白川鄉自駕遊開始

下午12:59:00 Ishiha 1 Comments

自五年前開始日本自駕遊便已愛上，愛它超方便之外，時間控制好。特別係去一Ｄ交通唔方便既地方，巴士只有數班，我便會提出自駕遊的了。
而我獨愛到TOYOTA租車，online booking又簡易(反而睇日文仲易book)。 仲要多分店(編佈係全國每一個角落，連細town都會見到), 有時要找人support都比較容易。 

其次我覺得交車超方便。當你還車既時候，佢地絕不會死Check架車先肯放你走。特別係今次，有一小段由朋友V駕車， 回程時發生了小意外。車bumper位好明顯花左一大截。　交車時，staff並沒有Check（唔知係咪趕收工），只問了我們幾句ok，車也不看便叫我 們走。不過因為我地唔係一ｄ唔負責任既香港人，所以我地都寧願企埋一邊，睇下個staff check 唔check車先離開。　當staff一看就知，還見他一臉惆悵+愁，於是我地自己走埋去，向他自首，結果只賠了20000yen，沒有其他收費，算平 啦!
全金沢市有５間租車分店。　而我就揀左係我地酒店對面那家TOYOTA(金沢東口店)取車。今次租了架大車NOAH，7人車，但其實我係order了8人車的，算吧!! 總算夠坐，最驚又遇上POLICE (好怕他們，因為又要給他們好好教育一返先比你交）好彩今次一個police都遇唔到姐。

5月11日
今早吃過早餐，便依時0830到Toyota取車。全程行高速，駕了大概一小時便到了。 因為天氣唔好，又落大雨。　不過好好彩，落車前已經停左雨啦!! 不枉我地落大雨都要來白川鄉一遊。可能今日天氣不太好，遊客較少，車不多，很快已可以泊車了。白川鄉入面有幾個停車場，泊一日都是500YEN。 周邊都被群山包著。
落車後，我們先到了白川鄉觀光案內所取地圖，那裡還有售賣白川鄉郵票。　集郵愛好者，不妨去一去睇。　　

一開始行入白川鄉，我地個個不停係到影相，又互影，好閒。
合掌屋日本稱為「合掌造り」，是日本獨有的一種民宅建築，屋頂由茅草覆蓋而成，加上造型似人雙手合拾，因此稱為合掌造。　白川鄉因合掌 屋入選世界文化遺產，以雪景聞名，由於白川鄉和五箇山在冬天時，降雪量非常大，積雪非常嚴重。　而這種建築方法，可減少雪在屋頂上堆積，發生意外。如果要 修整屋頂上的茅草，便要動用整條村的村民幫手，除了係古人建築的智慧，也是凝聚力的象徵。
來到春天既白川鄉，有的是純綠水田，一片綠色，又有深淺之分，好有層次感。　影相期間，發現水道竟然有魚，數量唔少。
白川鄉的冬天好長，最靚的白川鄉，係雪來的時候。 不過會因大雪封山而不能入村。傳統木構的合掌屋披上一層厚厚的白棉被，就好似童話中的薑餅屋(i like it)，好靚！

到了中午時份，仲有陽光出呢!!　我地一路行上去展望台一邊除外套，行了15分鐘，便到了。由高處望下，見到水中好多合掌屋既倒影，加上四周唔同深淺既綠色，真係好靚!!　而且當日沒有太多遊客，好寧靜!! 我地仲可以慢慢行慢慢傾，留係展望台欣賞咁靚既景色。
估唔到5月到白川鄉除左有好靚既綠色，仲有好多花。仲有最開心就係見到櫻花，不過就冇我３月既時候係東京睇既咁靚。
下山後，大家已經有點餓，便開始四圍買小食吃。先到了飛驒牛肉飽，必食！飽好軟熟，而且熱辣辣好好味。那裡還有幾款包點出售。  跟住到了對面賣牛肉串吃，牛肉好"諗"，燒得好香呢!!
仲買了飛驒牛乳及黑芝麻牛乳布丁，　兩個也不錯，　黑芝麻好香，就吃不倒牛乳味了。
再向前走，我們買了五平餅吃，我個人覺得一般，點樣去形容五平餅呢？　就好似吃了豉油味既白糖糕一樣。

另外買了一枝有氣水及甘酒，兩款都好好味。　

買牛乳那間還有米酒及甘酒出售，仲有好多款選擇，我都買左罐飲呢!!

吃飽後，我們一起到了和田家參觀。
入了和田家，我們便先到上層影相，看見出面既景色好靚，我們又不停影呀影。
 剛好遇上光線不錯，我地係度影埋沙龍，個個好似龍友上身，不停舉機影相。
其實上下層放了很多古物又有介紹。　而且仲有好多蓋印給遊客玩過夠。　如果大家喜歡收集印章，不妨帶本白簿去蓋印，因為接下來既旅程，都有好多唔同既印仔供大家蓋過飽。
參觀過和田家，本想到河邊影相，影不了幾張又下起雨。為了避雨，我地只好走進周邊小舖看看，買點手信便打算上車到另一地方。好多飛驒寶寶賣呢，我沒有格價，我估價錢也差不多吧!!  買了兩個較特別既飛驒寶寶回家，一個仲有個竹籠圍住，好得意。
再到了我很喜歡買的(非油炸)豆子店，本身我也是金之豆（ＳＯＧＯ有售）FANS，平時到SOGO也買幾包當小食吃的我，估唔到來到白川鄉遇到另一家豆子店～豆吉本舖，入到去不得了，最驚喜係好多口味選擇，多過ＳＯＧＯ幾倍呢!! 我地不停試食，每人最少入了好四包貨呢!! 推介大家買黑芝麻豆腐味及抹茶味。買完哂手信，係時候要離開白川鄉到下一個景點～雨晴冰見
更多白川鄉資訊：
白川鄉巴士時間表http://shirakawa-go.gr.jp/othercontents/file/pdf/2010summer_bustimetable.pdf
白川郷観光協会http://shirakawa-go.gr.jp/
北陸冰見線的冰見、雨晴兩點，是觀賞海上黑部立山和海市脣樓的好地方。本來昨日是訂了到冰見既JR，諗住坐忍者小靈精列車。好可惜昨日下大雨，臨時取消此行程改為今日先到冰見。  由白川鄉駕車到冰見，時間大概要45mins-1hour左右。一心想來雨晴冰見看日落，可惜今日落大雨，冇法親眼看到這個咁靚既景像，有興趣可看呢篇 BLOG 及日本觀光網有更多既介紹。

中部的立山連峰高聳雄偉，被稱為日本的阿爾卑司，完整的立山山體，從北陸北岸，陡峭地直接插入日本海，而半島上的冰見、雨晴等地，因為隔著一個小海 灣，與內陸的立山對望，站在海岸低地回頭看，就會看到「立山連峰漂浮在海面上」的錯覺，這幅難得一見的特殊場景，日本人稱為「海上黑部立山」。

Reference: http://www.kandou10.jp/zh-tw/spot/spot666_area01_4.html

之後到了冰見海鮮館，原打算到那裡開餐食魚生，點知去到(只不過是16:30)所有海鮮店因售罄而提早關門，唯有係市場內兩間還開門既舖頭行下，仲發現好多忍者小靈精物品出售，皆因忍者小靈精及多啦A夢漫畫家藤子不二雄是出身於冰見市。
其他資料：
富山縣觀光網站　http://www.info-toyama.com/cht/index.html
忍者小靈精列車網站: http://www.kaisenkan.com/kannaimap_set.html
失望之際，即刻睇書看看附近那裡還有魚市場。　發現七尾有一個食祭市場http://www.shokusai.co.jp/index.html，而且不算遠，便快快駕車到七尾(18:00關門)，駕車由冰見到七尾只需25-30分鐘。到了市場門外仲有15分鐘先關門，極開心。點知走前睇，一個＂本日休業＂大牌正正招呼我地。今日點解會休業？書都冇寫。唉！(我地8個極度失望) 一連去兩個市場都唔歡迎我地，真黑仔!! 我地唯有打道回府，只好返金澤開餐。 由七尾駕車回金沢約需一個小時三十分。

回到金沢交車便結束今日既駕駛之旅，還了車賠了錢後，便到了對面　もりもり寿し 金沢駅前店 （もりもりずし）吃晚餐。呢間sushi店，係我出發前已pencil mark低必試食既其中一間，極力推薦比大家，因為所有sushi都好新鮮，好味，我仲覺得好食過昨日係近江町內吃既海鮮丼呢！每人消費大概：2500 - 3000YEN。好抵食呢！




食左好多呢!! 
我地仲買左枝大的甘酒, 吃飽後慢慢繼續嘆. 甘酒味道不錯!! 
雖說是甜酒，其實酒精濃度都幾高。　飲完仲有少少wing wing 地呢!

1 則留言:

  1. 匿名2013年12月17日 上午9:48

    I was wondering if you ever thought of changing the page layout of your website?
    Its very well written; I love what youve got to say.
    But maybe you could a little more in the way of content so people
    could connect with it better. Youve got an awful
    lot of text for only having 1 or two pictures.

    Maybe you could space it out better?

    Also visit my site - 英國希思羅機場租車自駕遊

    回覆刪除

訂閱： 發佈留言 (Atom)
Related Posts Plugin for WordPress, Blogger...