回想去年既今日，當日真的忙透了。不過我同小吉子都心情極佳，仲要笑到見牙唔見眼。　雖然下大雨，但好彩全部避過。　今年就沒有咁好彩啦，有凡亞比陪我倒數結婚一週年，諗返起當日結婚咁順利，真的要多謝上天對我們的眷顧。

一心諗住今日攞假慶祝，但因要 出席一個全日conference，唔放得假。　加上落大雨，我同小吉子都冇哂ｍｏｏｄ出去食飯慶祝。咁夾６２９９又想今日食晚飯做節，小吉子同我都決定 陪家人，一起渡過及慶祝我地一週年紀念。臨去食飯，小吉子同我講0921當晚忙到連自己既wedding cake都冇食過，所以今晚一定要食返個補數。佢仲order最好要買返個同wedding cake一樣既食。　啩，你真識食呢!! 那個wedding cake起碼有10磅，我又沒有pre-order，點算!!　其實小吉子唔講，我自己都打算買個cake來慶祝，始終我地兩個都冇試過當晚個wedding cake，感到有ｄ可惜!!

今晚做節食飯有１０多人，大家飲飲下紅酒，情緒high哂，小吉子同佢屋企人即刻上身，演返上年擺酒既 情況，同人握手又敬酒，其中幾位屋企人起身又玩埋送客。大家玩又笑，好開心呢!!　食完飯，仲有美點雙輝呢!!　可能屋企人知道小吉子同我當日沒有機會吃 cake，於是小吉子完全投入當晚角色，同我一起即席切cake又影相，當自己重演返當日切餅儀式後食返個cake既一幕，彌補返我同小吉子既弱小心靈。 　

回想返這一年，我同小吉子生活得好開心!! 可能大家亙相體諒及包容，相處非常融洽。而且他更包容我成日走左去同朋友旅行，留返佢自己一個係屋企都沒有太大問題。　不過有件事最慘既係：連我變左圓 c9，小吉子都包容埋（佢成日都講唔算好圓好肥姐，接受唔到我需要減肥呢件事），小吉子既包容程度真係大到冇人有呢!? 

每年中秋做節，我地一家人都唔鍾意係正日做節，最怕要等位，同埋太多人。今年mm & pp都沒有特別要求，所以就由我細佬同妹妹決定食飯地點。　加上我地一家人都鍾意試新東西，便book左呢間OL作我地今年做節dinner既地方.  地方都算方便，係九龍區，星期六日那區人流不算太旺，所以入到呢間餐廳，整體唔算太多人，比較寧靜。　環境不錯，雖說餐廳係２/F，但可以望到對面海。　 裝修也不錯，因為樓底高，每枱都有盞大型水晶燈；加埋紫色的佈置，好有情調。不過窗口位置既枱通常都係二人枱，而我地一行８人就安排係入面位置。

我們order了。。。。

Pama ham Organic Salad: 好香好味，菜好新鮮，而且有grilled 茄子及青瓜做底。

 BBQ Sauce Chicken Pizza: 呢個好好味，最愛那個sauce及pizza好薄好脆口。

Seafood Pizza：不錯。如果兩個pizza比較，呢個比較淡味。

Lobster Sauce Seafood Risotto: 好多蝦，而且好大隻，味道相當唔錯，不過portion小。

Ham with Caviar Kaspia Penne: 呢個味道不錯，caviar kaspia也不少。

Charcoal Grilled US Kurobuta Pork Chop，呢個黑豚豬，我試左一啖，好得，唔硬有肉汁，個侍應哥哥講明呢件豬有少許粉紅色，係正常既．

Charcoal Grilled US Natural Rib Eye: 我揀左呢個，唔係唔好食，不過唔夠個豬好食．

大家吃了滿意的一餐。最衰太飽，試唔到dessert，下次可以再來試。

食完做節呢一餐，今晚我又同朋友去左Kichi Jyu食日式放題。呢間日式放題review唔錯，不過地方狹窄，我地一行５人，但就坐４人位。好彩全女班，如果個個係男仔，都唔知點樣坐住食飯。不過食 物算唔錯，刺身賣相唔錯，算新鮮。　最愛吃那個北海道牛奶海鮮窩，味道好，而且幾足料。另外吉列蠔，外層幾脆，唔錯!! 鐵板牛柳都幾好味！

今早起身過海，去到酒店先發現冇booking?? 咁 都得?! 明明小吉子同我講book左JW Marriott食brunch，但去到reception話電腦完全冇record?! 而且reception小姐講brunch只限sunday brunch，並沒有saturday brunch。下? 咁小吉子你究竟book左邊間食0野呢?!

小吉子不停諗又check電腦，最有可能返工時忙到眼細睇錯格，跟本唔知自己book錯左地方。既然一場來到，我地就決定食jw cafe吧!! 

雖然我地沒有booking，好好彩我地都安排到位，入到去，唔算太多食物，不過就樣樣精緻。

一出去就被 seafood bar吸引住，雖然有幾款凍蟹，但我被一整隻大加菲蟹深深吸引埋去，攞左兩隻試，味道好鮮甜，而且大隻好多肉，我仲encore左呢!! 正~~~跟住就試埋凍蝦，青口，翡翠螺，青口就一般，不過翡翠螺好大隻都幾好味，最衰我食正一隻有少少沙，要即扣印象分先。

另外，吃完一大堆加菲蟹之後， 只見到長腳蟹，開頭都ｏｋ，但愈食愈鹹。刺身有三文魚，象拔蚌，劍魚，都係試左少少。　始終唔太特別。食完頭盤，想食下salad，點知冇咩選擇＋未 refill，轉攻熱盤。牛仔肉及石斑肉質鮮美，唔錯!! 琵琶蝦開邊用龍蝦汁煮，都好正!! 泰式炒蜆及印度咖哩都夠spicy，仲見到有印度薄餅及印尼蝦片，簡直至愛，蝦片好好味，在場好多人都拎一碟入去慢慢食。　最後點了碗車仔麵食，點知雲吞 唔新鮮，扣分。

到了吃dessert! 大部份都ok，不太甜。最鍾意食chocolate mousse cake，蘋果custard及lemon jelly，好好味。雖然食得多會肥，所以酒店特別做左個低卡cheese cake，我都試左少少，食起上來唔覺得太heavy，可能cheese唔太夠所以唔濃味。小吉子忍唔住，叫了個pancake，而我就吃完杯 haagen dazs已經放棄投降。

食到咁飽，我就同小吉子決定去散步，順便練習影相。原本好想去返１８８１/擺酒既酒店影相，不過小吉子要返office做0野，所以都冇去到。