真係有一段幾長既時間冇係blog同大家溝通，連小吉子都投訴, 話開工前冇0野睇.  其實我冇寫blog唔代表我冇睇大家既ｕｐｄａｔｅ架．　不過好多時都沒有特別留言．

原先ｐｌａｎ好諗住的起心肝寫埋我個希臘Paper Anniversary Trip，諗起都有點過份, 因為Cotton anniversary都快要到. 當我諗住開工之時，點知我部電腦唔生性，所以我一怒之下叫小吉子幫我ｆｏｒｍａｔ成個hard disc.  當然我有做back up先叫小吉子做0野.  咁小吉子都好幫忙, 好快手幫我搞掂.  佢落力時都我落重力, 快快將back up hard disc既陳年相片, 陳年資料倒翻入formatted drive.  點知一倒就出事啦!

我以為我backup左既資料係個portable disc入面, 點知因為我冇做final check, 我真係唔知道入面係個空心file, 只係得個folder link. 那一刻我真係
因為我大部份相片係沒有曬相架, 連honeymoon都冇哂.

雖然小吉子即時安慰我, 仲同我講再去多次honeymoon囉.  去多次唔係問題, 而係當年既我, 同呢家(心曠體胖)既我都唔同哂啦!! 我成晚都超級唔開心到整晚都訓唔著呢!! 仲係度不停諗點解自己咁蠢, 唔做多步呢?! 又諗點解我唔曬相呢?! 再諗點解小吉子唔幫我check左先format呢?! 再諗放假係屋企做公司0野姐, 點忙都好, 都應該自己跟返先好落order叫小吉子做0野.  小吉子見到我都有少少心痛+背後笑我咁蠢, 不過佢都有諗點樣幫我解決件事.

好啦! 第2日小吉子幫我嘗試recover返所有file, 點知一scan就做左成兩個星期, 呢兩個星期我完全唔可以搞我部腦, 結果咪依賴哂用其他如iphone上網便算.  等到scan完, 再做返back up, check返所有 陳年資料, 改file name同埋將file 分類, 做左成個月啦, 真係係十級痛苦. 而呢個十級痛苦, 到呢家我都仲未做好哂!  雖然發現有d相有返, 但係近幾次去trip既相都冇哂!  唉~~~~ 

寫blog有時睇得多字, 都想有d相睇下吸引自己再寫多d.  十級痛苦後, 我都仲未pick up返自己寫blog既進度.   因為相既問題太大, 仲未分類好, 而且我都要用心地安排下一次Cotton anniversary trip啦!! 繼上一次想同小吉子去日本, 去唔成轉去韓國, 都係去唔成.  所以希望 今次一定要去得盡d.  我上半年好似唔覺自己放過假, 係BKK差完4日電, 幾日就冇用哂啦!!

希望小吉子比心機搞好Cotton anniversary trip前既一個小小trip, 下星期就去啦!!

# 我今次真係冇做過任何preparation