Welcome to Ishiha Wanderlust

以前去食Fusion泰菜, 都會諗去Greyhound cafe, Nara....etc. 不過今次好想試下地道正宗泰菜,就去左呢間White Flower Factory. 佢地係屬於家庭式經營, 總店係舊城區, 比較難去. 無論菜式、用料、味道頗適合泰國人而且價錢唔貴, 所以好多本地人幫襯. 而第一間分店就係鄰近BTS Siam Square One商場內.

入到餐廳, 店內裝潢唔錯, 樓底多, 並以黑白灰及木色為主. 感覺舒服, 而且入內有一大邊落地大窗, 可以望到BTS站人山人海既畫面. 呢間餐廳中午過後, 只賣蛋糕及飲品. 6pm後提供晚市. 晚上好多人, 要有排隊既心理準備呀!! 不過我地行完Paragon再去埋massage後, 已經差唔多過了食晚餐既時間, 去到White Flower Factory時沒有太多人, 唔駛等位就可以安排入座啦.

打開Menu, 除了有泰菜外, 另有提供西菜: 三文治, 鵝肝等菜色. 我地係咁肚餓既情況下, 兩人叫了4碟食物. 先來是Appetizer: 辣味三文魚他他. 呢個好好味, 辣度夠, 而且好開胃. 三文魚他他上放了一條長麵條, 麵條好鬆脆好香.

另外我地點了泰色春卷同埋單骨炸雞翼. 單骨炸雞翼個醬既辣又帶少少酸, 好食過Greyhound 好多呢. 而泰色春卷也炸得好香脆. 最後我地再叫了碗冬陰公粉, 呢個真係好好味. 冬陰公湯看似平凡, 但其實係超好味. 冇味精之如, 簡直係味覺享受. 冬陰公好味係要辣與酸度要平衡, 而呢間White Flower Factory真真正正做到. 食到呢度, 我地兩個已經好飽, 本來好想留肚食甜品, 也沒有空間啦!! 提提大家, 呢度既甜品都好好味, 特別係泰國奶茶Crepe Cake以及椰子蛋糕.

每年去曼谷, 我都會去下唔同cafe食野飲咖啡. 上次去過Roast, 今次就去另一間位於EmQuartier內既 D'ark. 好多人都係見到Roast多人, 就去D'ark那邊食. 其實D'ark個名都好大, 第一間分店係Sukhumvit Soi 49巷內開左唔夠半年, 就係EmQuartier開第二間啦!! 而且係EmQuartier內佔據係地面那層既好位置.

D'ark入面以金屬元素及原木作裝飾, 大玩工業風既設計. 由於係平日既關係, 店內唔算太多人. 我地安排坐係sofa位置. 打開menu, 見到咖啡總類多, 而且有3款signature brand: D'ark, Nero, Ali Reserve, 提供slow drip coffee, aeropress & cold brew沖泡方式. 去到櫃台望仲以為自己去左實驗室呢!

食物由兩位曾任職Michelin餐廳既法藉大廚主理. Menu內有Brunch, Salad, Burgers, Pasta, Seafood, Meat & Desserts選擇. 而我地諗住來吃早午餐, 就係Brunch內揀吧! 我地兩人叫了一份English Breakfast Cocotte (350b) 同埋一份Salmon Eggs Benedict (290b). 另外叫了Flat White & Cappuccino. 係Order時我還問waiter可唔可以係咖啡上畫肖像拉花, 他們說可以, 不過上咖啡時間會耐一點. 反正我地hea遊, 就試一杯玩下吧. 我杯咖啡來到時確實有驚喜, 似唔似樣就.....始終都係gimmick.

我地傾談了半小時左右, 食物開始上枱. 先來了Salmon Eggs Benedict, 而D'ARK無令人失望. 檸檬荷蘭醬好味, 鬆餅麵包邊脆內軟. 另一味English Breakfast Cocotte也上了. Portion有d細, 還以為大大一份呢!! 可能有期望, 我就對呢個Breakfast Cocotte有點失望.

Facebook:https://www.facebook.com/darkbyphillipdibella/
Website: http://www.darkoffee.com/

Photo of the day

每年指定動作必遊一轉曼谷Bangkok. 今次4日快閃之旅只有我同一個Friend去, 所以係超簡單.突然間想去就買好機票出發, 沒有既定行程, 只係出發前簡單安排好兩次massage, 同埋要走一轉JJ market買野.

以下既相全部都係用Iphone影, 所以quality一般. Hea遊開始.....

今次住宿方面係BTS對出既Renaissance Bangkok Chitlom, 之前住過覺得唔錯, 而且比較新. 起初都有諗住係Terminal 21, 價錢仲比Renaissance平, 不過住開Chitlom附近有情意結, 唔理咁多就book左啦!!

一落機settle好就趕去做Spa, 又係去開我鍾意既Lavana bangkok, 無論手勢服務都好好而且價位平實. 呢間Spa大大話話都幫襯左10年. 今次去仲有少少promotion呢!! 如果有興趣可以出發前睇下有冇promotion, 最抵係做一個2 hour massage送1 hour facial/scrub treatment (只係0900-1300). 由落機到做完spa都未好好食過一餐呢!! 係咁肚餓既時候, 佢地跟左個light dinner比我地, 係咪好貼心呢!! 唔知係咪肚餓, 食呢個light dinner總係覺得好好味.

雖然食左個light dinner,但都未能填滿我地既五臟六腑. 經過BTS見到奶茶店又走左去買杯飲, 呢間奶茶咖啡店係曼谷都好出名. 主打茶底香而且味濃, 可以order少奶/多奶/少甜. 始終泰國人愛甜, 所以唔order少甜既話, 真係會甜到震. 如果唔飲開濃茶既朋友, 可能未必接受到.

夜晚去左水門食雞飯. 水門雞飯簡直係每次去上年去Bangkok必食. 當中有兩間較為人熟悉, 一間係店員全部穿上綠色制服, 另一間係粉紅色制服. 呢個記號易認過店名. 不過上年去既時候已經覺得粉紅衫雞飯檔冇以前咁好食啦, 所以今次去返綠色制服那間. 水準依然keep到, 特別鍾意雞同飯既比例好好, 唔會話飯多雞少既情況出現.

食完雞飯行左門口有檔芒果糯米飯好正!! 芒果糯米飯有分大同細兩個size賣, 大既100b, 細既60b. 我地買了一盒大既返酒店繼續食. 芒果好香好甜, 糯米飯軟綿適中. 加上椰奶超好味!! 大滿足既第一天.

Photo of the day

今日係大年初一, 祝大家雞年行大運, 事事順利, 身體健康!! 差唔多寫到今次既行程尾聲啦!! 努力埋呢篇去開新post. 去完士多啤利園, 有諗過去太宰府或是去柳川玩好. 既然租車自駕一日, 就去遠少少到柳川玩一圈吧. 由朝倉らいおん果実園駕車去柳川行高速公路大概1個小時車程. 為的是要去元祖本吉屋吃過蒸籠鰻魚飯(せいろ蒸し定食).

柳川係日本有水鄉之稱, 亦是鰻魚飯既發源地. 來到水鄉必定可以坐船遊河, 北九洲西鐵有好多唔同既優惠套票可以揀, 例如來回到柳川車票+柳川遊船船票+鰻魚飯套票只賣 5150yen. 詳細睇👉 link . 不過我地無太大興趣坐船, 一心諗住來吃鰻魚飯, 泊好車見周邊環境唔錯,

好寧靜好舒服, 影左幾張相後就去本吉屋吃鰻魚飯.

日本料理店中鰻魚料理前名為"柳川", 其中以1681年開業既本吉屋為鰻魚蒸籠元祖. 從江戶時代開始營業既本吉屋, 距今已經有三百年歷史.

店內環境好舒服, 一面係大玻璃走廊, 望出去就係庭園.

入面係充滿著老日式風情既木頭裝修, 每個客人坐係塌塌米上.

來到當然食返個鰻魚蒸籠飯, 有分特せいろ蒸し和せいろ蒸し差在鰻魚既分量. 特せいろ蒸し又加左價, 而家係3900 yen一碗. せいろ蒸し3500 yen. 而我自己就點了碗うなぎ丼.

關東既鰻魚做法係將烤好既鰻魚放係佈滿調味汁既米飯上蒸, 所以鰻魚同醬汁既香氣就可以完全浸入米飯內, 唔怪之得咁好味啦!! 而且烤既鰻魚好香炭燒味, 每口飯都吃到鰻魚, 不只香氣, 仲有魚肉.

鰻魚蒸籠有附鰻魚肝湯和醃漬小菜. 鰻魚肝湯一d都冇魚腥味, 味道清淡得來卻有味.

うなぎ丼上鋪滿了蛋絲, 鰻魚份量都唔少.

本店住所	〒832-0022 福岡県柳川市旭町69番地 69 Asahimachi, Yanagawa-shi, Fukuoka
電話番号	0944-72-6155
営業時間	10:30～21:00 （LO：20:30）
定休日	第2・第4月曜日

好啦!! 食完個好味鰻魚飯後, 我就回程返回福岡市, 好熱鬧呢!! 去左咁多日旅行見到人最多都係今日啦.

晚上去左屋台行下. 來到福岡中洲一帶, 如果冇來品嚐一下屋台美食, 感受一下日本上班族下班後既喝酒去處, 就好似無來過中洲一樣.

其實我覺得來屋台食飯, 絕對唔係為左食飽, 更不是想慳錢, 為的就係一個氣氛. 最後我地都係冇係度食, 因為我地要去食好野.

講開美食, 福岡係一個著名既美食天堂. 既然安全來到福岡玩, 就要食盡d😋. 九州地區產「佐賀牛」與「松阪牛」「神戶牛」齊名, 來到就要食返餐燒肉先對得住自己啦😁!!

今次去食既呢間燒店多牛, 係福岡地區極受歡迎燒肉店, 見tabelog評價高, 而且位置方便, 而且仲係以炭火燒肉, 一於排隊試下. 一排就真係排左好耐,