Welcome to Ishiha Wanderlust: 慕尼黑

顯示包含「慕尼黑」標籤的文章。顯示所有文章

今天是最後一日係慕尼黑. 昨日的開心快樂, 今日卻是180度大轉變. 未來之前也沒有覺得怎樣, 但沒有想到走進去後, 心情卻是這麼沉重. 來到慕尼黑近郊的一個小鎮 - Dachau. 本是一個值值無名的小鎮, 卻因為納粹變得聞名, 這實在有點諷刺. 千千萬萬無辜的生命曾在這裡遭到虐待和殺害, 眼前這一段黑暗的歷史, 真令人心寒. 所以入內也沒有拍攝太多相片.

達豪集中營（德語：Konzentrationslager (KZ) Dachau）,是納粹德國所建立的第一個集中營,位於德國南部巴伐利亞州達豪鎮附近的一個廢棄兵工廠, 距離慕尼黑16公里. 1933年3月22日,達豪集中營建成啟用. 1945年4月29日, 美軍解放達豪集中營, 同時發生達豪大屠殺. 達豪集中營曾先後關押過21萬人,其中3.2萬人死亡.

走過大門後, 就是集中營, 右邊是一條直達通往展覽室. 內有很多展覽, 記錄歷史以及考證.

現時設立的紀念展覽館, 主要分為兩大部分: 暗堡(Bunker)和資料展覽館. 前者亦是獨立囚室, 主要拘留一些「問題犯」, 例如變節軍人、神父、小說作家等. 獨立囚室裡除了展覽了當年被迫害者的資料檔案，亦有部分刑罰手記.

紀念展覽館有一個影院, 播放著集中營內的人如何生活, 睇見都心傷.

樹的兩旁,是當時的宿舍. 每天集中營內的人都要集合到中庭做早操, 做完早操就開始工作,
納粹和他們說,努力工作就會有未來............其實有多少人，, 能夠再走出大門呢!

現今只留下一座未拆, 而且可以入內參觀.

床是上下鋪, 要睡好多好多人. 若一個有病, 就好容易散播細菌

由大道一路行到盡頭, 會見到一間紀念堂及教堂

展覽館後有一條小徑, 小徑另一面是一個入口. 那是納粹黨著名的毒氣室和焚化爐. 中間的是停屍室. 左面就是毒氣室. 去到呢個地方, 我也感到心沉, 所以再也沒有拍照.

可惜人類從沒有在歷史中吸取教訓, 往往都不斷在重蹈覆徹. 今天的德國人,正視自已的歷史, 把相關文物以及歷史都展現在世人面前, 這點是我十分欣賞的.

慕尼黑啤酒節每年九月尾到十月初於德國的慕尼黑舉行，整個啤酒節持續兩周，是慕尼黑一年中最盛大的活動。啤酒節最初起源於1810年，為慶祝King Ludwig I婚禮所舉辦，不過現今已經轉為嘉年華的形式. 2002年大約有六百萬人參加了啤酒節，好多其他城市也效法慕尼黑舉辦「十月節」. 每年在慕尼黑舉行的國際會議或商展不計其數，但是慕尼黑啤酒節期間仍是一房難求，而房價也是三級跳，所以要去慕尼黑啤酒節就要早d準備, 特別係訂房問題.

出發前有上過啤酒節官網查詢帳篷資料及希望預訂, 不過可惜的是想去的時間全部FULL, 而且要特別注意最少訂位人數為十人，有最低消費限制約EUR $35歐及$ 28(依坐的區域分價錢). 如果好似我地只有兩個人的話，可以係平日中午或下午人比較少的時候去帳篷睇睇，基本上沒有寫上Reserve的散客小桌有位就可以點啤酒+吃東西.

今年有14個大型beer tents. 之前睇過其他blogger分享星期六/日唔訂位就冇得入beer tent的經驗, 所以我地專登揀星期一下午時份去.

一出地鐵, 就會見到人潮向一個方向行走, 跟著走不遠便可到達啤酒節會場. 啤酒節，似乎不僅限於啤酒暢飲，其實Okotberfest傳統是全家群體出來玩的節慶，整個Theresienwiese就係一個大型遊樂園，從鬼屋、跳樓機到摩天輪，都會見到.

入到去Theresienwiese隨處見到無論男女老少都係穿上傳統服裝.

首先我地去左Hippodrom

入到去真的不得了, 人山人海. 想找一個位坐都沒有. 既然冇位, 都可以感受下現場氣氛.

有live band. 樂隊會現場彈奏著, 周邊的人會起勢一起唱.

冇位之下就轉左去Armbrustschützen - Bull's Eye睇下, 點知入到去覺得唔係太好玩, 氣氛也不及Hippodrom咁好. 留左一陣就去另一個tent.

場內好難發現唔到最大的Hofbräu Festzelt帳蓬

HB Tent全綠白色, fancy得來好靚.

行了一圈見到有位坐, 我地就坐底左. 坐好後, 職員會給你menu.

Menu內全德文, 點了每人一杯beer. 不過這裡買的beer係1 L , 想飲少D都唔得, 一杯都係Eur$10. 啤酒節的啤酒酒精濃度也較高, 約6-7%. 唔飲得Beer既, 都可以揀Non-alcoholic啤酒.

Serve我地既姐姐弱質纖纖一手可以拎10杯1L啤酒. 不過呢張佢見我影佢, 所以佢停下比我影.

我地點了半隻香草燒雞, 好味!! 通常酒會上先, 就先付酒錢.

呢個tent都算好玩, 因為有好多人不停乾杯.「Prost!」是德文的乾杯，說的時候要有男子氣概，聲音要低沈，然後用自己的一公升啤酒杯用力跟別人碰杯暢飲. Live band每隔一小段時間就會演奏Eon Prosit，提醒大家，飲酒啦！

有人會站上枱相互挑戰

我地張枱的人全部都係來自唔同國家, 有來自美國, 非洲, 南美, 加拿大. 大家飲酒傾下玩下都留左2個多小時.

呢個係我係現場所拍的影相, HB tent氣氛好高漲.

之後去左Ochsenbraterei Tent睇下

其實我地每個tent都有入去睇下感受下.

呢個好一般的tent, 入去睇下就走左啦!!

好鍾意Hacker-Pschorr Brewery呢個tent, 入到去氣氛好好

藍天白雲icon, 在場有女仔跳舞

終於係呢個見到職員拎住10杯大beer啦!!因為在場都算幾多人, 職員都可能做到冇心機.

Pschorr Bräurosl tent!

見個呢個品牌icon獅子, 就知去左Lowenbrau

呢位男仕有少少似Mr Beans

Schottenhamel tent! 呢個入到去同Lowenbrau有點相似.

其實個個tent都有自家特色, 也有自家的live band, 有時會因應當場氣氛彈奏唔同的音樂. 啤酒節個人覺得超好玩, 冇做reservation的話, 就要找個下午的時間去碰下運氣啦!! 有d tent唔只有室內tent, 仲有室外座位. 注意有d tent入去前要檢查你的手袋, 見你有飲品會叫你棄置. 如果唔係唔比你入內.

去參觀完唔同的beer tent之後, 就係Theresienwiese內繼續影相. 好多人都會係啤酒馬車前影相.

仲見到好多大大小小的薑餅, 上面寫的是祝福語或情心說話. 用來送比另一半都會好開心. 本來小吉子都想買一個比我, 但我地真係唔係好知佢寫什麼, 全部也是德文.

會場內有好多遊戲及食物攤位. 有時間可以慢慢玩慢慢食. 係到玩一整天都冇問題.

最後我係大門口影相留念. 走的時候見呢個大門口係有警察檢查.

欣賞過King Ludwig II 的第二座夢想城堡海倫基姆宮 Schloss Herrenchiemsee後，對這座於1662年為慶祝他誕生的宮殿當然也充滿了好奇. 從海倫基姆宮 Schloss Herrenchiemsee離開後我們就開車往寧芬宮. 寧芬宮融合了巴洛克與洛可可式建築, 後來成為巴伐利亞選帝侯和國王的夏宮, 係第二次世界大戰中沒有受到毀壞的豪華宮殿之一.

寧芬宮內可以拍照及有語音導覽. 憑『巴伐利亞14天票』去售票處兌換寧芬宮的門票便可以了. 除了宮殿之外，巴伐利亞14天票仲包括馬車及雪橇博物館Marstallmuseum、瓷器博物館. 一般旅客必須另外購買門票，並不包含在宮殿的門票之中.

一踏進宮殿首先見到的是洛可可式的華麗大廳Great Hall.

屋頂這個巨大壁畫是以希臘神話為主題. 仙女(Nymphs)對女神芙羅拉致敬,也是寧芬宮名稱的由來

King Ludwig II出生的房間

這是King Ludwig I (悲劇國王Ludwig II的爺爺)有名的收藏美人畫廊 - King Ludwig l's Gallery of Beauties. 這裡總共有36幅當時不同階層的美女畫像, 有平民也有貴族, 值得細細欣賞.

這裡最有名的是一位西班牙舞者蘿拉‧蒙特斯, 她不但引起了西元1848年的革命,也讓King Ludwig I為了她而被迫退位，真係不愛江山愛美人.

除了華麗的宮殿之外，寧芬宮仲有非常廣闊的庭園，宮前宮後都是一望無際的綠地，真是大到不得了.

因為時間唔夠, 離閉館的時間少之又少, 所以最後沒有參觀馬車及雪橇博物館.

我地決定返回Munich市中心. 先到酒店check in. 之前係大杯酒，大啖肉，大腳油之旅 - 德國有share過. 因為酒店泊車要比$$, 問下Counter staff意見佢都話泊街都可以. 酒店前面有幾排parking. 夜晚可以免費泊車. 酒店交通十分方便，附近是U3、51號巴士和20號電車的起點站，S1也途經此地，到慕尼黑火車站和往返機場都好方便快捷. 安頓好後, 便出發坐地鐵到市中心.

慕尼黑最有名的景點幾乎都集中在瑪麗恩廣場 Marienplatz , 光是這個地方就可以讓遊客逛上半天的時間. 慕尼黑最主要的景點如皇家啤酒屋、聖彼得教堂、皇宮博物館、聖母瑪莉亞教堂等，都在徒步可達的範圍, 再加上周邊還有百貨公司、運動用品專賣店以及眾多的餐廳、啤酒屋等，每一個遊客都會在此廣場周邊消磨掉一整天的時間.

廣場上的瑪麗恩圓柱(Mariensäule), 其設立的目的就是頌揚聖母.

市政廳, 遊客可坐電梯到高85米的塔頂參觀。開放時間為一至五9:00-19:00，星期六、日及假期10:00-19:00，費用為EUR$2.5. 不過我地冇上到去.

高塔的正面設有音樂鐘，這裡有全世界最知名的人偶鐘表演，每天11點(5~10月時12點、17點、21點)，與真人等高的機械玩偶便會出現，演出騎馬矛戰及舞蹈，非常受歡迎. 時間一到廣場上便集聚了人潮。

騎馬矛戰是將當年巴伐利亞大公爵威廉五世(Wilhelm V) 和洛林公主的結婚大典，為了祝福這對新人特地舉行一場決鬥，藍白色的騎士代表巴伐利亞，紅白色的騎士代表洛林。下半場表演的背景是1517年，當時因黑死病蔓延，居民都裹足不出，最先有膽量上街的是造酒桶的工匠，他們在街道上跳著奇特的舞蹈傳揚著病毒絕跡的好消息。表演時間較一般音樂鐘長，約10分鐘左右，由最頂端的3聲鳥鳴劃下休止符

慕尼黑的市徽

晚上去了瑪麗恩廣場附近吃晚餐.

第二朝一早還好車後, 便坐地鐵到瑪麗恩廣場吃早餐. 吃早餐時見到好大塊的薑餅, 好期待一陣家下午去Oktoberfest大吃大喝.

去München Residenz行經皇宮區和皇宮花園，裡頭有皇宮博物館和寶物館

新市政廳北邊的王宮博物館(Residenz)是以前巴伐利亞王室居住的宮殿, 外場正在整修, 持巴伐利亞城堡14天pass又可以免費參觀. 真係抵!! 一入去就見到庭院旁具東方色彩的石窟(Grottenhof),大量貝殼以很細緻的方式鑲嵌在石灰岩上, 可惜整修中.

再入內參觀, 便是古董廳(antiquarium)---文藝復興式大廳, 這是皇宮最古老的部分, 非常金碧輝煌,豪華奢侈的程度不輸凡爾賽宮.

這座皇宮有兩層,開放參觀的房間接近一百間, 真係大到不得了!!

好多房間都如下圖般華麗, 壁上不是掛著美麗圖繪的壁毯, 就是豪華的彩繪大理石,但係有好多房間為了保存古物光線都會比較暗淡.

皇帝的房間

祖先肖像畫廊(Ancestral Gallery)---皇宮最金碧輝煌的房間之一, 展示121位歷代國王的肖像畫

其實呢個皇宮真係唔算太多人參觀, 加上大得好緊要, 皇宮另一部分是皇宮博物館(Residentzmuseum),有展示許多皇室收藏的皇冠飾物,銀器瓷器,真係多到你唔想睇. 另外還有一間寶物館(Schatzkammer),裡面收藏更貴重的一千五百多件珍寶藝術品, 最後以走馬看花快速通關的方式去睇, 也花了多過兩個半小時完成.