Welcome to Ishiha Wanderlust

大家也意想不到第一天看到北極光, 是那麼的容易, 那麼的幸運. 但幸福不是必然. 琴晚睇唔到北極光, 所以我地特別期待今晚, 這也是最後一個機會啦!! 今日係我地於黃刀的第三天, 前兩天天氣很好, 沒有下雪. 今早起床後, 見天色不大好, 而且還有飄雪, 大家既心情也被拉下去!! 出面全是白茫茫一片.

既然天氣不好, 大家吃過早餐後, 都係留係酒店內. 到吃午餐時候才出去downtown就吃. 今日我地試著吃一餐sushi. 聽當地人講這間餐廳不錯, 而且還有北極海域出產的一款魚Arctic Char吃呢!! Arctic Char介乎於鮭魚與鱒魚之間的魚. 這間Sushi都好多人來幫襯, 所以我地想點多一碟Arctic Char吃也沒有了.

吃飽後, 我地見有陽光, 慢慢散步返回酒店.

其間行過小店, 也有走入去逛逛, 見到呢d外星人文字呢!!

返來google就知係當地local language- Chipewyan Syllabarium

有興趣可以睇下呢條link

逛完小店, 在街上見到靚景又影下相.

最後到酒店附近公園內玩

來到冰天雪地, 當然要玩埋Snow Angel啦!!

返回酒店望出去, 天氣開始好呢!! 而且還有陽光.

今晚看極光機會應該有的, 我地抱著希望, 先來過午睡, 小睡過後, 我地出去吃晚餐. 去了當地出名的Black Knight Pub試試. 點了兩份Steaks, Fish & Chips & Pan Fried Arctic Char with Rice各一份!! 味道唔錯, 而且環境坐得舒服.

吃過晚飯再等司機接我地去睇極光. 今晚去接的人比較多, 而且大部份都係強人. 所以無論車上/去到營地, 都不停聽到國語在耳邊. 好彩今晚我地去左小帳篷入面休息, set好哂腳架後, 步行上山上, 起初北極光來的時候好淡, 但愈夜就愈美麗壯觀. 最期待的一晚終於到啦!!

今晚真係好幸福, 可以由晚上11:00, 睇到零晨02:00. 我地5人從沒有走入去帳篷內休息, 大家都不停影呀影!! 我地仲玩埋Night Painting呢!! 真係玩到唔想走. 而且Beck's Kennels職員好好, 會問你有冇野需要幫手, 仲幫我地影埋大合照呢!!

昨晚看北極光期間, 係木屋內Becks Kennels職員問我地有冇興趣Join local tour或其他活動. 睇過佢地既單張同埋向職員查詢現時只有兩個tours會開, 一個就係city tour, 另一個就係dog sledding玩. 最後我地只係join了dog sledding. 因為就返時間回酒店補睡, 所以dog sledding會於14:00先開始.

第一晚看完極光後, 大家都好滿足地回酒店補睡, 我地睡到10:30左右起床往樓下吃早餐. 早餐後我地call taxi出去old town走走. 一般當地的士都係得4座位. 唔知yellowknife有冇7人taxi呢?? Hotel reception職員幫我地打電話call taxi問一問, 原來呢度都有7人大taxi. YEAH!! 我地可以一次過一架taxi出去old town啦!!

第一站我地去左全個old town最高的地方Pilot's Monument

當大家走上百多級樓梯後便會見到黃刀周邊全景

雖然有太陽, 但係地處高, 所以都有d寒!!

我地影相都要蓋面, 影完大家都笑出來, 因為實在太似人質.

沿住路走下坡, 便會見到間當地好出名的Wildcat Cafe. 呢間cafe於1937開始營業, 有種懷舊感呢!! 本想係度吃過午餐, 點知冬季放假冇開. 唯有影相留念啦!!

室外的露天用餐位置

白色枱面看似雲石, 其實係好厚的雪層, 不過真係好整齊. 唔知係咁既枱面上食飯會點呢?!

行過D湖上面結哂冰, 見到好靚既冰痕, 我地又落去玩左一轉, 影下相.

其賓一路行, 街上一個人也沒有, 只有我地5個. 經過的車, 也會慢駛看看我地. 可以我地好少去咁凍咁北的地方, 所以大家都唔介意係室外行, 玩, 同埋影相.

行完舊城區, 我地坐返的士出返市中心吃午餐.

呢間越南餐廳的確唔錯, 我地每人一碗生牛肉湯河. 因時間有點趕, 所以我地沒有影相.

午餐後趕返酒店, 等車接我地去玩Dog Sledding Racing!! Tour車左我地去左Grace Lake. 今日天氣好好, 天好藍好清!! 玩Dog Sledding Racing既時間大約下午三點左右, 距離黃昏既時間唔太遠, 所以玩既時候可以欣賞埋咁靚的景色.

玩Dog Sledding Racing既時候通常會兩人一組, 一個坐另一個控制. 不過我覺得唔駛點控制, 因為狗狗實在太叻!! 轉彎又識, 仲不停加速. 如果要佢地停, 踩brake都未必有用. 所以玩既時候, 就有職員駕駛著Snow Mobile睇住我地. 就好似我咁, 單手扶住handle bar都被呢位靚仔哥哥不停叫住用返兩隻手扶住handle. 確保我地玩時唔好生意外.

但有時靚仔哥哥都會有咁既一面!!

不過玩Dog Sledding Racing時, 記緊要保暖同埋帶護面罩, 因為都玩左成個鐘, 時間長仲要係室外玩一個鐘, 好食風下!! 睇左我拍既video就知玩既時候速度算快, 大約都有50km/hr. 食風都唔少架!!

去Yellowknife玩的時候, 不妨要試下Dog Sledding Ride, 真係幾好玩!!

今早我地乘搭08:00飛機由溫哥華到黃刀鎮, 中途會於Edmonton停留大約30分鐘. 之前也有說過去黃刀鎮, 只能坐飛機去, 連溫哥華/多倫多都沒有直航飛機到黃刀鎮, 中間會於Edmonton/ Calgary轉飛. 航空公司也只有 Westjet /Air Canada Express兩間. 雖然Westjet屬廉航公司, 但係加拿大已經係第二大航空公司. 可能選擇不多, 機票價也相對貴, 上網訂來回機票價大約US$360-700不等, 視乎你係咪揀Westjet. 如果坐Westjet的話, 行李費是要額外收取. 每件US$25.

今早06:00離開酒店往機場, 由溫哥華市中心到機場, 車程大約20分鐘. 所以我地好早就到了機場. 而我今次去黃刀鎮,會有多兩位美國朋友加入, 大家相約於溫哥華機場等, 再一起出發到黃刀鎮.

飛機一路向北上, 就見到壯麗的Rocky Mountain山脈.

經過三個半小時多的機程, 終於安全到達黃刀鎮機場.

(注意黃刀鎮比溫哥華快一個小時)

這個機場好迷你, 一落機, 就見到個入口到客運大樓

我地個個以為落機好凍, -8度的氣溫又冇想像中咁寒呵. 我地都係穿一件Gore-tex上身.

其實一入去大樓, 已經見到行李輸送帶. 黃刀鎮機場必影的景點就係呢隻巨大的北極熊.

取好行李, 已經見到來接我地的Becks Kennels Guide. 他是日本人呢!! 上到車, 已經有禦寒衣物準備好哂!! COOL!!! 其實係出發前, Becks Kennels已email問哂我地的衫及鞋碼. 好細心呢!!

第一天返到酒店都已經成下午兩點幾, 放低行李後便第一時間出去食Lunch. 今日到了開了唔係好耐的The Cellar Bar & Grill開餐. 找呢間餐廳Review都唔見有, 所以我地諗佺一試啦!! 我地點了兩份NY Striploin steak, 一份Bison Burgers & Chicken Penne.

估唔到樣樣都好好味!! 而且牛扒Grill得剛好. Bison Burgers好juicy!! 返來找回資料時, 見到 http://ykonline.ca/2013/08/lunch-at-the-cellar/都有寫食評都係話唔錯!!

What a surprise today!!

食飽後返回酒店訓一訓, 今日天氣真係好好呢!! 唔知今晚第一次看的極光會點呢?!! 好期待~~

訓了四個小時起身, 剛好是20:30. 起身後吃了個麵才出門口. Becks Kennels 約好我地21:40係Lobby門口等!! 好準時呢!! 原來我地係第一批客人, 之後會車往鄰近酒店再接埋其他旅客.

接好全部人後, 便開大約30分鐘車到郊區. 沿路都是漆黑一片, 街燈也沒有. 最後他們會車往一間木屋停車. 木屋前是一大塊平地, 可以於沒有光害的地方看極光. 而木屋就是給你休息取暖的地方, 內有好多食品供大家吃, 有熱飲,熱湯, 熱包及餅乾.....etc. Becks Kennels人員會不停提供食物給每一位客人.

據車上一批香港客人講, 前晚的北極光很強, 平均強度有Level 5. 睇返資料(http://astronomynorth.com/), 她們正好遇著G1 Storm, 看見她們拍的相真係好靚!! 希望今晚都有同樣的情況就好啦!! 因為今晚天氣很好, 沒有雲, 天很清, 又唔算凍 (大概 -10 c). 各人於屋內set好哂腳架, 準備出去既時候, 出面已有人叫出來!! 我地5人已急不及待走出去影呀影!! 好Amazing呢!! 真係見到極光, 看看時間都係晚上十一點左右.

看見極光的時候都見到有少少紅色, 而且極光不停浮動, 形態係瞬間萬變.

真係冇諗過第一晚的極光咁易就見到!! 我地好幸運呢!! 但原來幸運唔係必然, 之後再講!!

今晚天色好, 成個天都係星星, 仲見到好多唔同的星座出現, 又有北斗七星伴極光

相片中的帳篷係可以入內吃東西及休息

朋友帶左枝魚眼鏡影極光, 相影得好靚!! 但就唔方便係我個Blog post啦!! 看完呢兩次大極光後, 已經是零晨時份, 之後極光再沒有於今晚出現過啦!! 今晚極光指數有Level 3, 屬於Moderate, 用肉眼已經可以看到北極光了. 其實今晚我地已經好心滿意足, 起碼遇到了人生的第一次極光. 感覺好壯觀, 自然的力量真係好強大.

之後我地都係木屋內傾計, 飲下熱飲, 食東西. 第一晚極光觀賞於零晨02:30完畢, 大家開始收搭隨身物品上車, 返回酒店已經是零晨03:15.

想睇多D關於相約看北極光, 請CLICK

入下面Link.

相約看北極光 - 黃刀鎮Yellowknife Old Town DayTrip & Dog Sledding Ride

相約看北極光大爆發 @ 黃刀鎮Yellowknife最後一晚

介紹一下黃刀鎮先!! 全年平均天氣為零度, 冬天更會降至零下50度, 黃刀鎮是加拿大西北地區的首府, 於北緯62度, 距離北極圈僅400公里, 有非常豐富的原住民文化. 這地方一年超過250天可欣賞到北極光, 所以成為全球最佳觀賞極光的城市之一.

每年9月到翌年3月都是北極光觀賞的最佳時機, 加上極光強度和太陽活躍有直接關係. 太陽每 11 年有一次高峰, 最近的高峰則是在 2013 年. 所以 2014 年去剛好可以看到強度很高的極光. 錯過左今次要,再等11年先見到咁活躍的北極光啦!!

圖片來源：NASA

如果要看北極光, 大部份自由行旅客都會選擇join local tour. 以下有幾種當地團選擇 :

1. Aurora village - http://www.auroravillage.blogspot.ca/

2. Becks kennels - http://www.beckskennels.com/

3. North star adventures - http://northstaradventures.ca/

4. Yellowknife outdoor adventures - http://yellowknifeoutdooradventures.com/

5. My Backyard Tours - http://mybackyardtours.com/

6. Trout Rock Lodge - http://www.enodah.com/

大部份當地團會於10月中 - 11月中休息(下雪時份), 我地去既時間正正是11月12日, 剛好是黃刀鎮極光團休息末與剛剛開始Winter Aurora的時間. 睇過 TripAdvisor review & 上網做research後, 大家都心儀揀Aurora Village, 鍾意佢有仿原住民帳篷做背景, 但可惜未開. 加上Aurora Village官網有哂每日睇Aurora強度的紀錄, 都好完全架!!

圖片來源：Aurora village

問了好幾間後, 也只有兩個當地團會開. North Star Adventures & Becks Kennels. North Star Adventures review好, 由當地人JOE帶領, 他會開車追極光, 所以冇一個固定地點. 而且佢地仲可以幫你tailor make行程的. 相反Becks Kennels大部份旅客都是以日本人為主. 會開車到一間小屋, 小屋出面有一塊平地比你睇極光. 起初也有點擔心, 因為review有d寫得唔好, 不過package價錢就包埋你有禦寒衣服及機場接送, 住宿唔包, 看似比較經濟 (一般租衫每天價錢大約CAD$20-$45不等). 最後我地決定揀Becks Kennels.

如果係黃刀鎮看極光, 最好停留最少四日三夜, 因為看到極光的機會率達75%以上. 問過 Becks Kennels工作人員, 一星期七天大約有五天是可以看到極光(那當然要視乎當日天氣而定).

至於住宿方面, 黃刀鎮大約有10間酒店, 亦有民宿. 不過我地一行5人, 想揀一間大間既Suite住, 又有kitchen煮下野食, 就唔太多選擇啦!! 最後我地揀了Coast Fraser Tower入住. Suite面積都有成1000fts, 內有兩間房. 其實整個黃刀鎮唔大, 從酒店行去市中心大約行15分鐘可以到, 其實都算方便. 後來導遊同我地講, 全個黃刀鎮只有一間Starbucks咖啡提供, 就係我地入住的Coast Fraser Tower. 這間酒店全天候24小時都有Starbucks咖啡及熱飲提供.