舊地重遊我連相機都冇帶, 都係好hea行下就算了. 以下既相都係用🤳 iphone搞掂, 相既質素一般, 見諒!! 來到宮島, 遊客唔多, 可能平日關係, 行得開心好多. 同上次去一樣, 我都係要食返杯柑味雪糕先, 超好味!! 之後都係行過嚴島神社, 見到鹿仔頭貼頭堆埋一堆, 可愛極!! 之後我同吉少係宮島行左一陣上埋五重塔就離開, 向九州進發啦!!