Photo of the day

💑今日寫Blog見有呢個Emoji植入, 即刻好奇試下先.  近排偷懶冇開到post呢!! 今日要離開大阪.  食完個早餐後就同朋友分手, 我同吉少繼續餘下旅程.  前一日訂好了新幹線到宮島口駅.  今次特別去宮島, 都係為左拜訪慕名已久既嚴島神社. 佢係一個建於水上既鳥居神社.  宮島口駅有好多Locker, 方便行李存放.  我地擺放行李後就出發啦!  

要去宮島, 由宮島口駅一直行到尾會見到碼頭, 那裡有兩班船去宮島.  持有JR pass者可以免費坐船.   上圖右手邊就係JR船上船位置, 只要Show JR Pass就可以上船啦.  船班可參照下面既時間表. 

(SOURCE: http://www.miyajima.or.jp/timetable/newryoukin2.pdf)

如果可以就埋潮退的話, 仲可以行出去鳥居呢!! 潮汐表亦可以參考埋呢條Link. 要觀潮退既鳥居, 一般都要係宮島住一晚會比較方便.  好啦!! 上船了, 船程只係10分鐘.

 係船上影既嚴島神社

我地向嚴島神社出發啦!! 不過一落船行去公園已經見到好多隻鹿, 佢地一D都唔怕人, 你睇佢對我幾有興趣.....😄

其實一路向嚴島神社方向行, 全部都係商店街同埋食店.

差唔多到食Lunch時間, 呢度係會一位難求, 特別係出名既餐廳, 所以我同吉少唔理咁多就走去開餐.  來到廣島縣, 當然要去食名物啦!! 係呢度豪食名物,價錢一D都唔貴.  我仲去左一間當地相當出名仲有隱藏版菜單既餐廳開餐, 呢間餐廳就係👉牡蠣屋

牡蠣屋定食總共有11隻大大小小既蠔, 用煎煮炸滷蒸烤加埋生食共7吃, 價錢都係 ¥ 2300.  勁抵.  要食呢個定食記住Menu係冇架!! Order時同職員講就可以.

  每人有炊蠔飯3隻蠔; 炸蠔3隻, 仲有蠔湯

 再加滷蠔2隻

仲有後上既燒蠔3隻

 呢個蠔餐好味不在話下, 而且蠔好鮮甜, 價錢仲好抵.  我地仲叫waiter介紹枝清酒一起配埋食,而家諗起都😋

 食飽繼續向嚴島神社出發.  一出門口見到呢個大飯勺, 佢係宮島名物之二.

明明就食得好飽. 隨街行又被我睇到宮島蒸饅頭, 有3個口味.  包括有廣島牛, 穴子同埋菜包

  我就叫左個穴子包, 食落唔太特別.

終於都行過商店街出返海邊

 現在係漲潮, 水位都幾高

去過日本好多個大大小小既神社, 我都覺嚴島神社幾靚.

參觀完嚴島神社, 又係時候下行周邊既地方.  有時間可以上去五重塔.  五重塔結合左中日兩國建築風格、高約27公尺, 係國家重要文化財產.

宮島算多野玩, 除左有神社參觀, 仲有個水族館, 更有登山纜車.  周圍又有好多商店可以吃喝玩樂, 所以假日好多日本人會來呢度玩.

見到我最鍾意食綠茶雪糕又點會放過呢一個機會呢!! 臨走前都不忘要食杯先.  之後見到呢個柑雪糕, 又引我.  唉~~~😮點可以忍呢!!

一路行去碼頭, 又見到燒蠔店, 買左一碟食.  呢個就冇我地係牡蠣屋咁肥美, 但都係好鮮味.

玩完宮島, 又繼續南下去我地今晚住既地方九州小倉