同遊泰國~姊妹團出發篇

下午5:23:00 Ishiha 0 Comments

聽日一早便出發到泰國狂歡勁食做SPA
勁開心又可以嘆返幾日啦!!
留返小吉子係香港做自由人

今次我係同3位靚女出發
呢3位靚女係我的朋友及同事
而她們3位又是我BIG DAY當日既姊妹
所以呢個Trip另一個目的
係等大家認識下溝通下
透過一起玩啦, 買啦, 食啦
等大家friend d.
唔駛到時先認識咁見藹嗎!!

~~haha~~









呢個trip大家期待左好耐啦!!

0 意見:

簽名筆

下午4:30:00 Ishiha 0 Comments

過去既weekend成日都落大雨
搞到我要留係屋企
咁睇返個diy list, 好多0野都未開始動工
材料又一早已經買好哂
不如就乖乖係屋企做下手作仔!!

我冇用任何絲帶物料做簽名筆,
只係用左花貼代替!! {即係做襟花綁埋哂d腳唔比人睇既花貼}
好早買左來諗住做手花及襟花時用
一買就兩卷唔好浪費
就物盡其用做埋簽名筆~~~
而出來效果好好
又match返我green + white wedding color!!!
材料:
花貼$5 (購於繽紛, 兩卷$10)
小牡丹花球 $8
熱溶膠槍 (自家有, 熱溶膠$2/each)
雙面膠紙 (自家有)
lace帶$12一碼 (購自spotlight)
平均加工一枝靚靚簽名筆: $5/枝, 真係好抵!!
做既時候都冇諗過難做
點知做起上來原來都唔易!!
仲比d熱溶膠傷到自己手指 x 2次 

第一枝要探索下點樣做, 所以特別做得耐!!
用左成個鐘先做左第一枝.
不過第二, 第三枝已經好快手做到啦!!

我係用好多細細既牡丹花做成一個花球仔先
再用熱溶膠將花球仔貼上個筆頂上面固定
我見有d blog友仔做筆時要加高筆頂再fix花球時實d
其實最緊要唔好用唔平既花托做底就得, 得, 得!!!
而我係沒有用其他膠/貼加高先加花又okie呵
所以用得最多時間去諗點樣fixing問題~~~
等我仲度來度去又諗左好耐先做好第一枝筆
(早知就唔諗啦, 唔駛用咁多腦汁)
因為我未諗到加唔加埋蝴蝶結
而我又唔係好識搞靚個蝴蝶結加上去
所以呢家當住半完成品面世先~~~
加埋小吉子既幫助
終於原成哂!!
P.S. 我買左枝熱溶膠槍返去先發現屋企有, 唔知大家有冇興趣買??
      全新細熱溶膠槍+ 熱溶膠X2枝
        我可以平少少賣返出來, 唔好浪費嗎!!  有興趣可以留言比我!!

 

0 意見:

倒數4個月

下午5:35:00 Ishiha 0 Comments

仲有4個月就到啦!!
超級趕!! 要開始發力做下手作仔
不過呢排屋企有事, 自己又拗柴
所以都冇咩心機開始做手工
見到下面個list
真嚇人
~~死火啦~~~

@urgent task list         @ partial urgent task list ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
註冊地點           Rosary church @ 1430
婚前輔導           已取cert
結婚用領洗紙                   已取
婚前查詢                            未做 {下個月取了婚姻登記官証明書再見神父}
化妝                                      Joyce Ma 已試妝
攝影攝錄                             Gabriel production http://www.gabriel-media.org/  小吉子準備 march in video idea
Snapshot                                Shun
Pre wedding相                      台灣風華絕色{已取大油畫/ 簽名布及謝卡->09台北之旅◎收穫篇}美編努力中
戒子                             Tasaki 已刻名 未取
場地佈置                       Lovely Wedding
餅卡                             美心 + 奇華
小禮物                          未諗好!! 好多choice係我腦海入面, 未cfm
租車                             未搵
印帖                             未印
婚紗+evening gown              Classic TINA 已試身
褂                                            買ed: 冠南華大發現
99/mm衫                                未搵
姊妹衫                                    已confirm顏色及質料, 有待姊妹去度身
兄弟tie                                    未買 {諗住in green, 會唔會似青蛭王子??}
婚紗鞋&褂鞋                  買左晚裝鞋~Pedro Garcia及褂鞋, 未買婚紗鞋
睡衣                              已買
飾物                 化妝師包,媽咪買了嫁妝
禮服裇衫&鞋                  買好了 & bow tie
花球&主婚人襟花               未book, 已有心水
兄弟姊妹手花襟花              已買材料, 未動手  {係sick leave期間開工}
Lily of Valley                           已買, 未夠數, 要再買.
擇日過大禮                            21/7/2009
過大禮用品                            已傾好用利是代替, 買左包羅萬有封
上頭用品                                 已買
利是封、貼紙、囍字貼  已買
花車裝飾              已買
男女家對聯            已買
茶壺                  已買
蓮子/紅棗/米/紅豆及綠豆   未買
紅繩                                未買
紅傘& cushion                          已買
酒及生果籃                      未買
戒指枕、羽毛筆                     My Unique 戒指枕 已diy; 羽毛筆已有
結婚證書套                              考慮緊做唔做!? 
帖label               已買 #原打算diy, 見到價錢仲平過diy, 所以買左#
派帖                  未派得住啦!! 派得就知時間唔多
晚宴司儀              未有人選
婚禮禮儀場刊          未做
流程表                 努力中
guest list + sitting plan  努力中
Wedding Songs          小吉子已cfm 佢呢方面能力超讚
紅酒                   未買
賓客簽名筆             未做
啤牌、瓜子、糖果              未買
放禮既袋                           未準備
酒店及花車Booking      未cfm                
預備各項尾數                      努力中
各人聯絡電話表& task list    努力中
HoneyMoon                        決定了地方 {不過地點改左} !!! 就快會book
   


 係我唔好~~諗諗下honeymoon既時候, 又抵唔住引誘, 同其他friend book埋呢個月尾去bangkok一轉入貨

0 意見:

婚前輔導

下午5:50:00 Ishiha 0 Comments

雖然呢個星期好忙
沒有好好睡過
不過這兩天過得好充實美滿
真的unpredictable~~~

因為要行church既關係
每對couple定必要參加一個婚前輔導服務
極度難book
我用了差不多半年既時間先book到呢!!

我可以用Intensive去形容呢個workshop
雖然時間好長
1st day~ 1400-2000
2nd day~ 0945-1945
初頭仲怕會好悶
但原來內容係好精彩

成個course由3位義工夫婦帶領
其中一對還結了婚32年
其間排除左好多好多既困難
又一起分甘同味
協力去建立自己的家庭
雖然呢家年紀大了
但仍然一樣咁sweet

其中有part我好鍾意
仲比左個好好既機會給我倆試一樣從未做過既事
跳舞



我從未與小吉子跳過舞
仲要其中一方帶眼罩跳舞的
跳完舞還好意外地收到禮物
一開眼就見他送上鮮花~~
真的沒想到會收到咁大既驚喜呢!!

呢兩天既sharing真係令到我好感動
而且令到我更清楚了解對方
大家的需要及結婚的目的


如果沒有參加呢個course
真的無法體驗
原來婚前輔導真的對準新人好有用

婚前輔導服務~~
  2. 香港公教婚姻輔導會 http://www.cmac.org.hk/chi/front.html
  5. 心暖心輔導中心 http://www.prayinghearts.org.hk/service_marriage.htm
  6. 青草地全人發展中心 http://www.greenpastures.com.hk/counselling.html

0 意見:

Table Number Reference

下午6:09:00 Ishiha 0 Comments

呢排做緊table number, 所以找了一些做reference. 
其實reference真的不多呢!!
通常都係好簡單一個number就算!!
只找了幾款特別既同大家share.

用晝版晝字都幾得意, 夠原始  
              
用自己寵物做table no呢個idea都唔錯 
呢個係有main theme做table no的, bird nest!
用自己相做table no. 呢個都係我既考慮之例
用地方做table no.  都好popular!!

0 意見:

練習貓步

下午2:20:00 Ishiha 0 Comments

其實好耐好耐之前
已經係Bridal Shoes那篇blog share過有關靚鞋外
仲attach埋一個點樣walk in high heels 既 VIDEO!!

上星期日
我仲自告奮勇同小吉子講
"我要拎返對鞋出來試下行catwalk"
我一路睇返之前既video一路都唔係好行到
小吉子一邊係度指導我
"唔係.....唔係咁行架!!"
"你個身唔得!! 要高d"
呢D完全唔係我收唔到佢既order
而係對於一個平底人來講
真係好難
睇埋video都學唔識

跟住小吉子就找了另一個更簡單既video比我學
要門係放鬆自己對腳
Fling 隻腳出去
就好似想踢人咁就可以啦!!

練習了好幾次之後
開始有版有眼, 少少像樣
所以我都attach埋呢個video比大家
希望幫到想學貓步既bride-to-be
同埋平底仔永遠榮獲會長Mrs. So to be >> Mrs. So

0 意見:

09台北之旅◎算帳篇

下午10:50:00 Ishiha 0 Comments



 今次去左台灣食左好多小食
但係唔知點解我食得小過其他屋企人
結果係得我一個肥左返來
超唔抵!!
美食數不停就唔多講啦!!
上面張圖已經解釋了一切

點解我話算帳
咪就係今次成個trip最唔開心既一件事
我每次去台灣都會幫襯七條龍炭火燒肉店
其實呢家燒肉好好味
*最出名的有五花、牛舌及澳洲9+級和牛肉俗及招牌豬五花*
好多流行美食資料如西門町流行資訊網都有提過
加上我有vip card
可以用vip價點菜之如 (有d真係有50% off)
又可以食完後用返card點子直接當cash用扣數
而且service好好
成日會幫我地換網
食完好開心既一餐
諗住結帳埋單比$$$
點知就係呢個時候出事

一出門口即刻check返張單
先覺得有奇怪

發現店員多收我地join vip既費用(nt$300)

下?? 我已經係vip, 做咩會再join多個vip呀??

而且join左做咩唔比多張會員card我呢??

仲扣起左今次既vip card既點子冇入到
~~搞錯~~
唔係呀?!!

同收銀員理論了一段時間
先退返nt$500幾比我
那位staff仲話自己唔熟
所以計錯數
之後再問返點子問題
又話0個樣冇分那樣冇分入落vip card內
因為我唔係有太多時間
#仲要趕住去機場#
所以拎返$$便算

搭捷運既時候
大家一起傾返件事既時候又有d比人騙既感覺
便打去另一家分店問清楚計分制度
原來係任何食物+service charge全數入分作下次消費時用
{計落又被騙了百多元}

聽完仲滶氣
於是便打電話給主管投訴
那位staff一而再, 再而三騙了我們
雖然主管也有叫我折返再幫我重做
那時候我已經人在機場了
而且也不打算追究什麼
只是要表達對七條龍那位staff既不滿而已

如果唔係拎返nt$500
今次食飯就白白被騙了nt$700多
下次大家去幫襯既時候真係要小心小心

唔知呢家係咪經濟環境差
生意難做
連坐的士去玩都被人繞路被騙

0 意見:

09台北之旅◎收穫篇

下午3:56:00 Ishiha 0 Comments

今次去台灣既目的
除左relax同玩之外
仲順便去拎埋大油畫, 簽名報, 謝卡及娘家本返來
點解唔寄?!
咪就係大相簿美編都仲未搞掂囉
我又怕唔知幾時先搞得掂先可以全部寄到來


Lisa都問我點解搞咁耐呀!!

連公司老闆也問我出了什麼問題

最有問題咪就係佢地做既美編好嚇人
真係過唔到自己0個關
呢家終於有少少曙光啦

原來我都唔記得仲有大相&送既12張細相呢!!

可想而知有幾咁耐 
原來係電腦睇同曬左出來既相係幾唔同
所以我估唔到娘家本D相咁ok呵
加上簽名報, 大油畫, 及謝卡我都滿意
都係意料之外啦!!
初頭我好擔心D相唔靚
呢家都放心哂
希望快D搞掂埋美編
早D收埋就完成放心哂

0 意見:

09台北之旅◎鳳梨酥篇

下午5:26:00 Ishiha 0 Comments

每次去台灣必買鳳梨酥
試過買過很多家: 李製餅家, 維格, 李儀, 佳德...etc
今次買了兩款呢!!!
找了小吉子試食 {因小吉子最愛吃鳳梨酥}
他的結論係
犁記餅皮比較薄而且鬆化
內餡看起來比較紮實
而佳德皮比較厚
內餡看起來比較空洞
結果係犁記勝!!!
 
台灣手信清單
老天祿
淡水買既黑糖 

麥片及五穀飯 {平時係香港都有食開, 台灣賣平一半呢} 
 小林煎餅既釣鐘燒係好出名
一出就冇哂!! 我地去到只係買左d瓦煎燒
始終女人係最鍾意買0野一群

今次仲有埋我mm去台北玩
當然買少樣都唔得啦
最後係多左3箱行李返香港

0 意見:

09台北之旅◎溫泉篇

下午5:32:00 Ishiha 0 Comments


 May 1-3, 2009

我相信好多人都去過台灣的了
所以也不用多講行程啦!!
而今次我就食, 住, 玩呢幾方面講下吧!!

其實對上一次去台北
剛好是一年前既事
上年天氣唔係好似今年去咁好天
上年去台北係影pre wedding相為主
所以住既地方也選擇了較近婚紗街
泡湯都係選擇了一天靚靚湯屋
有興趣可以睇返影相後記~~璞石麗緻

不過今次去玩既性質好唔同
以hea同relax為主導
始終同一家人去玩
都係行到邊食到邊

今次自訂了北投百樂滙溫泉住兩晚
店內有自家溫泉及大眾溫泉呢!!
地方同環境唔錯
不過出市區就比較遠啦 
講返間酒店先吧!!
入面係和式設計
我們一家六人行
全部安排哂最高那層(5/F)
房間有日式榻榻米及泡湯房
早晚望出去既景觀都唔同呢!!
好靚好舒服!! 仲望到對面既大眾湯
wow~~那邊全部都係本地人呢!!!
不過要穿泳衣先可以出去户外浸


每日我都早晚泡溫泉
早泡大眾溫泉
那裡有一熱一冷湯及steam room
冷湯有埋massage設備
正!!


酒店出面既環境都好靚架
而且有library同埋溫泉博物館參觀
好可惜冇得去地熱谷{10月尾先再re-open條路}
因為維修道路中, 要行成幾百級樓梯先可以去到呵

0 意見:

訂閱： 文章 (Atom)
Related Posts Plugin for WordPress, Blogger...