Welcome to Ishiha Wanderlust

一早我地離開了酒莊, 駕車往位於南法的阿爾Arles. 點解我會揀去呢個地方, 係普羅旺斯最唔可以錯過的是逛市集. 對我來講, 行市集係一個可以滿足好奇+購物的地方. 我在下面列了一些市集, 提供給大家做參考. 多數市集都是早上8點到下午2點之間, 不要太早或太遲到. 10點至12點是逛市集最好的時間. 雖然話擺攤到兩點, 但多數攤販到中午12點就開始收檔. (下面標示紅色的是比較大的市集)

Mon	Tue		Wed	Thur	Fri
Fontvielle Nimes	Fontaine-de-Vaucluse Gordes		Sault Aix Arles St-Remy	L’Isle-sur-la-Sorgue Orange Rousillon Aix	Lourmarin Pertuis Fontvieille
Sat		Sun
Apt Avignon Menerbes Oppede Pernes-les-Fontaines Aix Arles St-Remy Uzes(8h-19h)		L’Isle-sur-la-Sorgue Aix

到達Arles阿爾的時候, 正是九點多. 街上好熱鬧, 而且兩旁也泊滿車. 好不容易係市集不遠處有個免費停車場泊好車後, 便往市中心的市集進發.

一去到市集, 來來往往全都是人, 記住小心銀包. 一路行一路見到好多唔同的攤檔, 有賣杯碟, 蔬果, 肉, cheese, 海鮮, 更有熟食.

見法國太太個個都用的顏色鮮艷的餸籃, 我都心動起來. 買左一個返屋企

呢到d新鮮番茄好大, 連番茄乾都大過人. 吉少最愛油浸番茄乾做沙律

仲有唔少得的lavender啦!! 我自己都忍唔住買左返屋企, 仲keep到好香.

來到provence呢區, 好多時係街角上見到旋轉木馬

市集邊有個小公園, 內有梵谷雕像

公園對面有個Arles Office de tourisme information centre. 可以購買門票 Freedom Pass €9, 包括1 museum和4個 monuments 供參觀 : 羅馬競技場Amphitheatre d'Arles (Amphitheatre+Theatre €6) 古代劇場Theatre antique d'Arles (Amphitheatre+Theatre €6) 聖托菲教堂及迴廊Cloitre Saint-Trophime €3.5 康斯坦丁浴場Thermes de Constantinn € 3. 參觀兩個已經值回票價. 若有多過一天時間, 可以慢慢行慢慢欣賞Arles.

首先到了古代劇場Theatre antique d'Arles, 今日天氣好好, 而且有d熱呢!! 來的人唔算多, 加上劇場唔算大, 行左一圈後便走了.

劇場座位背後有許多拱形構造深入建築之內, 昔日作為管絃樂音樂包廂, 是非常難建造的結構

劇場中央僅殘存著大理石圓柱, 其他建築物皆已成殘壁斷垣.

走時, 見到門口有個表情好搞笑既古代人面像呢!!

早在羅馬時期興盛, 阿爾有世界上保存最完整的羅馬競技場之一

目前僅存的兩層樓建築

走上去會見到整個羅馬競技場, 都算幾完整.

場內有一座高塔, 登上高塔可俯瞰亞爾街景及隆河景致.

羅馬競技場的底部有好多根大柱, 係光影之中我地無聊影相玩下.

期間穿過橫街窄巷未到市政府中途, 見到有兩間免費開放的相集畫廊, 幾特別.

亞爾市政府, 有個方尖碑, 旁邊係聖特囉菲姆教堂(Eglise Saint Trophime), 其正面外牆的壁畫係以最後審判為題.

教堂右側有一唔明顯的通道, 是通往附屬的修道院. 此修道院昔日是教士的住所, 目前開放展示, 值得一看的是一樓迴廊石雕.

二樓陽台也開放參觀, 可從這裡俯視一樓中庭或仰望教堂背部

去完咁靚的陶藝山城 Moustiers-Sainte-Marie, 便駕車到 Gorges du Verdon "維東峽谷". 由Moustiers-Sainte-Marie經D957便可經Gorges du Verdon欣賞Lac de Sainte-Croix景.

這座峽谷號稱是歐洲境內的最美峽谷, 以斷崖及億萬年間形成的壯麗景色著名. Verdon 指的是切穿峽谷的這條河, 而名字的來源是取自拉丁文 Ver-「綠」的意思. 一路沿著山路上, 就會見到Lac de Sainte-Croix聖十字湖.

Lac de Sainte-Croix其實是個人工湖, 為了下游的聖十字湖水壩而建造的.

今日天氣好, 見到湖上有好多人在划艇.

整段峽谷山路並沒有真正一個所謂的觀景台, 有的只是一些避車處, 始終都係公路之上. 所以見到靚景, 我地就會快快停車影幾張相.

因為一路駕車都係見無盡頭的Verdon峽谷景, 加上已經是下午五點多, 我地最後都放棄到聖十字湖.

另轉移目標去Lavender精油工場. 原來去精油工場, 會沿D56公路走.

好好彩比我地遇上9月唔會見到的Lavender呢!!

雖然塊lavender田唔大, 但已經好開心啦!!

開心完後, 當然要繼續行程, 沿路開車見到好多已收割的lavender田同埋大大塊的太陽菊田. 如果早兩個月來, 應該會見到好多花田, 應該會好靚.

到達了Lavandes Angelvin 薰衣草農場 http://lavande-valensole.fr/. 據Misha講拍Lavender最佳位置, 位於 D6 路上, 任何書上或是有薰衣草圖片的部分, 絕對會在Lavandes Angelvin的薰衣草田裡拍. 因有區高高低低起伏的山丘部分.

薰衣草的蒸餾桶, 這家農場用的是西元六世紀就由阿拉伯人發明的蒸餾方法, 也就是古法.

不過入到去有少少失望, 沒有我要的product!! 不過冇記錯, 精油確實係平. 之後我地行左一圈就走啦!! 返到酒莊, 我地要去品酒. 最後就買左兩枝酒返來呢!! 特別Provence, 最出名的Rose係好好飲, 而且近年好興呢!! 女仔就更加鍾意, 因為易入口, 唔覺意就飲左好多.

今早起身往廚房吃早餐打開酒莊已預備好的早餐box, box內有枝酒莊自家生產的蘋果汁及麵包. 那枝蘋果汁好味過係日本買的蘋果汁, 超級清香, 又不是太甜. 返到香港睇travel magazine先知道Misha都有外銷到台灣一間Bonbonmisha居家雜貨店.

吃早餐時見到兩位由台灣來的母女也在吃早餐呢!! 大家傾談了好幾句, 原來她們會在這個酒莊住上一個星期, 其間駕車出去住周邊城市. 吃過早餐後, 我們駕車先往Greoux-les-bains.

Greoux-les-bains係普羅旺斯區最有名的羅馬冷泉村. 平日早上有傳統市集. 如果要去Greoux-les-bains的話, 就必須駕車. 因為沒有巴士或火車可以到達. 可能交通唔方便, 所以去的人很少. 一路駕車入城區, 整條街都唔見到一個人.

到達Greoux-les-Bains的時候, 找停車位置也很好找. 入到舊城區行, 見到好多小小的店舖, 估唔到店舖側巷係一個公園仔, 入面見到第一個羅馬冷泉.

係南法成日都見到呢d 鳥結糖

Greoux-les-bains唔會見到一大班中國人, 影相時整條巷也只有我地兩個. 可以慢慢地靜靜的感受下呢個小市鎮的風味

就係遊客唔多, 所以我覺得好好行.

一位爸爸帶著小女兒行經這裡, 見到呢隻可愛的貓, 忍唔住同貓貓影相.

我愛這裡的安靜, 清潔, 優雅, 山上有一座古堡. 從山上望過去, 整片綠油油, 確有世外桃源的感覺.

因為古堡唔開, 所以入唔到去. 於是決定落山, 行行下我地又見到另一個古羅馬冷泉.

之後我地都係行下小商店, 其中呢間Vinager shop有好多唔同味道的醋賣, 好香, 用來食salad或點麵包都好正.

我仲買左一磚SAVON DE MARSEILLES 600g. 它完全天然純淨, 成份必須是72% d'huile (橄欖油、椰子油或棕櫚油). 傳統的馬賽肥皂, 亦即不含何香精, 人工添加或色素的肥皂, 性質十分溫和. 不過買的時候要睇清楚. 肥皂的一面應刻有Extra Pur 72% d’Huile等文字, 一面刻著這塊肥皂的公克數. 另外兩面則說明製造商名稱, 當然也會聲明此乃馬賽肥皂.

之後我地駕車往另一邊. 由Greoux-les-bains駕車往Moustiers-sainte-marie大概40mins. Moustiers-sainte-marie是法國最美麗的村落之一, 真係冇錯!! 遠遠駕車都覺得好靚的山城.

它位於著名的薰衣草之路與凡登峽谷間, 以彩釉陶器(faïence)和獨特的裝飾品聞名於世.

到達的時候, 還有市集. 規模唔大, 只有幾擋.

呢度真係好靚, 細小的市鎮, 但整個市都充滿美, 而且南法色彩好濃厚.

Moustiers-sainte-marie內有個information centre, 就係教堂隔離.

不過去的時間剛好是lunch hour, 唔開.

周邊有幾間小cafe, 係一片綠油油的環境下食lunch真係幾寫意.

不過吃lunch時間, 人也較多, 要有排隊準備/

因為我地唔想等位, 見到有間crepe店門口有位, 便坐低食個小點先. 我點了lavender honey crepe, 原來香得過份, 所以引來幾隻蜜蜂與我一起分享. 真慘~~

吃飽後,好想慢慢遊逛下整個Moustiers-sainte-marie, 地方唔大, 所以可以慢慢行慢慢感受.

Moustiers-sainte-marie另一個賣點係有一粒閃亮的星星高高掛著, 它曾經掉落過11次, 最近一次重新懸掛已經是1995年. 1210年有一位被薩拉森人（Sarrasins）囚禁的十字軍Blacas騎士曾向聖母許願, 「倘若有一天能重回到家鄉, 便要為聖母懸掛星星」, 於是便有了這粒星星. 星星的尺寸並非固定, 約在30-180cm中變動. 現今則為125cm，鐵鍊則長135m, 重150kg.

去完supermarket之後, 都要諗下今晚去邊間食dinner. Misha介紹了一間米芝蓮餐廳, 餐廳老闆唔願意入米芝蓮, 不過Michelin係web內有寫recommendation. 這間餐廳離酒莊不太遠, 30mins車程便到.

好彩去到有位, 而且餐廳內人客也不少呢!! 呢度係冇english menu. 雖然Waiter略懂說英語, 但係佢地夾雜著法文式英語, 有時真係幾難聽清楚. 話雖如此, 但waiter服務超級親切, 用英文解釋每一道菜的內容. 最後我地點了Set Menu, 有soup, appetizer, main & dessert.

我地點了枝Orezza sparkling water & 一杯White wine. 好多餐廳都有Orezza. 雖然話 Slightly sparkling, pleasant to drink without any medicinal aftertaste. 但我自己覺得幾strong, 唔飲慣可以覺得有少少辣喉. 呢枝Orezza 話有助消化的呢!! 因為呢間餐廳比較黑, 所以影出來的相真係唔多靚. 其實賣相係好ok架.