自320開始放假，我同小吉子已馬不停蹄的吃喝玩樂，為慶祝我們兩人生日及半週年結婚紀念。
第一個PRE－CELEBRATION節目就係去睇EASON 演唱會。唔知係咪1st
show關係，eason都勁多蝦碌。 而我都勁蝦碌，竟然帶左自己最短既鏡頭去影相!!
唉~~影出來咪超細粒囉!!
到了321，我們下午先出發到馬交!! 到了酒店取房後，立即出去食（因為一早去了拜公公）到了下午４時多我還沒有吃過任何東西呢!!
肚餓如此，去到氹仔手信街既時候，我同小吉子都比警察查身份証
有冇攪錯！！我咁大個女都未試過比人查身份証，點解係馬交要比警察查先？？
我當時仲要手軟腳仔軟，
血糖偏低，就快餓到暈之下比人查牌？？
當時我個樣黑到爆，我仲同小吉子大聲講（係警察面前）：有冇攪錯呀？
我地兩個一睇就知唔係偷渡啦!! 咁都要查~~
小吉子禁住我，叫我唔好再講啦!! 快D查完去食０野算吧!!
呢家諗起都依然十萬個激氣，點解３２１會有咁既餘慶節目？
跟住即去了咖哩全食全餐及淨麵，那裡既咖喱好好味，牛腩又好淋，平時兩個人去食冇可能會食得哂!! 不過今次我同小吉子兩個真係餓到暈就食得哂.
本來好想去劉記食豬扒包，太肚餓之下，又去埋大利（真係唔係太好食）飲奶茶及豬扒包。 實在有太多香港人買走豬扒包，所以一早賣哂！ 改了食豬扒多。
食飽飽後我地開始舊地重遊，影下相!!
我地第一次去馬交就係行過，坐過又影過呢幾個地方，我地一路行一路諗返５年前生日，行過呢度都未有前面幾間酒店起好呢!! 五年後既今日，已經面目全非了!!
不過好快已經天黑，我地影多幾張就走了。
原先打算去食Robuchon a Galera，太飽既關係都係唔好太浪費了。到了八點多我地先去了食BUFFET.
諗住食少少就算!! 唔要求太多，所以到了自助山開餐!!
價錢雖吸引，只係MOP$280左右。不過食物就SO--SO啦!!
而且有搶食情況，試過下次都未必會再去了。
