第一日:
撒哈拉沙漠團一般都係從馬拉喀什出發, 向東600km, 經過High Atlas、Ait Benhaddou、Ouarzazate
夜宿Dades Gorges附近的旅館.   

第二日
Dades Gorges峽谷、Todra Gorges峽谷、Berber Village柏柏人村落, 傍晚進入撒哈拉沙漠
夜宿撒哈拉沙漠

第三日:
清晨騎駱駝出撒哈拉沙漠, 趕車回馬拉喀什/離團往Fes走.

沙漠團會於你入住的酒店接你上車, 之後就車你去一個地點集合其他團友, 最後就一團15人一架旅遊巴.  我參加的團有來自美國, 波蘭, 韓國, 日本, 澳洲, 北歐....etc.  大家都係來自五湖四海.  之後有些團友更與我地有多D交流, 大家交換下旅遊心得, 係一個唔錯的體驗.

清晨出門影的街邊相
第一站: 其實唔知這裡稱為什麼地方, 司機會於每兩至三個鐘左右停留一陣, 比大家下車看看風景或去洗手間.  風景唔錯, 仲見到呢條好出名的ZIG ZAG Road Dades Valley.



大約中午左右，抵達艾本哈杜 Ait Benhaddou.  艾本哈杜 Ait Benhaddou據說建於17世紀後, 係從前撒哈拉沙漠通往馬拉喀什的古道必經之處.  全用黃土建築而成, 宏偉壯觀.  Ait Benhaddou分成新舊兩區, 跨過小河的舊城區為世界遺產.  這座古城更是拍攝電影「帝國驕雄」的場地, 入內要收費15MAD.  城內有不少販售傳統服飾與飾品的小店, 有時間也可以逛逛.







參觀完古城之後, 便是午餐時候.  散客團有個唔好處就係團會分分鐘車左你去食餐貴價午餐.  而我地就正正遇到呢個情況.  雖然佢地車左我地去一個比較靚的地方食午餐, 一個Set lunch 120MAD/人, 包湯, main及飲品.  你問我貴唔貴?! 其實我個人覺得ok, 但最唔鍾意就係冇得揀.  看見其他美國團友走佬, 我地又跟左去.  走左去對面馬路的小店食lunch, 價錢仲平好多呢!! 大約75MAD一餐兩個人吃, 已經有一個PIZZA及一個沙律.  不過小店得一雙手, 又有我地8-10個人, 所以食完都即刻走, 無影到相呢!!

食完lunch再上車往下一站出發, 坐左兩個小時左右, 中途停左一個地方, 有好多奇石, 呢d叫做monkey’s fingers, 幾特別!! 影完相, 再坐車到了今晚的酒店.  估唔到今晚住的酒店環境唔錯, 而且好乾淨.  晚餐係酒店內吃, 味道唔錯!! 吃飽飯大家一班團友又吹吹水, 到了入夜之後, 我就係房內的露台影相, 超多星呢!!







起身大約7點多, 吃過早餐後, 又開始出發.  約11點左右到達一個摩洛哥小村莊, 這小村莊是當地土人的居所, 到處都係田野與果樹.  導遊引領我們入村, 見到村民係河邊洗衫.   之後帶了我們入了一間屋, 原來是賣手造地毯的店.  佢地都好識做, 每人送左杯Mint tea比你飲.  跟住就聽佢地講解.  雖然地毯好靚, 但價錢更靚, 細地毯大約USD$500.  同團的團友亦沒有太大興趣, 更有團友同我地講地毯可能未必是當地人手製, 可能是由土耳地等地買回來再賣給遊客.  參觀完地毯店上車往另一個地方去: 大峽谷, 兩旁峽谷山勢高聳入雲, 係難得一見的天然美景.





之後到了午餐時候, 今次我地就跟埋大隊一起吃啦!! 呢間兩個人食左 210mad, 食物同環境質素係唔錯既!! 不過入到沙漠地帶, 想揀第二間食都冇咩機會.  食完午餐, 開始進入今次行程的重頭戲啦!! 繼續坐車入沙漠, 落車的地點係沙漠邊的一間小酒店.  之前一晚, 我已經pack好一晚要用的物品帶入沙漠,  其他大型行李會放係車內被人托管.   個人建議穿上拖鞋或涼鞋, 因晚上係沙漠住宿走的是在沙上, 拖鞋會比較方便舒適.   而且之後的時間係要騎駱駝到不毛之地的環節, 極度建議穿條比較厚的褲.  入沙漠前必要帶上一條大圍巾, 作為包頭防沙之用.  因騎駱駝不時會遇上風沙, 圍巾包著可以避免沙入口.  之後酒店會問團友要不要支裝水, 建議每人最少要有一支1.5L的水會比較好, 係呢度買一定平過入沙漠先買的, 所以要預備足夠呀!!  另外營地係沒有電, 建議手機要帶足夠的後備電, 以及自備電筒作夜行之用.

準備好了, 出發啦!! 每人騎一隻駱駝.  之前我亦有去過其他沙漠及另一邊的撒哈拉沙漠騎駱駝, 但我覺得這裡的駱駝係最乾淨, 而且無味道.   駱駝種有點不同, 唔算太高的品種, 而且坐上去亦算舒服.   以下的相都係我一路騎著駱駝一邊影的, 所以大部份都係以景及其他團友為主.  愈接近黃昏, 沙漠的沙影照出來的顏色愈紅.   騎了大約一個鐘便到了今晚住的營地.   營地當然簡陋, 大約4個人睡一個大帳篷.  當初我報團的時候訂了private tent, 所以我地兩人一個大帳篷, 不用再與其他人一起share.  我地一團人包左一大半的營地, 之後再來的一團就比較迫啦!! 佢地一團只可以全部睡進餘下的大帳篷內.  講下今晚住的大帳篷先, 入面只有幾張離地的床舖及被.  我相信應該係無人會清潔, 所以我就帶左張沙灘蓆放係床舖面訓覺.

晚飯會於另一個大帳篷內開餐, 因環境昏暗 (我影唔到相), 飯枱上只有一兩個蠟燭照明.  加上帳篷密封, 坐係度已經滿頭大汗. 仲要食熱盤(有豆湯, 麵包及蔬菜Tagine, 所以大家怱怱吃過後便走出露天營地繼續休息.  吃完飯休息了一陣, 又有營火會.  當地人會與團友大玩非洲鼓, 載歌載舞.  而我地兩個就走左去影星星, 不過當晚雲較厚, 影出來效果唔理想.























早上5點多便要起身, 騎上駱駝離開營地, 咁早起都係想睇日出.  不過今日天色不好, 下起毛毛雨, 所以都沒有影太多相.  之後我地又返回昨日的小酒店梳洗, 換上新的衣服並一起吃早餐.  今日是沒有行程, 都係以回程為主.  大部份人都揀回程返回Marrakesh, 只有我地與一對韓日夫婦會到下一站菲斯 (Fes) .   導遊會幫忙安排的士, 最後我地4人加一對西班牙人一起共乘的士到下一站菲斯 (Fes) , 每人200 mad, 先付一半車資, 到埗後再付清餘下一半交的士司機.

早餐後是離別的時間, 與同團的團友交換了聯絡資料後一起說再見了.   的士一路向北走, 景色跟之前的確唔同, 沒有了沙漠的感覺,  期間還見到一個湖.  坐了4個小時的士後, 司機中途會停一個站給大家吃午餐.  今次吃午餐地點任君選擇, 的士司機將的士泊埋一邊, 並吩咐我地一個鐘後於同一地點集合.  我地找了一間比較多人的食店, 點了一份sandwich及一個Tagine, 加埋兩枝cola都係埋單75mad.  超抵食, 而且味道唔錯.   整個車程大約7個多小時, 的士司機會於Fes藍門下車.  由於落車時, 韓日夫婦有點不知所措, 我地就問他有什麼幫忙.  原來他們跟導遊說好, 下車地點是城外, 而不是於藍門下車.  所以落車後他們向的士司機查問, 而的士司機覺得太煩, 最後連尾數都冇收到就自己開車走了.   之後韓日夫婦亦走向其他的士問價, 就向我地道別.  今晚我地會係Fes留兩晚, 住的地方就係藍門步行大約10分鐘.  不過Fes舊城內的路真係太錯綜複雜, 我也差點迷路.  最後入了警局問問, 原來住的Riad就係警局隔幾個門口的一條巷內.

綜觀整個沙漠團, 我個人覺得CP值算高.   唯一唔鍾意就係隨團會帶你去一些貴價餐廳食飯.  雖然食物質素ok, 但有時強制性帶來的後果也未必好.  而其他行程及住宿, 我覺得安排上可以.