Welcome to Ishiha Wanderlust

吃過早餐後, 便開車到L'isle sur la sorgue. L'isle sur la sorgue中文稱為"索格島", 但其實它並不在海中, 而是因為索格河環繞小鎮四周. L'isle sur la sorgue係一個古董水車小鎮, 行到每一處都見到水車, 還在動呢!!

今天來到正好是星期日, 這裡有市集, 而且更是南法最大的古董市集. 停車的地方係市中心不遠處, 最好係早上10:00前到達, 不然好難找車位. 剛好去到有車位, 所以泊好車後, 走過對面馬路已經見到市集了.

人很多呢!!

行這個市集, 跟之前行的有點唔同. 買的種類很多, 而且擺攤好整齊. 攤兩旁都有好多特別的店.

去到市集, 見到好多想買的東西, 但一打開手袋的時候, 發現漏帶了錢包!! 真係見到都冇得買, 真可惜.

當中有些攤檔可以接受credit card, 就好似呢間, 又有得試食, 所以我地都買左幾樽麵包醬返來, 款式多之餘, 仲係organic.

當日仲有champaign, 免費請客人飲湯, 而且個杯仲送埋比你.

其實河床裡有好多海草, 係陽光底下, 加上河水又清, 真係好靚!!
冇得落水, 唯有加我地兩個影入呢張相.

我自己都幾鍾意 L'isle sur la sorgue, 佢仲有個外號叫: 法國威尼斯

有得行又有得睇d特別既野, 慢慢行又唔覺行左兩個多小時.

市集後半部係古董攤

賣古董家具比較多

市集周圍就是眾多古董、家具店所在

其實都唔係全部賣古董, 新潮的家品都有架

Photo of the Day

一開始plan法國旅行的時候, 都有考慮要住d唔同風格的酒店/B&B. 有時鍾意的房, 好多時都要早book. 我出發前3個月前book, 加上9月來, 過左peak season, 選擇上依然有的. 睇過好多係Avignon的居室, 始終最鍾意呢間Domaine de Rhode. 由Avignon舊城區駕車到Domaine de Rhode, 車程都係7 mins. 仲有free parking. 我自己覺得住係舊城區係方便d, 自駕遊的話就要煩著泊車問題.

Domaine de Rhode係tripadvisor內 B&B 排名#1. 加上Review好好, 所以一有房都唔考慮下book了. 期間屋主會與你email聯絡, 確認後便交deposit.

當日來住的時候, 正正香港打緊10號風球. 車一駛入, 屋主就即刻走出來迎接我地. 仲問我地係咪因為颱風影響遲左先到. HAHA!! 其實係我地貪心玩過哂時間, 仲食埋飯先返. 不過屋主好好人又細心, 仲擔心我地未有飯食呢!! 因為要出返去舊城區先有得吃的.

好了, 睇睇我地住的房間. 間房好大, 中間位置係一個廳, 一邊放了書櫃, 另一邊是長梳發. 房門口仲貼左張notice, 寫明房內的物品, 係屋主家人遺留落來, 爛左就冇. 溫馨提示住客要小心使用.

身後面的火爐係用得架

我都幾鍾意床上的門框

但最最最鍾意都係呢個french bath!! 我都係度浸左兩晚呢!!

始終都係夜晚, 影唔到整間大宅. 第二朝起身, 再落樓慢慢參觀

住宅門口

門口左邊係偏廳, 有沙發,琴, 棋, 書, 酒杯, 可以傾談玩樂的地方

右邊就係吃早餐的地方. 雖然係B&B, 但係早餐超豐富, 牛角飽就唔少得, 仲好似Buffet咁有好多選擇.

屋主仲同我地講, 果汁好新鮮, 係佢地附近農場買回來的, 我地飲完都覺得好好味!! 屋主超細心, 仲切埋生果比我地呢!!

吃早餐的時候, 見到一對美國的couple, 佢地一聽到話HK打風, 不知幾擔心, 仲問候我地的情況. 而屋主預備好早餐後, 仲一起坐低與大家傾談. 原來屋主都好鍾意去旅行, 每年都會一家人去旅行.

吃飽飽後, 繼續係屋外行下影相, 環境真係好正!!

我自己就好鍾意呢張係大宅前面影的相

無論環境, 地點, 舒適度, 價錢, 呢間B&B一定好過住酒店, 下次有機會我都會再返來住.

我地離開St-Remy之後, 便開車到阿維儂. 自1995年阿維儂被列入世界文化遺產, 是法國普羅旺斯眾多古城鎮中, 最熱鬧的一個. 因為這是中世紀時, 教皇皇宮的所在, 是昔日朝聖重要據點. 除梵蒂岡Status Civitatis Vaticanae之外, 這裡是另一個「聖城」, 阿維儂更有另一個羅馬第二AlteraRoma的稱號.

假日來到Avignon, 所以停車的地方也找了好一陣子, 最後都係要泊車係城牆外的Gare D'Avignon Centre火車站. 說起火車站, Avignon有兩個. 如果從法國其他地方坐TGV到Avignon的話, 需要由Avignon TGV(離舊城區外5KM)轉巴士入城, 無論自駕或坐TGV也好, 大部份都係Avignon TGV先落腳, 所以訂票時最好要攪清楚. 雖然有車轉去Gare D'Avignon Centre, 不過要再轉火車.

我們沿共和大道Rue de la République一直往教皇宮Palais des Papes的方向行, 兩旁都係大商店, 街上也特別熱鬧, 完全冇左份南法小鎮鄉間風味.

當年教皇宮Palais des Papes內部十分奢華, 城堡外圍以宏偉的城樓作為防禦, 並有重兵駐守, 猶如皇宮般氣派. 後經過法國大革命, 內部擺設多被摧毀、洗劫, 所以現在已經無法看到當年風華.

入內需要購票, 你可選擇只參觀教皇宮, 或是連聖貝內澤橋的套票, 購票後有語音導覽機可以免費借用. 我們剛到的時候差唔多6點. 如果入內參觀只有30mins, 時間上唔夠, 所以放棄了.

皇宮隔壁的是多姆聖母院大教堂Cathedrale Notre-Dame des Doms, 是天主教阿維儂總教區所在地. 它的主體部分是建於12世紀的羅馬式建築, 15世紀重修了鐘樓二樓以上部分, 聖母院前有一個巨大的基督受難十字架. 聖母院最耀眼的地方是在1859年增加在頂端的鍍金聖母瑪利亞Virgin Mary雕像.

從多姆聖母院大教堂望向廣場

穿過城牆, 來到岸邊, 就會看到阿維儂著名的「斷橋」－聖貝內澤橋 Pont Saint Benezet, 又名Pont d'Avignon.

斷橋最初橫跨隆河, 連接阿維儂和左岸的新城Villeneuve-lès-Avignon, 建於1171年到1185年. 原來的長度為約900米, 但因經常遭受洪水而倒塌, 經歷多次重建. 隆河在1668年出現大洪水, 大部分的橋拱被衝毁, 倖存的橋拱也陸續倒塌或被拆除, 最初的22個橋拱今日只有4座保存下來.

去完這幾個景點, 我地便返回廣場附近找吃. 當我行經教皇宮時, 見到有幾條小巷便走入去逛逛. 都有小小驚喜, 起碼唔似大路兩旁全是大品牌商店. 而且仲發現有一間港人開的lavender shop呢!!

廣場中間有好多食店供選擇. 本想去Le Diapason/Fou de Fafa一試, 曾sent email去訂位, 但太遲了, 兩間都fully booked. 最後就係廣場上找了一間吃算了. 吃dinner時候, 仲有旋轉木馬陪我地開餐呢!!

來到法國, 必想試吃的有洋蔥湯及法國蝸牛. 最常吃到的蝸牛品種, 是呈啡帶灰的Helix Aspersa, 常見於法國南部普羅旺斯、布列塔尼和夏朗地, 體積大一點的叫Helix Aspersa Maxima, 又稱Gros Gris. 體形細小的叫Petit Gris. 一般傳統可牛油焗. 但我點的是加紅蘿蔔燉湯的法式蝸牛. 雖然味道可以, 但就完全唔係我想要的presentation, OMG!! 整碟都係!! 我真係吃了幾舊就唔想再吃了. 洋蔥湯味道一般, 可以接受.

吃過Dinner後, 便返回城牆外取車.

今晚住的Domaine de Rhode係我最鍾意的一間, 雖然說是B&B, 但環境真係Excellent.

下篇再分享.

梵谷早期只以灰暗色系進行創作, 直到他在巴黎遇見了印象派與新印象派. 梵谷融入了他們的鮮豔色彩與畫風, 創造了他獨特的個人畫風.

梵谷係法國亞爾的那段時間, 發展已臻成熟. 在這期間他創作了超過300幅畫作, 其中包括了如《夜間露天咖啡館》、《向日葵》、《梵谷的椅子》等等多幅最廣為人知的作品, 也是在同一時期, 他與好友高更感情決裂, 在精神極不穩定的情況下割去了自己的部分左耳. 梵谷生前住過的療養院, 現已成開放景點, 有圖書館和各式店舖.

去過療養院後, 便到了梵谷咖啡館 Café Van Gogh吃lunch. 星空下的咖啡館是梵谷最出名的作品之一. 黃色的外牆, 一看已認出了. 二戰時原本的咖啡館已被炸毀, 這間咖啡館係後來法國市政府幾乎照著原來的街道重建.

整個Arles都充滿住藝術的色彩, 臨走前也不忘到處影相

行過見到好靚的門環, 價錢唔貴之如, 大部份都係人手繪畫圖案, 好值得買.

應該比Zara Home內見到的更加特別.

之後我地便離開Arles, 到了St-Remy-de-Provence 聖雷米. St-Remy-de-Provence 離亞維濃 Avignon 非常近, 駕車二十分鐘就可以到了. 所以我地係中途加入St-Remy. 它之所以會成為普羅旺斯的觀光據點之一, 那是因為沾了梵谷的光. 不過好多旅遊書沒有提及呢個地方.

由Arles駕車到St-Remy-de-Provence, 其間會穿越一條路好靚, 好多人都稱這段路為:綠色隧道. 這條綠色隧道都算幾長, 行車大概多過10分鐘.

Saint-Remy-de-Provence找車位唔算太難, 係information centre內有錶位停車場, 不過沿路都有車泊係路邊. 去到法國, 都係安全為上, 最後都係泊返係停車場, 免得被警察抄牌. 沿路你都可以欣賞到梵谷的作品. 如果你係梵谷的fans, 強烈推薦這條著名的「梵谷之徑」, 需時1.5小時. 沿途盡是梵谷作畫的場景, 還有圖文標示你可以去親親梵谷足跡.