Welcome to Ishiha Wanderlust: 柬埔寨

顯示包含「柬埔寨」標籤的文章。顯示所有文章

12月16日

今日一早便到了洞里薩湖，它是東南亞地區最大而著名的淡水湖。而且湖上還居住了好多漁民，他們的生活全靠洞里薩湖。

當日坐船出海時，竟然看見有人在海上行路，其實當時水漲連淺岸地區有小路既地方都被水沈過。

當船拍岸小休時，有幾位小朋友用唔同既方式由他們的家過來我們那邊，為的是想要點錢幫補生計。　有兩位是游水過來，有位小妹妹就用面盆加竹枝差過來。　經上一次到印度之旅既經驗，我們兩個一早就買好哂幾大包糖果，諗住見到小孩便給他們。

遊畢洞里薩湖，便到了吳哥遊最後景點：比粒塔。

兩個小朋友好得意呢!!

今次可以攀上樓梯，樓梯真係幾斜，加上沒有扶手，所以要一步步踏著上。上到最高望落去，發現自己原來爬左好高呢。

比粒塔周圍有好多門檻，好靚!! 所以我同好友兩個不停起跳影相。　影出了下面那張自然既一跳，

HAHAHA!!

因為試跳了好多次, 行完比粒塔第一時間看見椰青，便買了個飲。導遊講那裡的椰青最好飲既時間係早上，因為未有太陽曬，會特別清!! 而我們買既時間正正是中午，係會有點點酸。

之後便乘車返回金邊 ,結束今次重點之旅: 吳哥窟

因為是最後一晚於Cambodia，晚飯後到了酒吧街同幾位團友飲杯。　到了一間好靚既露天bar，望出去便是好靚既皇宮。

12月16日

今日吃過早餐, 便坐車入吳哥窟. 只有不到10分鐘車程便下車買飛。　門票可分3類：３日, 5日及7日票。買門票時仲會幫你影低個樣做証件相。帶pass先入場 (連去toilet都會睇証)。

首站到了南大門. 南大門為通往吳哥皇城的一座城門，城門外兩旁樹立54個石像，個個不同神態。

一邊是慈祥的神像，一邊是魔。兩邊還有一個景色優美既湖。

經過南大門便是巴戎廟。吳哥皇城有５個城門以巴戎廟為中心。　

過進巴戎廟已經看到好多佛像。每一磚塔代表一個城，當時吳哥皇城佔領了好大既版圖。　所以便建有40多個塔。估唔到經過咁多個世紀，依然看得出雕像之細緻。

再向上走，便到了"高棉微笑"。連吉少睇完Ｄ相，都覺得那個佛像既笑容好慈祥，佢仲有個衝動叫我陪佢去一次。　HAHA

再到便是巴本宮。因為維修當中，不在此特別介紹。　

不遠便是古皇宮及斗象台，古皇宮只剩下城門，而出面的斗象台就好大好完整。　斗象台下全部有石雕，厲害!! 真的想不到古時人類點靠尖刀及鎚仔雕刻到如此地步。斗象台對面見到一大片綠草如欣，還以為自己到了歐洲旅行呢！！其實是１２生肖塔，遠距離看，那裡看得出是生肖塔呢？　原因被人嚴重破壞及火燒。　右邊數起第一個塔便是鼠，一路數過去，我便到了自己所屬之生肖塔下影相。　

影相後到了樹蔭底下透透涼，因為中午天氣實在幾熱，期間見到有小販賣新鮮菠籮。好甜好好味，而且多汁！

之後坐車到另一景點：塔普倫廟。整座塔普倫廟最特別之處是有好多白樹生長於牆間，當陽光照射下，樹身看上去會變了銀色。

差不多1200便離開吃lunch，今次lunch好特別!! 吃的是柬式午餐沙律 (用菜包入蛋+香葉)，好好味! 春卷及柬式咖哩雞都煮得好好味!! 其實起初也擔心這裡的膳食不好，仲買左幾個杯麵頂肚，點知最後一個杯麵都冇食過，而且日日都食得好飽。

吃飽後，再坐車入城參觀女皇廟。

它是一座規模不大的印度教廟。　這座廟雖小，但整座以紅色的砂石為建材。內有精美的浮雕，其中有一優雅APSARA迷人的微笑，更被稱譽為東方MONALISA。

係未寫重頭之前，總結一下吧。一個上午+中午後一個多小時，便參觀了９個古蹟景點，確實是有點走馬看花。　所以我都係覺得自由行比較好，多點時間欣賞及了解更多。

12月15日

終於到了今次去柬埔寨既重點遊啦!! 第三日黃昏前到了小吳哥。去到發現極多遊客，還有路邊有穿著民族服裝既人士與旅客影相，另一邊廂有吳哥窟前跟白馬影相（那當然全是自費項目）。

在正殿前，二邊有蓮花池，就吸引了大批的觀光客佇足，因為那就是小吳哥最有名名信片風景點。可惜今次參觀時因維修關係，正殿前加有綠色圍布。　唉～～咁唔好彩架？

從蓮花池旁進入小吳哥主殿的第一層，裏面的四面迴廊，雕滿印度教神話的浮雕，每幅都長達120公尺，故事都同戰爭與國王的功跡有關。

而從第一層進入第二層後，就可以看到當時國王與皇后要進入第三層禮佛時的淨身池，以及總數將近1500個的Apsara(女神)雕像。

由第二層上到第三層，就可以看到五座仿蓮花花苞造型組成的佛塔，因為相對稱的關係，由正面看起來僅有三座高塔。不過由07年開始，高塔不再開放給遊客攀上（因為有意外發生過）。

今次到小吳哥係特別來欣賞日落。如果自由行的話，我相信會看得到日出呢。　當日查過天文台，日落時間係1750。所以我於唔同時段影了以下幾張相。特別之處係因陽光既反射，高塔會變為金，紅兩種顏色。

看過咁靚既日落，又吃過晚飯。行左一整日，又出了身汗。　當然好想晚上出去做返一次massage啦 (one of our to-do list). 於是我與朋友一起到了Pub street一間門面唔錯既spa house做massage。原來柬式massage跟泰式aroma massage差不多!! 相比起係泰國做既massage，呢個既價錢一d都唔貴呢!! 而且手勢唔錯。　所以值得推介大家行完一整天，晚上做返個massage!!

12月15日

今日大概8:30am出發，首站到了國家博物館。那裡的建築好有特色, 而且手工精細.

我相信下一站到吳哥窟, 一定會更加嘆為觀止.博物館內展出好多高棉時期的珍藏雕刻包括神廟雕像及木刻. 其中導遊介紹當地求簽方法, 簽是用木製的, 求簽時將簽簡放於頭頂, 要打斜邊坐. 然後一路稟神, 一路用木枝條篤入簽簡, 篤到那篇就是你所求的簽.

午飯前到了金邊賭場一遊, 那裡沒有澳門賭場繁榮 (唔知係咪中午時份比較冷清), 但也具規模的. 上層還有新建好的酒店及SPA HOUSE. 我們兩個沒有多大興趣賭返幾盤, 反面有興趣睇睇SPA MENU呢!! SPA HOUSE設計像泰國星級靚SPA, 心諗去唔到泰國也想到這間SPA試試 (原本plan自由行係泰+柬兩地遊, 玩完柬, 便可到泰國來一轉massage relax下) 最衰都係唔夠時間. 既然今日試唔到, 下一站點都要試試massage先得.

吃過午飯便坐車到暹粒, 5個鐘呢!! 其間停過一個中途站是一間cafe. cafe外環境不錯呢!!

景靚, 好重大自然味道. Cafe邊還有一間間草屋, 可以食飯嘆茶之外, 仲有張吊床.

可以慢慢欣賞美麗既大自然. 我同好友每人嘆了一杯milk coffee (2000R=US$0.5). 那裡coffee味道好香, 飲落去仲多左一陣朱古力味呢!!

到達暹粒後已經入黑, 所以便安排食晚飯. 因為時間尚早, 所以回酒店放下行李後便到了night market shopping. Night market對面是pub street, 最過便是central market (即街市). 入黑後, night market & pub street都好旺. 大部份都是餐廳, bar, massage house及小店. 其間看見好多老外玩foot massage (溫泉魚食死皮), 好熱鬧呢!!

之後再到night market, 那裡買的東西好過中央市場好多, 除了選擇外, 價錢也平 (通常講到半價). 我們一路行一邊買, 極開心. 兩旁既店舖仲開到23:00-0:00. 估唔到來到cambodia都可以shop, 買返少少紀念品回港留念也好. 明天去完吳哥, 晚上要再來encore, 為的是要做"忘不了的massage".

最近好忙呢!! 忙到冇時間上來寫blog, 為的是一個特別任務. 遲d會同大家share我呢個特別任務....haha!!

係我plan下一次既trip之前, 好好的寫埋我x'mas前既一次short trip先. 如果唔係一路都唔駛寫.

-----------------------------------------------------------------------------------------------------------------

X'Mas未到之前, 我去左一個5日4夜trip.

不過今次沒有hubby份, 唔係我唔想帶他去, 而係他忙到連x'mas & new year holidays都要返工. 仲點樣陪我去玩玩散下心呢!! 所以我同姊妹團其中一位好友出發, 到了CAMBODIA. 起初我地係想自由行 (有4人出發), 我同另外一位女友仲PLAN行程呢!! 點知最後有兩位唔去得 (一個拎唔到假; 另一個FD既家人聽到自由行, 心驚驚!! ) 如果想自由行既朋友, 不妨自己去. 我今次去完, 對柬埔寨呢個地方完完全全改觀, 我個人覺得好安全.

12月14日

一早0615要到達機場, 搭乘0855KA到金邊. 因為HUBBY送完我到機場先返工, 所以我就係機場晨咁早食左個好滿足既早餐. 搞到成個飛機餐冇咩點食過.

柬埔寨只得兩個機埸: 金邊 & 暹粒!! 今次個TRIP就由金邊玩到入吳哥那邊!! 因為我地一早做好哂VISA, 所以好快就過左關. 金邊個機場幾細, 一眼可以望哂呢!!

第一站去了中央市場, 原來出面真係......好鬼熱!! 仲要係類似JJ MARKET咁樣, 行一陣已經唔想行!! 仲有, 那裡賣既東東, 大部份都係出產自thailand!!

市場內有一樣幾attractive我的東東係街邊賣既snack!! 睇睇下面張相, 有位小販賣的是柬埔寨成日都見既snack~~~唔知大家估唔估到呢?

貼士係: 昆蟲類 *遲少少再同大家開估*

係中央市場下左一陣, 已經急不及待去左對面街一間商店內飲0野. 我地仲叫local guide幫我地買左張phone card, 原來係要本地人先買到. 而且打返來又平過IDD 6成. 之後便去吃午餐. 雖然是吃中菜, 但也沒有想到原來那裡的中餐煮得不錯. 味道好好, 食物也新鮮 (好味到忘記影相, 晚餐一定要影影)

柬埔寨好熱, 但那裡的天空係特別藍!! 好靚~~~跟住到了國王皇宮參觀. 那裡要下午兩點後先開放給遊客參觀. 而皇宮內有好多特式既建築物!!