Welcome to Ishiha Wanderlust

今次去南法的另一目的是要住在酒莊內. 係French vineyard accommodation看過Provence內有酒莊住宿的唔算多. 除了Avignon附近會比較多之外, 想係Provence中心位置住的酒莊, 可能只有 Château de Berne. 不過再上網check過, 好多網都有介紹Abbaye Saint-Hilaire, 而且位置都唔錯, 所以最後就揀了呢間酒莊住上兩晚. 這是由一位嫁給法國人的台灣女生Misha與先生及其家族一起經營的一個酒莊民宿.

由Cannes出發往酒莊民宿, 駕駛時間係1.5 hr. 我們的酒莊民宿是位於高速公路A8的St. Maximin la sainte-baume 出口, 再開車開個十來分鐘附近一個叫Ollières的小城鎮裡. 訂房的時候, Misha email了一份好詳細的介紹, 包括: 如何到Abbaye Saint Hilaire及介紹周邊好玩的地方. 我們抵達了Abbaye Saint Hilaire 酒莊民宿. 由大門一入去便見到兩邊全都是葡萄園.

Check in 位置就係呢座紅色的主樓. 酒莊內有幾款唔同類別的住宿, 而且分佈的位置也較遠, 所以最好要駕車前來.

我地住的Tourettes 民宿區, 正正就係紅色主樓內

入門口啦!!

我地今次book的房係有shared kitchen, 而且仲包埋早餐.

好鍾意房內的簡單美

從窗口望出去便是一大遍葡萄

見陽光未收, 一於落去葡萄田玩.

踏入九月開始葡萄收割期, 不過成個葡萄園咁大, 仲見到好多葡萄

我地又玩又影相, 吉少仲開心到跳起呢!!

葡萄園真的好大, 而且園內仲有一個小牧場. 如果從主樓過去, 一定要駕車

去完牧場, 又駕車往另一邊住宿區, 見到呢間屋全部都有綠色植物包圍住, 好靚!!

整個園區, 真係好靚!! 我同吉少完全愛上呢個地方.

行完一個圈後, 我地便開車出另一個鎮St. Maximin. 車程10分鐘, 那裡有超市Hyper U super market.

離尼斯只有約25公里之遠, 由Nice駕車往Cannes只不過是30mins. 除了蔚藍的海岸及燦爛陽光是坎城最有名的標記, 而最為人熟識康城 Cannes 必然是Festival de Canne.

來到康城 Cannes, 人車也比較多, 所以找泊車的地方唔易. 最後停泊於TGV 高層停車場. 由停車場一出, 會走入一條街, Rue d'Antibes 是較平民化的商店街. 除了種類不少的商鋪外﹐還有咖啡店及餅店﹐仲有非常熱鬧的逛街區.

每年五月舉辦約12天的電影展的地方

呢度唔算太起眼, 但影展時好多名人名星所行的紅地毯就係佢地的signature

Information centre就係Festival de Canne的位置, 門口出面會有好多名人手印

康城其實唔算大, 所以一路沿海邊行, 就會見到咁靚的沙灘

下午時份正好是曬太陽的好時候

真真正正的白色幼沙, 淺藍色的海. 比起其他很多法國南部的石灘來得漂亮.

沙灘旁見到一個旋轉木馬, 其實南法一帶好多地方都會見到, 唔只係遊樂地方, 係街邊都會見到.

沿海大街 Boulevard de la Croisette 就係沙灘後面

整條街設有高級名店及五星級酒店.

這張是位於舊城區巴士站旁的牆畫﹐名為康城電影. 由2002年開始康城政府請畫家於市內好幾個地方畫了有關電影的牆畫. (地址﹕ Place Cornut-Gentille - 2 quai Saint-Pierre)

因為時間有限, 所以係康城停留兩個多小時便離去. 比較起來, 康城人太多了，而且也多了點庸俗感. 我還是比較喜歡尼斯的悠閒

吃完早餐之後, 就要離開呢間咁靚的B&B. 係度住了兩晚真係好Enjoy. 伯伯仲介紹我地去市集, 最好泊車的地方就係Théâtre National de Nice.

舊城區（Vieux Nice）花果市集位於尼斯舊城區的撒雷亞大道 Le COURS SALEYA, 星期二~星期日均有花市攤擋, 星期一則為古董市集. 不過未行到心臟地帶, 已經見到一間好出名的雪糕店 " Fenocchio". 雪糕款式多到有成百款,有時太多選擇真係唔識揀呢?!

忍唔住都要食番杯先走!! 我自己叫左3 Scoops 與吉少share.

雪糕店隔離有間教堂, 我地入左去行左個圈就出來啦!!

市集入面有好多攤擋, 真係超級多人, 連B&B伯伯都叮囑我地行的時候要小心.

除了新鮮的花果蔬菜, 以及普羅旺斯特有的香料之外

仲有各種香皂、精油、橄欖油等商品. 五花八門應有盡有.

市集附近都有幾間餐廳, 見到法國人一早已經同朋友傾野飲野!! 真係嘆~~

行完市集再上城堡花園

城堡（Le Parc du Chateau）位於港口左方小山丘之上，可以步行, 亦可搭收費電梯到達. 1706年城堡未被Berwick公爵毀壞之前, 它一直肩負著保護尼斯古城的責任, 今天只剩下它的遺跡. 城堡位置可以眺望舊市集. 每間屋都係紅橙色的屋頂好sharp呢!!

整個天使灣景色好靘, 特別係陽光普照的日子, 海水也特別清藍.

望向海邊好多人在曬太陽, 當然唔少人係度天體日光浴啦!

半山腰有個美術館不用錢的當然要進去一下, 裡面有展出尼斯當地的藝術家作品. 山頂有個大公園, 有好多小朋友玩的遊樂設施.

離開尼斯前, 都係要行多次天使彎先捨得走, 真係好靚呢!! 中午時份沙灘上的人更多.

駕車去下一站: Cannes

摩納哥地處法國南部, 除了靠地中海的南部海岸線之外, 全境北、西、東三面皆由法國包圍. 主要是由摩納哥舊城和隨後建立起來的週遭地區組成. 作為世界上人口最稠密的國家之一, 摩納哥也是一個典型的微型國家.

從Eze開車過來, 短短30分鐘, 就可以感受到這裡有幾多有$$人啦!! 因為摩納哥有F1的賽車道, 且賽車道就是城市的街道呢!! 所以到處都見到名車!! 罕見名貴車更多的是. 加上名店臨立. 地少人多, 若週末過來, 停車場也不容易找. 賭場附近有幾個停車場, 第一個小時是免費泊車的.