Welcome to Ishiha Wanderlust

去完洲本五色公園ウェルネスパーク睇完油菜花, 都差唔多要去食個午餐. 我地一心諗住去食牛丼, 揸車經過呢間海鮮丼, 見到有日本人排隊等位, 下意式會覺得呢間餐廳一定唔錯. 其實去到淡路島, 好少見到遊客, 排隊店應該唔太多, 所以我就決定係呢間餐廳食個海鮮丼. 門前有得泊車, 不過連泊車位都要等呢. 餐廳唔算大, 入面只有20個位左右. 我地等位等左半個鐘左右就入到去啦! 店內只提供幾款海鮮丼, 天丼及小食. 全店餐牌只有日文. 簡單可以理解, 所以點餐時都唔覺難. 要講講呢間小店價錢超級抵, 我地點了一個特盛海鮮丼(¥2000)及天丼(¥980), 小食點了炸蠔 (¥500). 先來天丼, 吉少一路食一路話好好味. 炸粉唔厚, 而且大部份係海鮮天婦羅 , 海鮮好新鮮, 就連天婦羅穴子都有. 之後就係我既特盛海鮮丼, 一來到我兩張發光啦!! 好大碗呢!! 飯上面有8款海鮮: 三文魚, 油甘, 吞拿, 鯛魚, 白魚, 螺片, 海膽, 墨魚. 全部海鮮好好味, 好新鮮!! 特別係鯛魚, 個口感同一般食到既好唔同, 肉質好結實, 咬下好彈牙, 而且有白魚既清甜, 唔怪之得係淡路島最出名啦! 跟住炸蠔來了, 又係超水準之作. ¥500有4大隻炸蠔, 仲伴有沙律菜. 我地快快食了一口, 真係好味到不得了. 蠔炸得剛好, 唔會因為蠔Size大炸過火, 而且好鮮甜. 呢餐真係好驚喜, 以咁既價錢可以食到咁出色既海鮮, 我相信出名既魚市場都未必可以.

海鮮どんや魚竹 🍚

うおたけ鮮魚店やけんど〜海鮮どんや
🌎 http://uotake.wixsite.com/uotake/blank
📍 〒656-1602淡路市育波584-1
📱 TEL: 0799-84-0551

食飽後, 沿海邊公路一直揸車上東面, 發現淡路島確實係一個好怡人既地方, 仲適合踩單車呢!! 吉少見到好多當地人假日約好一兩日係沿海公路, 都唔知幾羨慕. 上一篇我都有講我好買士多啤梨食, 特別係上揀返四國縣或淡路出產. 期間經過一間不知名既local supermarket, 我就停車入去睇下, 又比我買到一位德島縣產既士多啤梨呢!! 開心到爆!! 因為德島縣出產既士多啤梨真係好好味, 本來我好想可以遇到さくらももいちご（櫻桃士多啤梨）. 如果見到我一定會買幾盒即場食. 不過都買到另一款德島縣出既士多啤梨, 果形較尖身, 口感硬度適中, 味道亦較甜（甜度達10度）, 而酸度低（酸度0.59）, 色澤深紅, 相對於其他士多啤梨品種的維他命C更高. 一買左一路揸車一路吃, 真係不得了!! 我真係食哂成盒呢! 之後我好想再買, 始終都冇遇到了, 唯有寄望係九州士多啤梨園再食.

後記:
玩完返到香港, 有日行過果欄, 見到德島縣阿波市出既士多啤梨, 超級罕有. 一於唔理買左一箱4盒返屋企. 返到屋企急不及待開來食, 真係好好味呢!! 真係可以比我係香港找到. 雖然貴少少, 但係日本運返來香港都要啦!

(source: http://www.weekendhk.com/)

👋 想睇返今次【西日本淡路山陽8日遊】行程規劃 👈

剛剛去完一轉台東台北快閃遊, 雖然短短4日, 但玩得好開心. 可以見見朋友, 又可以去大吃一餐. 玩完都返來休息左幾日, 努力寫下BLOG先.

今次去呢個淡路洲本市五色公園ウェルネスパーク唔係原本既行程部份, 就係大鳴門橋記念館影完洋蔥頭後臨走前, 比我發現一個介紹淡路島既單張架, 仲見到有張全頁士多啤梨既單張, 隨即拎上手睇下, 發現呢度有自家採摘士多啤梨園, 我即時😍😍😍, 仲同吉少講我要去呢度買士多啤梨食呢!! 雖然呢度只可以比你摘, 摘完以 270円/100g買走, 但可以一嘗當地既士多啤梨又幾吸引. 我地決定改行程去左呢個洲本五色公園ウェルネスパーク. 點知去到剛好11:30, 仲見到好多日本一家大細捧住一盒盒既士多啤梨. 超期待!! 一心諗住去摘士多啤梨, 點知真係11:30準時關閉, 要等到13:30先再開返. 雖然食唔到士多啤梨, 就行下呢個公園啦!!

五色公園內有好多設施比小朋友玩, 當日都有好多一家大細係度玩, 整個公園都好靚呢. 特別係呢度仲可以作為camping及住宿. 公園內有好多一間間既度假屋, 園內設施又齊, 連餐廳都有. 小朋友來到一定鍾意. 因為有好多唔同既滑梯, 又有成大片草地玩, 玩到咁上下去摘士多啤梨又得, 放電一流. 不過我地一把年紀, 滑梯又唔會玩, 就去欣賞下呢個公園既油菜花吧!! 去既時候正值係淡路島油菜花季及櫻花季, 我地好好彩可以睇到.

大家有興趣都可以睇下呢個link 👈, 有哂公圜內既介紹及宿泊預定.
ウェルネスパーク五色
〒656-1301 兵庫県洲本市五色町都志1087
TEL:0799-33-1600（代） FAX:0799-33-1603

臨走前, 見到一片油菜花田, 忍唔住我又落車影了幾張相才去下一站 🤗 .

(picture source: http://static.panoramio.com/photos/large/79669552.jpg)

(picutre source: http://www.takataya.jp/stay)

👋 想睇返今次【西日本淡路山陽8日遊】行程規劃 👈

如果要到大鳴門橋記念館, 用車內GPS會尋求到兩個地點. 一個係橋這邊, 位置即係鳴門市. 而另一個係橋既另一邊, 指示為淡路市. 今篇講既係淡路市那個「うずの丘大鳴門橋記念館」.

一到埗就被那個Awajishima Burger必吃得獎漢堡Poster吸引埋去, 曾獲得2013年全國冠軍及2014年全國亞軍, 每個餡料十足夾埋厚厚既洋葱圈漢堡真係令人難以抗拒. 不過我地決定行完出來先慢慢坐底食返個. 講開淡路島既名產, 除左洋葱質量冠絕全國之外, 仲有淡路牛. 淡路牛係神戶牛既根源. 初生的淡路牛, 被飼養到3個月大, 便會運到神戶周邊的三田一帶, 繼續住好食好. 牛隻長大後改名為神戶牛推出市場. 有了神戶牛既名, 牛既級數自然大躍升.

就係因為淡路洋葱咁出名, 所以連大鳴門橋記念館內都有一個大大洋葱比遊客影相. 大洋葱大後面有埋鳴門橋做背景, 真係一絕. 最搞笑係館內有哂洋葱假髮比大家帶住影相. 我地都有帶住玩啦!! 用完後記住放返原位呀!! 因為工作人員會幫忙整潔, 同埋會為洋葱頭梳頭架. 另外一提就係館內有部夾公仔機, 不過呢度就唔係夾公仔, 而係夾洋葱, 日本人真係創意無限.

其實大鳴門橋記念館有大洋葱影相外, 而且仲有個展場做一d特別展館. 我地去既時候就係開始搞緊個淡路科學館, 不過未set好, 所以我地冇入去睇睇啦. 另外一邊就係大家都好鍾意既手信店. 行入去真係不得了, 有好多唔同既洋葱產品試食呢!! 買完手信, 終於可以去試個洋葱圈和牛漢堡, 我地冇叫餐, 仲加左￥200點多包洋葱圈. 個漢堡好好味, 和牛入口即溶, 而且份量好多. 加埋佢個醬真係正. 洋葱圈超甜, 炸得好脆. 雖然食完個早餐冇幾耐, 我地都要試一試, 果然冇令人失望. 原來呢間Awajishima Burger係島上都有其他分店, 大家可以參考下以下地圖.

〒656-0503 兵庫県南あわじ市福良丙936-3
電話番号: 0799-52-2888
👋 想睇返今次【西日本淡路山陽8日遊】行程規劃 👈

要到鳴門觀賞漩渦, 可以有三個方法.
1⃣ 乘觀潮船近距離欣賞
2⃣ 上大鳴門橋的渦之道看高空俯瞰版
3⃣ 水底觀潮船

可是觀賞漩渦係唔等人, 想看鳴門漩渦, 必先看潮見表. 漩渦只出現於潮漲(滿潮)和潮退(干潮)既時候, 所以觀賞最佳既時候就係潮漲及潮退既前後90分鐘. 表上所列時間劃有紅圈係比較大機會觀賞到漩渦. 而我今次揀左搭觀潮船. 觀潮船有分三款: 小型觀潮船(うずしお汽船), 另有大型觀潮船和水底觀潮船(需預約)可選, 兩者都係同一船公司(うずしお観潮船). 最後我揀了坐小觀潮船. 點解我會揀小船呢? 係因為船班比較密, 價錢仲抵少少. 大船時間表可以睇返うずしお観潮船

我地剛好趕上最尾一班小型觀潮船, 開船時間係16:30, 費用每位￥1550. 而且張飛仲可以作為紀念既postcard呢!

上船後, 人人都企係船尾, 方便觀賞漩渦. 期間船員會講解, 但我地完全聽唔明. 當船駛進漩渦區 (即鳴門大橋下), 全船既人進入Hyper狀態, 大家都向著漩渦影相, 各種相機手機不停拍. 唔知點解我地係現場睇係好好多, 影相出來唔係好睇到漩渦. 間有一兩張比較好, 而且那裡海水顏色好唔一樣, 比較淺綠, 不過我覺得好靚. 加上船會停低或慢駛, 大家都可以慢慢欣賞呢個大自然奧妙. 整個船程大約30分鐘,

以下都係一d我影得比較好既鳴門漩渦相, 相比起頭兩張, 沒有那麼震撼. 其實我拍了條短片, 片中更加看到漩渦, 比影相更好.