立山黑部黑部峽谷(上)

上午12:10:00 Ishiha 0 Comments

5月12日

今早由金澤坐JR到富山駅，車程只不過半小時左右。我們先行到酒店放低所有行李後，便立即出發到黑部峽谷坐小火車。

要去黑部峽谷，必先到宇內月溫泉駅，因它是黑部峽谷入口處，那裡可轉乘黑部峽谷小火車。私鐵富山電鐵的車站就在JR富山駅的右邊，從電鐵富山站前往宇奈月溫泉便需坐本線，由電鐵富山站坐到最尾既宇奈月溫泉駅大約90分鐘。　若要到立山黑部上雪山便需坐立山線。

Reference:
富山地方鐵道: http://www.chitetsu.co.jp/index.html

時刻表：http://www.chitetsu.co.jp/train/timetable/jikoku.php?p_kbn=1&ekicode=00001

一入到站左邊便是ticket office，那裡有出售往立山黑部＋６種交通工具既票。既然都要買飛到宇奈月溫泉(1790yen)，那就順便買埋明天既飛（因明天要一早出發，唔想再同溝通唔到既票務員不停地糾纏)，最後票務員答＂不可以預售＂。

沿途風景不錯，可惜天太陰。坐了90分鐘便到了宇奈月溫泉，未落車已經見到小火車，未坐先興奮。要坐黑部峽谷鐵道便要由宇奈月溫泉站行約5分鐘便到。

黑部峽谷車站對面係電氣紀念館。不過天雨關係，我地掛住避雨，沒有入內參觀。黑部峽谷終點是櫸平，全程要坐1小時 30分鐘，沿途會經過41條隧道及22座橋。沿線分佈著為宇奈月溫泉提供熱泉的黑薙溫泉、鍾釣溫泉、名劍溫泉等溫泉，可以中途下車（黑薙及鍾釣站）但記緊要買單程票。鍾釣溫泉很有名，因為在這裏的黑部川河灘的任何一個地方都可挖出溫泉，就地可挖造一個自己專用的臨時溫泉。

Reference: 黑部峽谷小火車(時刻表及價錢) http://www.kurotetu.co.jp/tw/index.html

看一看時間表，剛走了一班車，只好買票後吃個lunch才出發。買票時發現有唔同等別既車卡選擇，本想買普通票(1660yen)，因外面下雨，我地唯有買有窗既＂特別列車＂（再加360yen)到櫸平站。　如果大家唔想濕身，記住帶雨衣去呵。

係時候出發啦!!

一去到車站，大家已經急不及待影相呢!!

而我地一行8人就好似包箱坐哂一卡車。

未開車前，有一位拿著大機影相既小姐跟每一卡既特選客人拍照呢!! (唔知佢點選擇)，當她到我們呢卡既時候，我地仲興高采烈自己係度影相，沒有理會她呢!! 1250準時開車啦!!　月台上的站長仲同各位遊客揮手道別，行駛在鐵軌上轟隆轟隆的聲音有節奏的伴隨著電車前進，一出車站，眼前立刻出現令乘客驚呼的美景。我地個個拿著大炮影相。

通過第一度橋＂新山彥橋＂，山彥係日文解作回音既意思，因為列車經過既時間會產生巨響，連溫泉街都聽到。不得了!! 影呀影，一轉彎仲可以影到兩度橋。