未開始講今日既行程之前，不如先講下張japan railway pass吧!!  我地張7 day japan rail pass係出發前於旅行社買的，而且仲有95折。 呢張japan railway pass係可以cover哂日本大部份既鐵路，詳情請看: http://www.japanrailpass.net/eng/en003.html

JR West Pass顧名思義經營的就是西日本地區的鉄道交通，經營的路線範圍可以參考  JR西日本路線圖網站 。 搜集資料期間，發現呢個website寫左好多關於JR WEST既資料，可以介紹比大家作參考。
SOURCE: http://www.jr-odekake.net/eki/route/index.php

JR West Pass並沒包含JR西日本所有路線，如果要到金澤，看看圖就知道了，只有全國性的JR PASS可以免費搭乘金澤至大阪 。　

5月10日
上一篇BLOG係講到我地坐夜車到京都，到達京都駅時間係早上0641，超準時呢!! 未到車站，巴士司機已經開咪叫每一位乘客起身準備落車。　而我地一行８人，一開眼第一件事就係食左昨晚臨上車前買既一袋500YEN麵包。嘩!! 好好味，放左一晚Ｄ牛角酥完全冇"臨"過，而且仲好鬆口呢!!

一地落車既地點，正正就是京都駅既大門口，行幾步便可以入站頭。　第一日一落機，我地已經mark埋0738由京都駅到金沢駅開出的THUNDERBIRD列車的指定席JR ticket (時間表可於http://www.jr-odekake.net/內找)。
見有時間，我地逐一到便利店或到cafe買早餐上車食，而我就買左一個包及一杯綠茶味Cuppaccino上車慢慢嘆，因為車程都有兩個多小時。綠茶味Cuppaccino味道唔錯，好香呢!!
 一早食到一個小滿足既早餐，真係醒神哂之後同朋友傾一陣，兩個鐘好快就過。到達了金沢駅後，便正式展開重點之旅。超期待之後幾日既行程呢

金沢位於石川縣中部，係北陸地區的大城市，有＂小京都＂之稱，我地揀係金沢住宿都係因為呢個原因，去邊都好方便。

行過金沢駅，發現成個車站用左好多玻璃建成，真係覺得好靚好通透，我自己覺得比京都都駅更靚。
今次book既酒店只係金沢駅旁邊，我地放低哂所有行李及check in後，之後先到金沢駅外巴士站買一日乘車劵。
對旅客來說，金沢周遊巴士係好方便，因為巴士係循環線，由JR金沢駅出發經過幾個重點觀光景點再返回金沢駅。　每次收費一律200 YEN，所以周遊劵好抵，坐3次已經回本了。
周遊巴士車身好似古董車款，靚!! 不過車上坐位不多，我地一行８人已經佔去半架車既坐位了。　上到車我地好興奮，仲發現車上面既一個按鐘脫殼，搞到我地成日唔覺意仲按鐘下車呢!!
我們於橋場町下車，下車後向後行兩分鐘便到了一間好多加了金箔既產品。朋友還貪得意買了小小一包金平糖(250yen)。出來走到對面便是一間好出名用烏骨雞的雞蛋作成的蛋糕，只有這裡同機場有售。



旅遊書好像沒有介紹的，但門口擺放姆對好靚又色彩繽紛既筷子，這家店 ~ 今日香位於東茶屋街盡頭 ，全店售賣精緻又美麗的金澤工藝筷子及其他生活雜貨，當然加左金箔既筷子也有得賣。每個都雕工細膩，當你拿起咁靚既筷子食飯也為之開心一陣陣。　
雖然一對筷子價錢唔算平，不過去旅行當然唔會諗咁多，所以我同朋友都數左好多對筷子返來送比屋企人。店裡也有賣金澤最受歡迎的商品「金箔吸油面紙」。店子不難找，想知詳細地址可以看今日香
 
再轉入內街，經過一家小店（唔記得名啦)，又被它吸引進去。 入到去，便見到金平糖及果凍，那是東茶屋街內其中較受歡迎既小食。所以我地每人都買了一個果凍試食。不過呢家賣既金平糖並沒有加有金箔的。
行到差不多尾聲，看見一家雪糕店，大家都忍唔住買少少食下。我自己就試左個東山棒茶雪糕macaroon，好濃郁既茶味，而macaroon好脆口，唔甜。其他朋友都試唔同味道雪糕，都覺得好好味。
 另外我地都買了條芝麻條試試，原來入面是咖喱，大家試了少少都覺得好味，咖喱好香。
吃完便離開東茶屋町到下一站近江町市場吃午餐，巴士經過金沢２１世紀美術館，之前睇過都知道呢間美術館好吸引。　所以經過既時候，我同幾位朋友都兩眼發光，但發光都冇用啦！是日休館，都入唔到去欣賞呢間好特別既美術館。睇０下下次有冇機會吧。

海鮮，是金澤市最吸引人的特色之一，不過場內有好多唔同既攤擋，仲有好多日本人係度買送煮飯。如果想食又平又大大碗的海鮮丼，只有在近江町市場才找得到。
我們一行８人，其中有兩位也來過這裡好幾次，正想找回山さん寿司（http://www.yamasan-susi.com/page2.htm）那裡既海鮮丼係好好味，因位址係場外，靠記憶也找唔到。　唯有見到邊一間okay便上去試試。　因食lunch時間，人也夠多，我們也等了１０分鐘才入座。　看見bar枱對住那幾個冰櫃算新鮮，於是我們各人點了一個海鮮丼，而我點了一碗海膽魚子海鮮丼，來到時賣相的確不錯，而且每碗也有加上金箔。　當我們很開心的試了幾口，大家都發覺out of our expectation！！　海鮮唔夠新鮮呢！！　更沒想到海膽味道唔太好。
  
吃飽飽，再坐巴士到兼六園 。　因為天氣唔好，原先plan一到兼六園便先去加賀友禅租和服入園影相，但一看地圖，行過去出租店也要10分鐘，著住落雨影相都冇哂心機啦!! 加上來回出租店也要20分鐘，穿既時間又要20分鐘，租一個鐘行來行去一定唔夠時間。三個鐘唔貴但又唔夠時間影咁耐(天黑＋下雨）。最後唯有打消呢個plan，真可惜。租和服資料：http://www.kagayuzen.or.jp/chinese.html 

兼六園就是前田利家的後花園，金澤的兼六園與水戶的偕樂園、岡山的後樂園並稱日本三大名園。　而唔同既季節到兼六園欣賞，就會有唔同既景觀（兼六園四季之美～http://www.pref.ishikawa.jp/siro-niwa/kenrokuen/season.html），最吸引我係冬天既景色呢！！　不過我今次去我都覺得好靚，　一片綠柔柔好舒服，而且我仲見到落剩既櫻花。　如果時間夾到，來兼六園觀賞櫻花同紅葉真係一流!! 有興趣可以睇兼六園花曆




はーべすと　http://www.create-restaurants.co.jp/shop/00235-1.17.0.0.0.0.0.0.1