🎏九州關西紫藤花瀑🎌JR西日本山陰山陽 打亂陣腳之鐵道行🚅 米子 皆生溫泉 湯の宿松月
Photo of the day
終於可以開山陰山陽米子岡山Blog寫啦!! 今次呢個trip係之前既Blog有講過因九州地震, 所以行程計劃全部要轉哂. 其實我對米子岡山都較為陌生, 一來我未去過啦!! 二來好少人踏足米子鳥取那邊玩, 所以一知道要轉Plan, 我就不停找相關資料.
之前去九州既plan係有兩晚去浸溫泉, 改行程時都有考慮呢個因素, 所以係米子附近睇下有冇溫泉. 本想去湯原溫泉鄉住一晚, 因為岡山既溫泉屬弱鹼性碳酸泉, 有美人湯之稱, 聽聞可以令肌膚幼滑, 特別適合女士們. 不過坐火車去湯原溫泉唔算太方便. 唯有就行程揀左去米子皆生溫泉住一晚.
由機場去福岡超方便, 坐巴士唔駛20分鐘就出到去. 我地先去開JR Pass同埋留哂JR飛先. 最開心今次可以坐到希望號列車,
佢係所屬既山陽新幹線上運行時間最短、平均車速最快的列車, （希望1號）遠至東京都可以去到. 由東京至博多最快列車時間只需4小時53分鐘.
坐得火車, 當然要買個便堂上車食啦!! 好耐都冇試過鐵道行🚅 , 大大話話都有6年了.
去到岡山要轉火車到米子, 呢段火車車程比較耐, 大約2小時17分.
終於都到了米子站, 一出車站, 左手邊見到巴士站.
3號巴士站就係去皆生溫泉, 落車既地方就係遊客中心.
只需15分鐘左右便到皆生溫泉遊客中心. 呢度一帶有幾間大型既溫泉旅館, 不過就散d. 望到海既溫泉旅館價錢自然比較貴.
落車後我地向海邊行, 去找我地今晚住既溫泉酒店-湯の宿松月
望住個日本海, 真係好靚!! 最衰今晚來到遲左少少, 睇唔到整個日落過程!! 
職員之後問我地幾時可以晚餐, 為我地去準備. 房間算大, 而且更有天王椅.
今晚晚餐Menu好豐富.
前菜及旬鮮一口姬壽司
鳥取黑毛和牛溶岩燒, 和牛好juicy, 牛燒肉味濃. 不愧為和牛始祖產地.
食完Part 1繼續上, 已經飽. 職員係見住我地食成點, 自行安排上菜.
米子白魚蒸蛋 
炸物
每道菜都精緻美味, 而且食到米子, 鳥取, 境港既新鮮食材. 最後上埋自家製甜品為這餐畫上完美句號.
食飽休息一陣, 我地上左去海の湯浸溫泉. 我就好鍾意望到海既岩湯啦. 浸完個人好舒服呢!!
昨晚訓得太好, 完全起唔到身睇日出. 訓醒見到太陽升起. 好靚呀!!
望到成個海, 真係好舒服.
見咁早我又上左去浸溫泉. 呢個就係我琴晚影那個岩溫泉, 可以對住個海. 如果冇哂圍欄就perfect. 其實我去左前後兩次, 都係得我一個人浸.
浸完見吉少未得, 我就去左大堂飲咖啡同埋去左昨晚book好既貸切露天風呂. 湯の宿松月總共有4個貸切露天風呂, 包括: 樽風呂, 岩風呂, 庭風呂, みかげ風呂. 我就覺得無料貸切露天風呂一般. 如果怕羞唔敢去大浴場或行動不便想浸溫泉既人, 都有呢d選擇.
見到大堂有好多鬼太朗既公仔係到排排坐
浸完行返去大堂休息下先
大堂仲有好多好得意既牌比你用來影相, 枱面上有埋黑板可以寫野.
時間尚早, 我地去左飲返杯咖啡先.
好啦!! 早餐時間到啦. 今次要去返餐廳食早餐, 入到去. Wow, 仲有個海景陪我地食早餐呢.
最喜歡食既溫泉蒸豆腐
一個超級滿足既早上, 又浸溫泉又有個咁豐富既朝食. 食完我地都有外出周圍行下
之後返回房間收拾行裝繼續出發, 依依不捨都要走架!! 係房都要影返個靚景先走
Check out後, 職員仲同我地影左張相留念呢!! 佢地好到曬埋相上埋相架送返比我地. 湯の宿松月真係好貼心, 連呢d細節都做得好好.
你呢間溫泉好正啊...好可惜我改行程時已經book唔到溫泉酒店喇!
回覆刪除再去啦！而家有直航飛去米子方便左咁多，慳返好多時間可以慢慢嘆個溫泉
刪除都係多得你同我講可以咁樣轉行程, 今次旅程真係有驚喜呢~
回覆刪除大家互相交留下旅行心得係一件開心事. 我自己比較喜歡去D日本鄉鎮多過去城市玩, 所以間唔中都好有驚喜比自己架.
刪除個海....間溫泉好正!!
回覆刪除雖然唔係咩新酒店, 但溫泉確實唔錯, 最緊要係冇人, 可以獨霸
刪除最緊要係冇人, 可以獨霸---> 哈哈哈.
刪除話時話, 日本有好多溫泉酒店都冇咩人, 都唔知佢地點維生?!
係啦！我估溫泉飯店自己買地起，所以免除貴租可以用之於人客身上。如果唔係好多都冇哂
刪除