Welcome to Ishiha Wanderlust: 宇治和歌山

顯示包含「宇治和歌山」標籤的文章。顯示所有文章

Photo of the day

點解今次揀去加太浸溫泉? 之前都係去和歌山, 好少去埋加太, 所以就試下啦!! 加上今晚住既加太海月對住個海, 而且我最鍾意去呢d細小既溫泉郷,. 加上價錢好心動. 一泊兩食都係每人7700

, 呢個價錢好難抗拒囉!! 最後我地約埋兩位朋友齊齊係加太海月住返晚呢!!

由和歌山市搭乘南海電鐵往加太站只需23分鐘, 加太海月有免費接送服務. 到達加太站, 我地就叫站口旁服務台既職員幫忙打電話，等了10分鐘便有位大叔揸車來接我地啦! 就係呢10分鐘, 我地就發現4.29開始加太線有鯛魚列車運行, 點解唔早兩日呀?? 真可惜!!

房間大又好舒服, 仲有個無敵大海景. 不過就開唔到窗出去啦!!

訓覺怕曬, 可以拉埋整個屏風

我地同朋友傾左一陣, 我就決定飯前去浸一浸先. 雖然呢間溫泉酒店冇我係米子住那間咁高級, 但以心動價可以望住個海浸溫泉, 真係超值. 難得又係冇人.....HAHA!!

到了晚餐時間, 今晚食既係鯛魚宴 , 每一道菜都係用不同既煮法以魚為材. 每一道菜都好好味, 而且我地係一路食職員慢慢一道道菜加上來. 旅館真係好用心製作, 食材又係好新鮮.

最衰我係唔食魚頭, 成份送左比吉少食哂.

鯛魚煲飯👍呢個又係好好味!

之後食完飯, 大家傾計時仲食埋個大阪甜點. 朋友好窩心, 買左個好好味蛋糕一起分享

我一早起身, 都不忘去個早浸,浸完成個人都Relax D. 之後就去食個早餐先.

早餐位置都可以望到整個海

嘆完又到我地離開既時候啦!

臨走前都不忘買返枝當地出既咖啡味牛奶飲,好香好滑.

加太海月安排左車, 車返我地去車站.

Photo of the day

一個轉身, 我就由米子去到新大阪啦!! 訓左一晚之後, 我就開始今次旅行重點行程之一: 追睇紫藤花. 之前完全無諗過8日內要去咁多地方,但係為左一睹紫藤花既美景, 所以不惜去多幾個地方追花睇. 上網知道關西地區有幾個必訪紫藤花名所, 包括: [京都] 宇治平等院 &鳥羽水環境保全中心; [大阪] 泉南市信達宿之野田藤; [奈良] 春日大社萬葉植物園; [和歌山] 美山之里; [兵庫] 白毫寺&白井大町藤公園. 論方便京都宇治平等院係我睇紫藤花又可以有得周圍行下既心水地方.

綞過兩旁既商店街後, 便到了平等院入口.

一入門口真係不得了, 見到漫天既紫藤花. WOW, 好靚呀!!

其實過多幾日, 呢度應該會更靚, 開花更多. 不過我見到呢個景, 已經好心滿意足

當日去既遊客唔算太多, 但係個個都圍住紫藤花影相, 要一個人都冇實在有點難.

影左一輪紫藤花, 都要行下日本最具代表性古老建築-平等院

呢個可以影埋個倒影, 又的確唔錯.

我地行左一個圈,之後再去大門影返紫藤花. 個人覺得門口既紫藤花比入面近平等院既更靚.

行完出左去逛宇治老街. 如果喜歡綠茶, 千萬唔好錯過. 真係好多好多間茶店呢!! 我本身就係茶控, 簡直去左天堂. 第一間去既就係一出平等院外既茶舖. 見到綠茶同焙茶雪糕, 簡直兩眼發光.

食落茶味好濃, 而且雪糕面加上一層茶粉, 大叫好好味!

有D店家門口仲有好靚既紫藤花

我呢位茶控去到少不免要shopping, 除左一般既茶之外,仲買左幾款以茶為主題既食物返香港.

係香港都有分店既中村藤吉就唔可以錯過啦!! 當然我都有入去朝聖啦!! 原本好想係度食lunch,

但見排隊既人真係好多, 所以買左外賣. HaHa!!

最後我揀左間家庭式經營既簥麥麵舖開餐, 叫了兩客唔同口味既簥麥麵, 又唔錯呵.

行完宇治, 我地要搭車去和歌山會合兩位朋友啦!! 係車上都不忘食返個中村藤吉甜品先, 我仲帶左外賣比朋友食, 佢地覺得外賣既味道好食過係店內吃呢!! 不過對於我呢個茶控來講, 唔駛問什麼都好好味架啦!!

Photo of the day

今年4月14日及16日九州熊本縣發生6.4級及7.3級超級地震, 地震後造成多人死亡上千人受傷. 本來上年12月已買好機票, 一心諗住今年要去河內紫藤公園賞紫藤花, 卻就今次咁嚴重既地震, 係出發前一星期改哂所有去黑川, 湯布院, 別府, 阿蘇既行程. 那個星期聽到九州餘震不斷, 係咁不穩定既情況下, 我不得不改往其他地方. 由原本自駕突然改為鐵道行. 而且更踏足未去過既日本中國地方 - 山陰山陽. 雖然今次去唔到九州作深度遊, 不過都玩得好開心.

講返今次打亂陣腳之鐵道行先,出發一星期前我係JR西日本網上不停做research, 諗緊買5日pass還是7日pass. 以下係兩張唔同pass既比較

廣島&山口地區5日Pass價錢為11000

可利用以下列車

- 山陽新幹線上的非指定座席（普通車自由席）（三原⇔博多）

- 特快列車上的非指定座席（普通車自由席）

- JR西日本之在來線的新快車（新快速）、快車（快速）、當地列車（普通列車）

- JR西日本宮島渡輪（宮島口⇔宮島）

周邊觀光景點: 九州: 博多(褔岡)、門司、小倉
山陽地區: 廣島、宫島神社、尾道: 貓之細道、吳巿等等
山口地區: 岩國(錦帶橋)、荻、防府、津和野、下關等等
温泉: 湯田温泉、湯野温泉等等

山陽&山陰地區7日pass 價錢為19000

可利用以下列車（對號入座）
- 山陽新幹線的指定座席（普通車指定席）（新大阪⇔博多）
- 特快列車「HARUKA、KUROSHIO、THUNDERBIRD、KOUNOTORI、YAKUMO、SUPER HAKUTO（包含上郡⇔智頭）」等。
- JR西日本之在來線的新快車（新快速）、快車（快速）、當地列車（普通列車）
- JR西日本宮島渡輪（宮島口⇔宮島）

周邊觀光景點: 九州: 博多(褔岡)、門司、小倉
山陽山陰地區: 廣島、宫島神社、尾道: 貓之細道、吳巿、岩國(錦帶橋)、荻、防府、津和野、下關、出雲大社、鳥取砂丘、境港、米子等等
關西地區: 和歌山、敦賀、大阪、神戶、奈良、彥根、京都、嵐山(保津峽)、姬路、環球影城等等
四國地區: 高松等等
温泉: 湯田温泉、湯野温泉、鳥取温泉、皆生温泉、玉造温泉等等

兩張pass價錢上有8000

差價. 兩個人加起上來就成16000

. 比較後我都買左7日pass, 佢去到既地方cover多好多, 而且我仲可以去埋和歌山浸溫泉

, 想去邊度玩又得. 最後呢張pass為我慳左每人最少30000

, 我地係搭左50000

既新幹線及火車!! 好啦!! 既然揀得坐新幹線火車, 最緊要知道日本新幹線班次, 就返時間出發. 本人用過呢個APP駅すばあと, 覺得超好用, 仲要係免費呵, 所以係度介紹埋比大家.

係APP內輸入地點, 打一個字, 佢已經出到一列名單自己揀地方就可以. Set好哂出發地以及到著地, 就會出到唔同既組合. 而且更可以選擇時間分別有： 1. 以出發時間篩選 2.以抵達時間篩選 3.最早發車時刻 4.最晚發車時刻. 寫著「早」的圓圈表示最快;「樂」表示換車次數最少;「安」表示最平.

揀左自己想要那班車, 又可以click入去睇返邊個月台發車同埋睇到幾多站. 日本JR職員一睇就明, 用來去Reserve Ticket都方便好多啦!!

可於這裡下載 ⇨ Google Play / Apple Store

今次行程8天內, 我就去左米子, 境港, 宮島, 大阪, 宇治, 和歌山, 神戶, 小倉, 博多. HAHA!! 見北九州冇事, 我又去埋河內藤園, 大滿足呢!! 以下係我今次既行程 & Blog:

Date	Itinerary	Transport
25/4 Day 1	香港✈福岡⇨博多⇨米子⇨皆生溫泉 🎌JR西日本山陰山陽打亂陣腳之鐵道行🚅 米子皆生溫泉湯の宿松月	15,670円
26/4 Day 2	米子⇨境港⇨大阪 🎌JR西日本山陰山陽打亂陣腳之鐵道行🚅 境港鬼太郎	9500円
27/4 Day 3	大阪⇨宇治⇨和歌山⇨加太 🎌JR西日本山陰山陽打亂陣腳之鐵道行🚅 京都宇治平等院 🎌JR西日本山陰山陽打亂陣腳之鐵道行🚅加太海月和歌山	5590円
28/4 Day 4	加太⇨神戶三田Premium Outlets ⇨大阪	2580円
29/4 Day 5	大阪⇨宮島⇨小倉 🎌JR西日本山陰山陽打亂陣腳之鐵道行🚅廣島宮島嚴島神社牡蠣屋	17730円
30/4 Day 6	小倉⇨河內藤園⇨士多啤利園⇨柳川 ⇨博多 🎌自駕遊河內藤園 🎌九州紫藤花瀑自駕遊 🍓 士多啤梨らいおん果実園 🎌九州紫藤花瀑自駕遊柳川元祖本吉屋鰻魚飯福岡炭火燒肉多牛中洲屋台	自駕天
1/5 Day 7	博多⇨Marinoa City ⇨ Quil Fait Bon(キルフェボン)⇨福岡屋台
2/5 Day 8	福岡✈香港