Welcome to Ishiha Wanderlust

今天的行程係: 玻璃島Murano→蕾絲島(彩色島)Burano→Venice本島.  吃過早餐, 我地步行往火車站Ferrovia水上巴士站買票.  大家可計劃一下行程, 決定買一,二, 三及七日票.   官網資料好齊, 仲又埋timetable呢!!  詳情可參閱http://www.actv.it/en/movinginvenice/waterbusservicetimetable.

我個人覺得係威尼斯其實不太需要坐交通工具,   最後買了一日票 €20.  雖然Ferrovia算係大站, 售票處亦會大排長龍, 起初我見有Kiosk, 但都係壞買唔到飛.  最後都係要排隊! 就今日既行程, 由Ferrovia去玻璃島可以坐Waterbus 3, 4.1 & 4.2.  下圖為水上巴士路線圖.

有浪漫水都之稱的威尼斯 Venezia, 13世紀至17世紀末是重要的商業和藝術重鎮.  威尼斯的水道舉世知名, 118個群島由150條水道交織而成, 所以運河取代了公路, 島上的主要交通是我們的兩雙腿和水上交通.    由Milan去威尼斯好方便, 上一篇已經講過了.  一出火車站, 看見一個好繁忙的情景呢!!
我今次book的旅館算方便, 係San Polo位置, 去Rialto Bridge都係5分鐘多D.  而且我地間房會望到河景, 都唔錯.  不過去威尼斯玩, 要拎大件行李過橋上樓梯都幾慘, 好彩威尼斯係我地到意大利既第一站, 行李磅數唔會太重, 所以行得也算舒服.
威尼斯的景點大都集中在聖馬可廣場, 一面係聖馬可教堂, 教堂面對著一座博物館, 還有總督府, 鐘樓, 嘆息橋等都在這裡.   聖馬可大教堂(Basilica San Marco) 是世界上最負盛名的基督教大教堂之一, 是第四次十字軍東征的出發地.  它的建築融合了拜占庭、哥德、伊斯蘭、文藝復興等各種風格, 同時展現東、西方的建築特色.  可惜今次去正在維修.   係教堂關閉前, 我地走左入去.
教堂內有幾個付款區, 最值得推薦的付款區係樓上二樓的陽台, 可以觀看廣場, 而且仲可以更接近馬賽克圖.  門票是 € 4.00.

搭乘01:00班機到米蘭，  但可惜係香港機場跑道等了45分鐘先起飛.  原本早上07:30到達米蘭MXP機場， 最終要08:30先著地.   入境時間用了差唔多一小時, 人多加上counter唔開, 入境大堂有兩三條長長既人龍呢!!

取了行李後便搭乘機場巴士至市區.  本來預算係米蘭應該有兩個多小時同小吉子行下米蘭大教堂，所以才預訂了11:35火車．　 好彩沒有訂10:00那班火車到威尼斯.  如果唔係要改火車票就煩了!  建議去意大利玩，真係要預多小小時間係交通方面.   對上一次去米蘭的感覺係一個shopping 的好地方之外, 我一值都不太眷戀米蘭.　所以我今次唔會係米蘭停留，直接坐火車到威尼斯.  一落機，天氣唔算太好，加上又遲出機場，心情大受影響.

由米蘭機場出市區, 可以有好多方法: 坐Malpensa express, 坐巴士, 的士亦可.  不過估唔到坐一程要咁貴.  之前睇forum知道巴士票價都係Euro$8, 現在已經加到$10單程.   如果買來回票會平d!!  車程大既45mins就到米蘭中央火車站.

之前做功課時 (LINK), 知道意大利買SIM卡上網都好方便.   米蘭火車站Ground Level有TIM.  去到有時間, 我諗住買定SIM卡可以一陣上火車用.  點知去到TIM就大排長龍, 而且之前講既上網Plan價錢已經變左.  之後再去找 WIND,  WIND係月台Platform Level會見到, 店內沒有人, 但一問最平既plan都要Euro$34.  雖然兩個人用, 總覺得唔抵.  起初我預算budget都係Euro$20左右.   所以最後什麼也沒有買就去platform等車.  估唔到係大堂等火車到站時間表出既時候, 有人走過我面前同我打招呼, 原來係機上一位空中少爺, 大家仲講左兩句先say bye呢!! 

意大利國鐵的車種依照距離長短分為高速鐵路、中長程國際快速、長程夜車、中長程城際快速、區域列車、及近郊火車等.  最著名的車種屬高速車種Freccia「箭」系列包括紅箭Frecciarossa(350km/hr)、銀箭Frecciargento(250km/hr)及白箭Frecciabianca(200km/hr)三種不同車速的車種.    今次由米蘭坐火車到威尼斯係坐白箭Frecciabianca, 2.5小時便可到達.

上下火車時真係要特別小心, 特別係提著大行李.  意大利出名多小偷, 又多計.  估唔到我地到埗後幾小時, 已經見到一個被屈的經過.  意大利人幫旅客找火車位置也要給小費.  呢件事情正正發生於我地對面坐既兩位旅客.    起初我地坐低後, 對面位已經坐著一對勁Rock既男女,睇樣兩位都唔係善男順女.  我同小吉子坐對面都有少少心驚驚.  後來再有一對外籍夫婦上來, 他們是由一位意大利男子帶位去到Rock男女前面, 說他們兩個坐錯位, 叫他們離開.  幾個人搞左一輪, 最後外籍夫婦坐低, 那位帶位男子問外籍夫婦取了Euro $10服務費.    開車後, 我地都有同外籍夫婦講了好幾句, 原來佢地只係問下邊卡火車, 意大利男就話帶佢去, 最後被屈呢!!

安全到達了威尼斯啦!! 不過找酒店又係另一個難提.  因為威尼斯內既路大部份都係小路加小路.  如果要去威尼斯留宿, 最好入好google map, 方便自己找地方.  沿路我都見到無論外國人, 中國人都好, 每每都會拿著手機/tablet睇google map找自己的位置.  之後去到威尼斯, 我都有去TIM再問, 門市職員全部答都係要Euro$30以上.  最後我去到下一站Bologna TIM買到張SIM, 價錢如網友講既差唔多.   個Plan係一個月Euro $20方案, 有2G data plan + 通話費.  不過因為開卡要比號碼費, 最後埋單比左Euro$23.9.

每年呢個時間, 我同小吉子都會去一次Long trip慶祝結婚週年.  話咁快, 今年已經係結婚五週年啦!! 回想起呢五次旅行,  今次旅行最掛住香港, 一路玩一路睇住香港既新聞報導.  見到咁既報導, 真係唔開心, 點解香港政府咁樣?

講返呢16日的意大利之行, 除了big 4 行程(威尼斯, 佛羅倫斯, 羅馬, 米蘭)之外, 我自己加入了南義及自駕Tuscany一帶山城幾個地方.   由於我唔係用左好多時間去planning (大約一個月左右), 沒有plan得好完全及細緻.  不過總算全部順利完成.  我們是由香港直飛到米蘭, 最後由羅馬直飛返香港.

今次行程大部份都係以國鐵及自駕完成.  意大利國鐵係愈早訂就愈平, 優惠車票最平見過EUR$9一張, 叫做super economy.  但係我唔算太早開始planning, 所以最平我都係買到EUR$19一張的車票.   想要多d關於意大利國鐵資料, 詳情可以看: http://www.sharpelawtravel.com/?p=11440, blog內有好多意大利資料參考.

關於自駕遊方面, 我覺得tomtom/ goolge map都可以.  因為我兩樣都試過, 唔會差得太多.  相比起上年去法國自駕, 法國用google map就唔準啦!! 意大利自駕真係要小心d.  因為舊城區大部份都係ZTL (Zona a Traffico Limitato or Limited Traffic Zone), 冇登記的車輛係唔可以駛入.  若果駛入ZTL, 就要罰$$啦!!  睇Forum時見過有人被罰, 價錢一D都唔經濟, 分分鐘鐘Charge 你成EUR$1000.  所以駕車時小心看清楚標示切勿駛入.  租車時也最好問清楚公司, 解釋清楚相關路線圖, 就可以安全避開到的了.


以下是這16天的行程參考, click入地點會見到相關既Blog及行程規劃
20/9: HK → Milan → Venezia
21/9: Venezia (Murano  & Burano) → Tea @ Cafe Florian
22/9: Venezia → Bologna
23/9: Bologna → Firenze (取車自駕遊) → San Gimignano → Chianti
24/9: Shopping @ the SPACE → Siena → Montefollonico
25/9: Montepulciano →  Pienza → Montefollonico
26/9  Montefollonico → Firenze → Firenze美食
27/9: Firenze
28/9: Firenze 
29/9: Firenze → Napoli → Sorrento
30/9: Capri → Positano→ Amalfi
1/10: Sorrento → Pompei → Roma
2/10  Roma
3/10: Roma
4/10: Roma --> HK
5/10: HK

今次大部份都係以B&B住宿為主, 5,6, 9, 10月份都係意大利旅遊旺季, 所以房間比較偏貴.  如果早訂, 就可以用較平的價錢訂房.   住宿選擇方面最好選住近火車站位置, 方便坐火車之如, 又不用拿著大行李周圍找.  要知道意大利好多屋也有幾百年歷史, 特別係威尼斯, 要上橋又要行樓梯, 加上好多舊屋係沒有電梯, 上上落落要提行李, 真係要命.   最好出發前用Google map做好準備set好住宿位置, 好似威尼斯太多小巷, 有時Google map也未必可以準確顯示位置.

另外提一提, 係意大利要睇既東西實在太多, 有些地方: 如Venezia, Firenze, Roma, 好多景點都可以步行前往,  加上路大部份都係石頭路, 行起上來好似行緊石春路, 所以穿對好行的鞋是必須的.