最近好多朋友都話想去摩洛哥玩, 想知道我的行程及行前準備, 所以我先跳寫摩洛哥11天之旅.  記得八年前去過Tunis一次, 已經被它深深吸引, 覺得這國家非常值得玩, 花費又不會太貴.  而且有好多東西值得細味細看.  自始我已經好想去摩洛哥自由行.  不過一直都覺得這個地方好似好難去, 特別是撒哈拉沙漠.  直至見到blogger好友Vivi去完, 發覺摩洛哥這國家自由行實在不難, 上年暑假開始籌備 , 之後9 月中起行, 用了大約1個多月的時間去籌備整個行程.

摩洛哥和西班牙只相隔一個直佈羅陀海峽, 又被譽為歐洲的後花園.  每年吸引著不少歐洲遊客到來觀光渡假.   籌備過程我是好想去直佈羅陀海峽.  不過11天時間跟本剛好, 所以留待下次再去過吧.

📝行前準備

✈機票
香港沒有直航班機到摩洛哥, 要轉機可以去中東或歐洲轉機.   我先分析一下中東或歐洲轉機的比較及quote了我7月尾買機票的價錢.   中東轉機時間需長, 但機票價格最平, 大約每人HK$8000-9000.  若然我一早訂機票的話, 分分鐘$4000-5000可以搞掂.  若然你第一站為Marrakesh的話, 就要再於Casablanca轉機或下機後轉火車, 會無了半日時間.  而歐洲轉機的好處是較短飛行航程, 法航有最短航程及時間最好, 而且可以於Marrakesh下機, Casablanca/Rabat離開, 不需要走回頭路, 仲可以一早落機走行程呢!!  不過機票價較貴, 每人大約HK$12000.   最不開心是我決定去摩洛哥之前, 多個阿拉伯國家宣布與卡塔爾斷交, 多間航空公司隨即宣布中止來往卡塔爾的航線.  平衡過後, 我寧願找一些較穩陣的航班, 最後訂了法航由香港到摩洛哥.  雖然法航可以上網做Online checkin, 但原來會作抽選某些客戶(我打去hotline問過)用不到Online checkin這個服務, 而我就正正是那個人.  去到機場了解, 地勤人員話太少人去這個地方, 所以以安全理由不許可Online checkin.  Checkin時不停問我地好多問題, 包括住宿地方, 行程安排....etc.  搞到我都有點神經緊張, 原來去摩洛哥自由行真的會令其他人為我們擔心.

💼簽證
香港特區護照及BNO持有人免簽證入境旅遊可免簽證停留30日.

🌞旅遊季節
摩洛哥最佳旅行季節是每年9月-隔年5月, 其中乾季為5-10月, 雨季是11-4月. 冬天平均溫度為12度, 春秋季為20～25度, 天氣怡人, 但要留意回教國家的齋戒月.

👚服裝
摩洛哥作為歐洲的後花園, 相對於其他穆斯林國家開放得多.  當地女士只需用頭巾把頭髮遮住, 臉部可以露出來.  我見街上好多歐美旅客都有穿小背心短褲, 當地人都係望一望.  畢竟回教國家還是穿得體一點.  至於去撒哈拉沙漠, 帶件風褸會比較好.  行程期間會參觀回教寺, 記得帶條Scarf出門及男女不可穿短褲.

💱匯率
這裡的貨幣是Dirham, 單位是dh.  歐元對dh的匯率從好到最差是 ATM ➜ 市區現金換匯 ➜ 機場.  而我是在Marrakesh找換店唱錢, 大多數網友說Hotel Ali入面間找換店匯率比較好, 用美金或歐元兌換皆可.

📱手機Sim Card網路
我去到Marrakesh到一般士多店買Marco Telecom Sim Card, 價價30dh.  一開始找了民宿主人幫我張卡activate.  之後再出返城去了Marco Telecom加data 30dh就用到11日.  我玩完返到香港, 再交張sim card比朋友用, topup 30dh又再用到10日.  Marco Telecom暫時於摩洛哥是收到最好的電,訊商, 全程收到3G, 只是於沙漠入面收不到訊號.   之前有Blogger提到機場有免費Sim Card派, 但當日我就見不到, 問人也不清楚.

🌎免費地圖及GPS
大部份人都會用google map作地圖導航, 但是摩洛哥內裡的街道錯綜複雜, 就像迷宮一樣, 所以有GPS及地圖比較緊要.  民宿主人好好心於訂房時提我要Download map.me 這個免費app, 到了當地用落真的很方便, 起碼我沒有迷路, 而且map.me支援offline map功能, 出發前我mark好全部想要去的位置, 方便自己計劃行程.

🔗治安
治安基本上可以, 但民宿主人提醒我們最好不要夜歸, 夜晚街道昏暗怕我們會出意外及迷路. 我們也試過晚上十點多還在街上,  我個人覺得可以, 但要時刻提高警覺, 特別是陌生人, 更加不要輕易相信當地人主動說要幫你帶路, 他們通常要跟你要錢.

💸紀念品及消費

🍴飲食消費
✔水(1.5L)
大樽比小樽水划算.  樽裝水的物價會因地點而不同, 城市裡的雜貨店 6-10dh.
✔果汁& Smoothie
橙汁及生果Smoothie兩款都超好飲,  橙汁用玻璃杯裝一大杯才賣4dh.  新鮮生果Smoothie也是15dh起跳.  當然街邊檔最平, 餐廳飲大約貴1-1.5倍價錢.
✔街邊三文治
我於Casablanca及Fes買了兩次香腸碎肉三文治, 價錢是7-10dh, 味道不錯, 有時肚餓吃一個剛好, 不會太大份.

🍽餐廳
摩洛哥主食會以couscous小米飯及tajine為主.   兩款價錢都差不多,  大城市的餐館大約40dh~60dh.  去裝潢精緻的餐廳, 則是80dh-120dh不等.  摩洛哥菜大多以蔬菜為主, 而我個人比較喜歡吃tajine.  Tajine可以加配雞及羊肉.

🏺紀念品
摩洛哥的紀念品真的非常精緻, 但大家記住要殺價,  最好叫價是開價一半, 慢慢再加上去.  論最合我心意買手信的地方,  要數Marrakesh最好, 其次是Chefchaouen, 最後是Fes.  由於Marrakesh是我去的第一站, 所以我沒有買太多.  到後來先發現自己有點後悔呢.

一路上見到好靚的瓷磚店, 真的好想買回來.  之後見到瓷磚碗碟杯子又想帶回來.  一般小碟價錢約10dh, 中的15dh, 大的若30dh起跳.  全部瓷磚碗碟會以花色複雜程度再加價上去.  Fes製造的花色比較複雜, 所以大碟比較貴.  我於Fes買了一個顏料靚手工多少少的碟約60dh.   於Marrakesh我見到一套銀色茶壺連套杯好想買, 但開價要250-300dh, 後來考慮太重加上是玻璃就放棄了.  之後我卻在Chefchaouen見到, 只買茶壺, 也只不過開價80dh, 後來給我還價60dh成交.

摩洛哥皮鞋顏色鮮艷, 而且女裝款式多樣化, 簡直會令人難以忍手.  女裝拖鞋50dh-80dh. 視乎花色複雜程度會貴多少少.  我買了一對拖鞋, 起初開價110dh. 後來給我講價到65dh.  另外男裝拖鞋70dh起跳.  如果貴就轉其他店買吧.

手工地毯都非常奪目, 我們跟desert tour去地毯廠參觀地毯, 最平也要Eur$300-500一張.  雖然說是手工製成品, 但對品質有點擔心.  連同團的歐洲夫婦, 他們也說地毯可能是土耳其出品, 所以大家見到好靚也沒有考慮.




🚉交通
大城市穿梭會以巴士及火車為主.  巴士及火車有定價, 可以於官網買好票, 那麼大家不用怕去到當地要講價.    巴士及火車車內算乾淨不會太舊, 出入巴士站及火車站也沒有安全問題.

至於的士方面, Marrakesh & Fes 的士司機叫價最誇張, 通常在火車站、巴士站排隊的司機叫價比較高.  由火車站入城, 大概一般20dh左右.  若坐長途的士(grand taxi)會較貴, 一輛的士可以坐六個乘客互相分擔價錢.  可以以共乘價格坐車.


🛌住宿
最能體驗歐洲後花園的方式, 我會建議大家住Riad.  Riad是摩洛哥古老房屋建築形式的一種, 近這幾年全球吹起老屋改建風潮, 老屋改建為時尚設計旅宿.  住過摩洛哥的傳統庭園住宅Riad裡, 你會一定愛上.  不過Riad全都隱藏於彎彎曲曲的巷內,  門外看跟本不起眼, 當你一推開門入內就豁然大開眼界.  中庭美麗, 而且有精緻的馬賽克拼磚, 真的會讓你迷醉, 稍後再分享.