大約十時多，已到達築地大和，呢間我次次到東京必食。而每次例必叫SET做早餐呢!! 我同G小姐都係排左半個鐘就有得食啦!! 好開心，次次都期待 sushi set唔知會有什麼當日新鮮手握壽司。

好快就食完8款手握壽司+小卷。當日仲有好最最最鍾意食既海膽 +海鰻，好滿足既早餐呢!! 食完都特別精神～～ＨＡＨＡ 
雖然落幾大雨，不過我地都有去築地入面行下食下。其間仲入左一間神社參觀，都係太大雨既關係，只係影左幾張相就好啦!
經過一間紫菜店，店頭好勁呢!! 我相信旅遊書應該冇介紹吧!! 門面貼上一張大大POSTER寫明連續兩年米芝連3星壽司店御用紫菜舖--百年老舖丸山海苔店。 店員好好呢!! 仲識幾句國語，佢同我講祖籍上海，仲有得試食呢!! 最後我見到右手邊有茶葉賣，問店員有冇得試，他二話不說即沖了幾杯給我同Ｇ小姐呢!! 我分別買了兩款紫菜，一款係原味(最多人買，５包3050YEN)，另一款是醬油味 (一袋18包860YEN)。 另外我仲買了柚子煎茶(試完覺得味道好清新)，而茶也寫明是ORGANIC的。店員很好，還送我一包小小茶包做禮物呢!!

丸山海苔店第二支店：東京都中央区築地4丁目14番17号

之後到了松露食玉子燒。其實對出松露那條街，有一個休息室。那裡有枱凳，我同Ｇ小姐入去再開餐＋避雨。
臨走前，係大街買左一包濕魚乾返香港做手信。唔知大家有冇買個金色銀色細細粒一大包既辣芝麻拖羅魚乾做手信，不過呢包就係濕版，而且有好多collagen呢!!

今日既雨仲大過昨晚的雨，取消了特別行程後，只好到涉谷行街。 行到倦，又諗下地方食LUNCH，坐坐飲下食下。　原先打算到SWEETS PARADAISE 渋谷店 ，但係我唔記得地址，所以到了デザート王国，1600YEN任飲任食90分鐘。食物款式唔算多，有salad及熱食，而dessert選擇較多，細細件，overall質素一般。 
SHOPPING完一輪後，大約八點多又食dinner啦!! 真係念念不忘今早既早餐，再encore again! sushi sushi!! 今日唔通係壽司日??