🎏九州關西紫藤花瀑🎌JR西日本山陰山陽 打亂陣腳之鐵道行🚅 京都宇治平等院
Photo of the day
一個轉身, 我就由米子去到新大阪啦!! 訓左一晚之後, 我就開始今次旅行重點行程之一: 追睇紫藤花. 之前完全無諗過8日內要去咁多地方,但係為左一睹紫藤花既美景, 所以不惜去多幾個地方追花睇. 上網知道關西地區有幾個必訪紫藤花名所, 包括: [京都] 宇治平等院 &鳥羽水環境保全中心; [大阪] 泉南市信達宿之野田藤; [奈良] 春日大社萬葉植物園; [和歌山] 美山之里; [兵庫] 白毫寺&白井大町藤公園. 論方便京都宇治平等院係我睇紫藤花又可以有得周圍行下既心水地方.
綞過兩旁既商店街後, 便到了平等院入口.
一入門口真係不得了, 見到漫天既紫藤花. WOW, 好靚呀!!
其實過多幾日, 呢度應該會更靚, 開花更多. 不過我見到呢個景, 已經好心滿意足
當日去既遊客唔算太多, 但係個個都圍住紫藤花影相, 要一個人都冇實在有點難.
影左一輪紫藤花, 都要行下日本最具代表性古老建築-平等院
呢個可以影埋個倒影, 又的確唔錯.
食落茶味好濃, 而且雪糕面加上一層茶粉, 大叫好好味!
有D店家門口仲有好靚既紫藤花
我呢位茶控去到少不免要shopping, 除左一般既茶之外,仲買左幾款以茶為主題既食物返香港.
係香港都有分店既中村藤吉就唔可以錯過啦!! 當然我都有入去朝聖啦!! 原本好想係度食lunch,
但見排隊既人真係好多, 所以買左外賣. HaHa!!
行完宇治, 我地要搭車去和歌山會合兩位朋友啦!! 係車上都不忘食返個中村藤吉甜品先, 我仲帶左外賣比朋友食, 佢地覺得外賣既味道好食過係店內吃呢!! 不過對於我呢個茶控來講, 唔駛問什麼都好好味架啦!!
你影得平等院好靚啊
回覆刪除而紫藤花瀑又真係好靚WOW
簥麥麵好肉好得, 不過我都係鐘意原味多D
去左關西幾次都未有機會去過宇治TIM
**簥麥麵好似好得
刪除其實平等院都幾靚,有埋D花襯埋就更靚啦. 簥麥麵確實唔錯,簡單好味,茶唔茶味冇咩大分吃. 好勁綠茶味既簥麥麵好少, 我食左好多間都唔會話好突出.
刪除我都好懷念宇治既抺茶雪糕...唔係度度都會灑上咁濃味既茶粉呢~ 真係好好味!
回覆刪除呢度相對上少遊客, 應該行得好舒服喎...咁你地將行李寄存喺新大阪呀?
雪糕正,行落又唔多人. 店家好地道又好行. 係呀!! 行李寄存係新大阪既酒店內, 因為住完一晚後會回歸,所以隨身帶一晚用既野就可以啦.
刪除