Welcome to Ishiha Wanderlust: 曼谷

顯示包含「曼谷」標籤的文章。顯示所有文章

以前去食Fusion泰菜, 都會諗去Greyhound cafe, Nara....etc. 不過今次好想試下地道正宗泰菜,就去左呢間White Flower Factory. 佢地係屬於家庭式經營, 總店係舊城區, 比較難去. 無論菜式、用料、味道頗適合泰國人而且價錢唔貴, 所以好多本地人幫襯. 而第一間分店就係鄰近BTS Siam Square One商場內.

入到餐廳, 店內裝潢唔錯, 樓底多, 並以黑白灰及木色為主. 感覺舒服, 而且入內有一大邊落地大窗, 可以望到BTS站人山人海既畫面. 呢間餐廳中午過後, 只賣蛋糕及飲品. 6pm後提供晚市. 晚上好多人, 要有排隊既心理準備呀!! 不過我地行完Paragon再去埋massage後, 已經差唔多過了食晚餐既時間, 去到White Flower Factory時沒有太多人, 唔駛等位就可以安排入座啦.

打開Menu, 除了有泰菜外, 另有提供西菜: 三文治, 鵝肝等菜色. 我地係咁肚餓既情況下, 兩人叫了4碟食物. 先來是Appetizer: 辣味三文魚他他. 呢個好好味, 辣度夠, 而且好開胃. 三文魚他他上放了一條長麵條, 麵條好鬆脆好香.

另外我地點了泰色春卷同埋單骨炸雞翼. 單骨炸雞翼個醬既辣又帶少少酸, 好食過Greyhound 好多呢. 而泰色春卷也炸得好香脆. 最後我地再叫了碗冬陰公粉, 呢個真係好好味. 冬陰公湯看似平凡, 但其實係超好味. 冇味精之如, 簡直係味覺享受. 冬陰公好味係要辣與酸度要平衡, 而呢間White Flower Factory真真正正做到. 食到呢度, 我地兩個已經好飽, 本來好想留肚食甜品, 也沒有空間啦!! 提提大家, 呢度既甜品都好好味, 特別係泰國奶茶Crepe Cake以及椰子蛋糕.

每年去曼谷, 我都會去下唔同cafe食野飲咖啡. 上次去過Roast, 今次就去另一間位於EmQuartier內既 D'ark. 好多人都係見到Roast多人, 就去D'ark那邊食. 其實D'ark個名都好大, 第一間分店係Sukhumvit Soi 49巷內開左唔夠半年, 就係EmQuartier開第二間啦!! 而且係EmQuartier內佔據係地面那層既好位置.

D'ark入面以金屬元素及原木作裝飾, 大玩工業風既設計. 由於係平日既關係, 店內唔算太多人. 我地安排坐係sofa位置. 打開menu, 見到咖啡總類多, 而且有3款signature brand: D'ark, Nero, Ali Reserve, 提供slow drip coffee, aeropress & cold brew沖泡方式. 去到櫃台望仲以為自己去左實驗室呢!

食物由兩位曾任職Michelin餐廳既法藉大廚主理. Menu內有Brunch, Salad, Burgers, Pasta, Seafood, Meat & Desserts選擇. 而我地諗住來吃早午餐, 就係Brunch內揀吧! 我地兩人叫了一份English Breakfast Cocotte (350b) 同埋一份Salmon Eggs Benedict (290b). 另外叫了Flat White & Cappuccino. 係Order時我還問waiter可唔可以係咖啡上畫肖像拉花, 他們說可以, 不過上咖啡時間會耐一點. 反正我地hea遊, 就試一杯玩下吧. 我杯咖啡來到時確實有驚喜, 似唔似樣就.....始終都係gimmick.

我地傾談了半小時左右, 食物開始上枱. 先來了Salmon Eggs Benedict, 而D'ARK無令人失望. 檸檬荷蘭醬好味, 鬆餅麵包邊脆內軟. 另一味English Breakfast Cocotte也上了. Portion有d細, 還以為大大一份呢!! 可能有期望, 我就對呢個Breakfast Cocotte有點失望.

Facebook:https://www.facebook.com/darkbyphillipdibella/
Website: http://www.darkoffee.com/

Photo of the day

每年指定動作必遊一轉曼谷Bangkok. 今次4日快閃之旅只有我同一個Friend去, 所以係超簡單.突然間想去就買好機票出發, 沒有既定行程, 只係出發前簡單安排好兩次massage, 同埋要走一轉JJ market買野.

以下既相全部都係用Iphone影, 所以quality一般. Hea遊開始.....

今次住宿方面係BTS對出既Renaissance Bangkok Chitlom, 之前住過覺得唔錯, 而且比較新. 起初都有諗住係Terminal 21, 價錢仲比Renaissance平, 不過住開Chitlom附近有情意結, 唔理咁多就book左啦!!

一落機settle好就趕去做Spa, 又係去開我鍾意既Lavana bangkok, 無論手勢服務都好好而且價位平實. 呢間Spa大大話話都幫襯左10年. 今次去仲有少少promotion呢!! 如果有興趣可以出發前睇下有冇promotion, 最抵係做一個2 hour massage送1 hour facial/scrub treatment (只係0900-1300). 由落機到做完spa都未好好食過一餐呢!! 係咁肚餓既時候, 佢地跟左個light dinner比我地, 係咪好貼心呢!! 唔知係咪肚餓, 食呢個light dinner總係覺得好好味.

雖然食左個light dinner,但都未能填滿我地既五臟六腑. 經過BTS見到奶茶店又走左去買杯飲, 呢間奶茶咖啡店係曼谷都好出名. 主打茶底香而且味濃, 可以order少奶/多奶/少甜. 始終泰國人愛甜, 所以唔order少甜既話, 真係會甜到震. 如果唔飲開濃茶既朋友, 可能未必接受到.

夜晚去左水門食雞飯. 水門雞飯簡直係每次去上年去Bangkok必食. 當中有兩間較為人熟悉, 一間係店員全部穿上綠色制服, 另一間係粉紅色制服. 呢個記號易認過店名. 不過上年去既時候已經覺得粉紅衫雞飯檔冇以前咁好食啦, 所以今次去返綠色制服那間. 水準依然keep到, 特別鍾意雞同飯既比例好好, 唔會話飯多雞少既情況出現.

食完雞飯行左門口有檔芒果糯米飯好正!! 芒果糯米飯有分大同細兩個size賣, 大既100b, 細既60b. 我地買了一盒大既返酒店繼續食. 芒果好香好甜, 糯米飯軟綿適中. 加上椰奶超好味!! 大滿足既第一天.

晚上我地又出發到夜市, 今次去左一個好hit既火車夜市睇下. 點解火車夜市會HIT? 係因為火車夜市有得玩有得吃, 而且賣東西較特別. 咁當然同外國weekend market比就冇得好比, 不過係曼谷找到一個咁既market算係一個good try. 地方要大, 人流要多, 賣既野要有gimmick, 遊客先會開始注目. 第一個火車夜市就成功彈出. 始終要去唔算太方便.

係今年一月又有火車夜市第二彈誕生, 而且較近MRT, 去既人更加多. 所以今次去BKK玩, 就去睇下. 坐MRT泰國文化中心站（Thailand Cultural Center）的3號出口出, 出站之後左轉, 你就會看到巨大的Esplanade Mall, 而火車夜市的招牌就直接放係購物中心門口. 不過我地一出, 唔知道就轉右邊, 行左一陣覺得唔對路, 有個泰國男見到我地望來望去, 仲帶埋我地去呢!! 不過佢既熱情款待實在太勁, 一見到我同個Friend, 就即刻帶上黑超撥靚個頭髮, 夜晚黑漆漆, 路都唔好行, 仲要帶黑超, 而且一路帶路, 一邊問我地有冇男友, 又話自己去過北京, 仲比相我地睇, 又同我地講國語. 雖然10分鐘路, 我地就驚足那10分鐘. 不過最後我地都冇事. 雖然佢真係太過over, 不過我地就有D驚.

好啦!!講返夜市先. 一入去Train Night Market Ratchada, 真係好多人, 而且現場有人翻唱Beyoncé既歌, 之後又玩Jazz. 一路行一路有音樂, 真係一個享受. 兩邊既店鋪算整齋, 唔會話人多逼到行唔到. 我地見到好多食店, 都係以大排檔及food truck居多, 有d仲帶點Vintage風格. 一路行到心臟地帶, 由大排檔去到賣衫賣2nd hand vintage物品, 最後會入到去見到露天Bar.

不過我地就冇買野, 行左陣就去左找食啦!! 我地去左場內一間幾hit既食店, 賣的是一碗面盤咁大既龍蝦冬蔭公粉. 一大盤都係賣1200 b, 見過真身後 (遠距離影左呢盤龍蝦冬蔭公粉.), 我地覺得真係唔會食得哂,

既然我地一場來到, 每人叫左一碗海鮮冬蔭公粉試下, 份量都唔少, 海鮮算多. 有蟹, 大頭蝦, 青口, 有魚. 不過我自己食左就覺得一般, 喜歡食辣既人就覺得唔夠辣., 有時去food court食可能質素仲會好些少.

來到多采多姿既BKK, 又點少得去吃餐法國菜呢!! 今次來到 J'AIME by Jean-Michel Lorain, Jean-Michel Lorain曾是最年輕的米芝蓮3星廚師, 總店La Cote Saint Jacques係法國的Bourgogne，J’aime是他首間在亞洲開設的分店, 而且仲拎左The Best Restaurant in 2015. 餐廳位於同於上年開業的 U Sathorn Hotel 2/F, 由法國店主廚Jean-Michel Lorain委派愛徒Amerigo Sesti到泰國坐鎮.

餐廳對於首次打入亞洲市場非常重視, 特別係室內環境花了不少心思, 沿樓梯上2/F 餐廳, 會發現樓梯的天花板竟是一盆國際象棋, 所有象棋反地心吸力地倒吊天花板上, 非常搞笑. 餐廳內亦有一部三角鋼琴倒吊係天花板上. 加上餐廳內用左好多Sofa, 所以坐係度吃飯也特別舒服.

點菜期間, Marine Lorain (3 starred chef's daughter)會為我地講解每道菜既特色, 而且仲同我地講呢個係新轉既Menu, 比唔同食客試下新野, 負係好貼心既服務. 其實呢間餐廳Lunch時段會推出兩款Menu, 可以選擇3 course or 6 course. 我自己真係好想試下食6 course, 不過以lunch來計, 食6 course實在太多了. 最後我地每人點了一個3 course menu. 6 course menu仲可以pair with wine. 不過我地唔想食太多, 於是order cocktail.

首先為我地上麵包, waiter會拿著麵包籃, 介紹唔同款既麵包選擇, 我地每人揀了一個, 我一口吃下, 真係好香好好味. Waiter也有問我地加唔加麵包, 咁當然留肚食其他啦!!

Appetizer到, 係有三小碟.
✔️Cheese and mushroom tart served with an onion confit,
✔️Quinoa and artichoke salad with a tomato confit, coriander leaves and Barigoule spume
✔️Tarragon mustard-scented crab remoulade with fresh fennel and pomelo

每碟好精美, Mushroom Tart好鬆脆, 另外軟殼蟹做得好好, 唔會話好多炸粉. 最估唔到用雅枝竹做沙律, 味道原來咁清新.

Main Course有兩款揀, 一個係Pan-seared snapper with ratatouille, potato confit and thyme. 另一個選擇係 Braised beef cheeks with a carrot fantasy and red wine sauce, 我自己就揀左呢個. 味道濃, 牛肉好諗, 中間仲擺左一小個牛骨髓, 簡直係精華所在.

食完個牛都有點飽. 雖然食左兩個Course, 但係加加埋埋, 就已經食左4個菜. 休息一陣, 再上埋Dessert. 原來都係3小件, 有Pecan and coffee Saturn, Pistachio and raspberry cream & Cherry with white chocolate. 3款之中, 我最鍾意都係呢兩個. 一個酸酸地, 好開胃. 再吃埋咖啡味濃既Saturn.

雖然係3 course menu, 小小碟 (其實唔細件)都好似食左好多. 最後仲送上Passion fruit Tart & 金箔朱古力, 超級滿足.

105 Soi Sathon 1 Thung Maha Mek, Sathon Bangkok 10120, Thailand‎

+66 2 119 4899jaime-bangkok.com

French RestaurantToday 12:00 – 2:30 pm, 6:00 – 10:30 pm

https://plus.google.com/100873808355582773074/about

9月係我同小吉子既Wedding Anniversary, 每年我地都會去個long trip來慶祝, 話咁快就6年了!! 今年我地揀左去冰島同埋北歐玩左兩個多星期, 整個trip都好開心好好玩. 去既地方多, 所以我好耐都冇update blog啦!! 不過上年意大利之行都未寫完, 中間我又加了另外兩個trip. 為左唔想爛尾, 我好想快d寫埋其他地方既分享先開冰島post. 所以我要拿拿臨完成, 真係要努力加油!!

講返7月BKK之旅, 今次我又去左另一間我好期待既店. 就係Roast Coffee & Eatery Bangkok. 雖然Roast 2011開業, 但最另人矚目都係呢一兩年既事. 還被各國媒體評為One of the Best Coffee in Bangkok. 而它最大賣點係店內咖啡豆全部自家挑選, 烘焙及研磨. 如果之前要去Roast, 就有少少煩. 因為唔近BTS, 由BTS行入去日本Thonglor 3內一個叫做 SeenSpace的商場, 最少要用上15分鐘. 不過好好彩, 今次去知道5月份Roast 係最新落成的Emquartier入面開左分店, 直接連接BTS Phrom Phong, 唔駛諗我今次就去間最方便, 順便可以朝聖埋最新開既Emquartier.

因為我地係附近做完SPA也差不多吃下午茶既時間. 去到Roast門口職員已即時方排我地入座, 如果中午到, 店內人客較多, 建議早點來排隊等候. 店內走簡約風格, 不過人客唔少, 我就冇特別周圍影相啦.Roast Menu都好精美, 跟其他外國店一樣, 喜歡用上Magazine MenuMenu食物有好多選擇, 有Brunch, pasta, seafood, meat. 見到第一頁既Brunch Menu已經好吸引.

我就Order了其中一個Signature Coffee: Iced Espresso Latte. 咖啡杯內放滿了Espresso冰磚, 自行加入牛奶, 便會變成Espresso Latte, 味道好香濃呢!!

之前我都吃過Brunch, 所以今次想試下其他熱食. 呢個係Squid Ink Pasta, 味道唔錯, 不過唔會覺得一吃難忘. Pulled pork burger, 配料份量好多, 而且味道好開胃, side dish fries好好味.

要知道來BKK玩, 每兩個鐘左右又一餐, 所以唔敢吃太多, 留返Quota食Dessert. 我地叫了Strawberry Waffle. Waffle食落夠鬆軟, 配上楓糖醬, 自家製Vanilla Ice cream, 好好味. 加上Strawberry都夠甜. 不愧為招牌甜品之一.