一個月紀念
今日有位同事帶住小朋友遇見我
小朋友見到我就叫我姐姐
真係開心
{因為表示我個樣仲KEEP到嗎}
之後我的同事就向小朋友更正
小朋友即刻由姐姐改口叫我做姨姨
OH
NO
被人揭穿左我既身份呢!!
想扮多幾次做姐姐都好嗎
好啦!! 入返正題先
睇睇日曆
不經不覺咁快結左婚一個月!!
到呢家我都未好慣朋友們叫我做阿太呢!!
仲有.....仲有.....
小吉子竟然唔知今日係21號
我打電話問佢: 今日有咩特別
小吉子答: 冇呵!! 放工見啦!! 我想去買工具!!
~唉~
真係估唔到....佢會唔記得
只係記得去買工具!!
~唉~
當然我提醒小吉子之後
他都有所舉動
即刻取消買工具之如
仲話係星期日先慶祝
算佢啦!!
不過今晚我地兩個都出左去餐廳食飯
食飯時小吉子仲笑我
邊到有人結左婚一個月都會去慶祝架?!
