🎏九州關西紫藤花瀑🎌JR西日本山陰山陽 打亂陣腳之鐵道行🚅加太海月 和歌山
Photo of the day
點解今次揀去加太浸溫泉? 之前都係去和歌山, 好少去埋加太, 所以就試下啦!! 加上今晚住既加太海月對住個海, 而且我最鍾意去呢d細小既溫泉郷,. 加上價錢好心動. 一泊兩食都係每人7700
, 呢個價錢好難抗拒囉!! 最後我地約埋兩位朋友齊齊係加太海月住返晚呢!!由和歌山市搭乘南海電鐵往加太站只需23分鐘, 加太海月有免費接送服務. 到達加太站, 我地就叫站口旁服務台既職員幫忙打電話，等了10分鐘便有位大叔揸車來接我地啦! 就係呢10分鐘, 我地就發現4.29開始加太線有鯛魚列車運行, 點解唔早兩日呀?? 真可惜!!
房間大又好舒服, 仲有個無敵大海景. 不過就開唔到窗出去啦!!
訓覺怕曬, 可以拉埋整個屏風
最衰我係唔食魚頭, 成份送左比吉少食哂.
鯛魚煲飯👍呢個又係好好味!
之後食完飯, 大家傾計時仲食埋個大阪甜點. 朋友好窩心, 買左個好好味蛋糕一起分享
我一早起身, 都不忘去個早浸,浸完成個人都Relax D. 之後就去食個早餐先.
早餐位置都可以望到整個海
嘆完又到我地離開既時候啦! 
臨走前都不忘買返枝當地出既咖啡味牛奶飲,好香好滑.
加太海月安排左車, 車返我地去車站.
0 意見: