Welcome to Ishiha Wanderlust

上個月去泰國玩, 港幣對baht都係4.34, 我自己已經覺得好抵. 點知今個星期外幣匯率繼續瀉, 對匯價去到4.5. 真係只有更平. 係咁平對匯價既時候, 去BKK玩就要好好揀間又平又靚既酒店住下啦!! 每次去BKK, 最愛住係四面佛附近. 近年Central Chit lom 站又有新Building新酒店. 今次我就揀左Hotel Muse入住, 這間酒店正是隸屬Accor集團旗下擁有精品酒店的MGallery所擁有. 今年Hotel Muse仲拎左 2015 World Luxury Hotel Awards呢!! 詳情可以click去官網睇下佢既介紹.

到達酒店既時候, 有別於一般酒店, 出入口係得一對木門. 一入大堂見到好靚既佈置, 以至大堂, 樓梯, 老式鐵籠電梯, 整間酒店都充滿著法式古典既味道.

Check in大堂, 因為我冇影相, 所以用左offical link內一張相. Check in大堂放上幾張書桌, 客人可以坐低辦理check in手續

辦理手續期間, 職員會送上4杯Welcome Drink, 左面兩杯有酒精, 右面兩杯冇.

我地4人同行, 分別訂左兩間房. 好啦!! 上房了.....我地兩間房既setting有少少唔同, 不過大致相同. 我住那間房內既浴室採用透明大玻璃, 用既時候全部放下電簾, 超方便.

最愛浴室既貴妃浴, 夜晚行到倦來個浸浴真係超爽.

床也是超大張, 而且好舒服

床上放有自家製介紹 , 用上報紙型式, 唔錯既design

每間房內都會有皮製旅行箱,襯返整間房既感覺

而朋友住既房間旅行箱內收藏了電視, 要用remote先放到個電視出來.

第二日吃早餐既地方係頂樓, 餐廳既另一邊係泳池.

餐廳內環境唔錯

staff仲安排左我地早餐位置係一間獨立房內. 雖然係樓景, 但景觀開揚.

早餐款式唔算太多, 不過食物質量高. 有自家製Yogurt及麵包呢!! 仲有即叫即做egg omelet

除左一般既coffee & tea之外, 職員會問你要唔要Herbal tea呢!! 真係好貼心既服務

又到每年一度既泰國之旅啦!! 上次去已經係上年六月既事啦!! 而我一直愛去泰國, 原因好簡單....都係可以去豪食, 豪買, 豪做spa, 豪住!! HAHA!!

其實今次個Trip都係突然起行, 話去就去. 其中一個friend仲慘, 只有3日3夜. 出發前兩星期先買機票, 仲要係暑假黃金檔期開始, 當然買唔到好平架啦!! 既然得4日3夜, 當然想早去晚返, 不過0745出發既TG機票就賣哂!! 再search都只有下午班機. 係沒有選擇既情況下, 我選擇了HK airline, 平過TG/CX少少, 而且我係官網比Agent買仲平少少. 如果早plan, 買到HK airline既early bird機票, 係可以平更多.

出發當天, 香港掛緊三號風球, 我只係希望佢唔好Delay就算啦!! 好彩天氣唔算差, 係閘口上巴士再行出去停機坪上機都冇問題.

有樣野我估唔到既係原來HK Airline有早餐供應比乘客, 味道就好一般啦!!
而另一位朋友坐黃昏機去BKK, 機上只提供sandwish. 真係冇Expectation會開心好多....!

由於我另一位朋友會坐黃昏機到泰國, 所以我地到埗後, 係BKK 機場買左張SIM卡. 之前都有睇過網上forum, 大部份Travel Sim Prepaid Card都係299 baht 無限上網, 過左Limit先會限速. 既然我地有3個人, 買Group Sharing Sim會係最抵, 每人有一張Sim卡, 又可以各自上網, 仲可以係Group內任打電話. 現時只有AIS有呢個plan. 去到機場AIS counter連最後一套都比我前一個人買左. 我再問都已經冇, 唯有買299 baht 1.5GB大家Share用啦!! 買左Sim之後, AIS既Staff會幫你換上Local Sim, 仲會幫你貼好機內原有既香港 Sim卡, 超細心, 抵赞!

天文台係下午四點幾掛八號風球, 我地一直擔心朋友上唔到1800飛機, 幸好都準時起飛, 平安到埗. 朋友到達機場都買左張AIS sim 299 baht, 我地呢幾日兩張sim share 一起用. 一路用都好順, 而且速度快, 係橫街窄巷及高樓大廈地方開google map完全冇問題.

大家也意想不到第一天看到北極光, 是那麼的容易, 那麼的幸運. 但幸福不是必然. 琴晚睇唔到北極光, 所以我地特別期待今晚, 這也是最後一個機會啦!! 今日係我地於黃刀的第三天, 前兩天天氣很好, 沒有下雪. 今早起床後, 見天色不大好, 而且還有飄雪, 大家既心情也被拉下去!! 出面全是白茫茫一片.

既然天氣不好, 大家吃過早餐後, 都係留係酒店內. 到吃午餐時候才出去downtown就吃. 今日我地試著吃一餐sushi. 聽當地人講這間餐廳不錯, 而且還有北極海域出產的一款魚Arctic Char吃呢!! Arctic Char介乎於鮭魚與鱒魚之間的魚. 這間Sushi都好多人來幫襯, 所以我地想點多一碟Arctic Char吃也沒有了.

吃飽後, 我地見有陽光, 慢慢散步返回酒店.

其間行過小店, 也有走入去逛逛, 見到呢d外星人文字呢!!

返來google就知係當地local language- Chipewyan Syllabarium

有興趣可以睇下呢條link

逛完小店, 在街上見到靚景又影下相.

最後到酒店附近公園內玩

來到冰天雪地, 當然要玩埋Snow Angel啦!!

返回酒店望出去, 天氣開始好呢!! 而且還有陽光.

今晚看極光機會應該有的, 我地抱著希望, 先來過午睡, 小睡過後, 我地出去吃晚餐. 去了當地出名的Black Knight Pub試試. 點了兩份Steaks, Fish & Chips & Pan Fried Arctic Char with Rice各一份!! 味道唔錯, 而且環境坐得舒服.

吃過晚飯再等司機接我地去睇極光. 今晚去接的人比較多, 而且大部份都係強人. 所以無論車上/去到營地, 都不停聽到國語在耳邊. 好彩今晚我地去左小帳篷入面休息, set好哂腳架後, 步行上山上, 起初北極光來的時候好淡, 但愈夜就愈美麗壯觀. 最期待的一晚終於到啦!!

今晚真係好幸福, 可以由晚上11:00, 睇到零晨02:00. 我地5人從沒有走入去帳篷內休息, 大家都不停影呀影!! 我地仲玩埋Night Painting呢!! 真係玩到唔想走. 而且Beck's Kennels職員好好, 會問你有冇野需要幫手, 仲幫我地影埋大合照呢!!

昨晚看北極光期間, 係木屋內Becks Kennels職員問我地有冇興趣Join local tour或其他活動. 睇過佢地既單張同埋向職員查詢現時只有兩個tours會開, 一個就係city tour, 另一個就係dog sledding玩. 最後我地只係join了dog sledding. 因為就返時間回酒店補睡, 所以dog sledding會於14:00先開始.

第一晚看完極光後, 大家都好滿足地回酒店補睡, 我地睡到10:30左右起床往樓下吃早餐. 早餐後我地call taxi出去old town走走. 一般當地的士都係得4座位. 唔知yellowknife有冇7人taxi呢?? Hotel reception職員幫我地打電話call taxi問一問, 原來呢度都有7人大taxi. YEAH!! 我地可以一次過一架taxi出去old town啦!!

第一站我地去左全個old town最高的地方Pilot's Monument

當大家走上百多級樓梯後便會見到黃刀周邊全景

雖然有太陽, 但係地處高, 所以都有d寒!!

我地影相都要蓋面, 影完大家都笑出來, 因為實在太似人質.

沿住路走下坡, 便會見到間當地好出名的Wildcat Cafe. 呢間cafe於1937開始營業, 有種懷舊感呢!! 本想係度吃過午餐, 點知冬季放假冇開. 唯有影相留念啦!!

室外的露天用餐位置

白色枱面看似雲石, 其實係好厚的雪層, 不過真係好整齊. 唔知係咁既枱面上食飯會點呢?!

行過D湖上面結哂冰, 見到好靚既冰痕, 我地又落去玩左一轉, 影下相.

其賓一路行, 街上一個人也沒有, 只有我地5個. 經過的車, 也會慢駛看看我地. 可以我地好少去咁凍咁北的地方, 所以大家都唔介意係室外行, 玩, 同埋影相.

行完舊城區, 我地坐返的士出返市中心吃午餐.

呢間越南餐廳的確唔錯, 我地每人一碗生牛肉湯河. 因時間有點趕, 所以我地沒有影相.

午餐後趕返酒店, 等車接我地去玩Dog Sledding Racing!! Tour車左我地去左Grace Lake. 今日天氣好好, 天好藍好清!! 玩Dog Sledding Racing既時間大約下午三點左右, 距離黃昏既時間唔太遠, 所以玩既時候可以欣賞埋咁靚的景色.

玩Dog Sledding Racing既時候通常會兩人一組, 一個坐另一個控制. 不過我覺得唔駛點控制, 因為狗狗實在太叻!! 轉彎又識, 仲不停加速. 如果要佢地停, 踩brake都未必有用. 所以玩既時候, 就有職員駕駛著Snow Mobile睇住我地. 就好似我咁, 單手扶住handle bar都被呢位靚仔哥哥不停叫住用返兩隻手扶住handle. 確保我地玩時唔好生意外.

但有時靚仔哥哥都會有咁既一面!!