[希臘‧愛琴海] Santorini 聖托里尼自駕: 開車遊 Santorini

下午11:20:00 Ishiha 0 Comments

嘆完一個咁滿意既早餐,剛好正午12點,今日諗住租車一遊。其實昨日遇到一對廣東來既情侶租車自駕遊,佢地同我講一 日租車費用只不過是EUR30元(manual car),最平是在新碼頭租的了,仲可以講價咁話。 其實我地酒店附近已經有幾家租車公司,而整個santorini咁細,租車公司就多到好似7-11咁 樣,周圍都有一間。 價錢當然比到碼頭租車貴,不過就唔駛專登坐2元巴士落去租車咁煩,加上出發前係網上睇過review,有d租車公司不可信,又會加收 手續費。 最後我地都係酒店附近租便算,而且管家Sotiris都叫我地去Jimmy's租車公司租車,算是可靠咁話。

起初我同小吉子決定租架manual car玩下,點知出事!!! 因為一出車就知道我地兩個唔識得handle,雖說記得駕manual car既steps,但仍然操控唔到架車。 特別係我,駕車咁耐都係以auto為主;叫小吉子駕車也沒有太大信心。最後玩了15分鐘,便換了自動波車。我 覺得係一個超明智既選擇。 Santorini山路多,斜路又多,彎路也多,加上租車客多,有D仲有少少亂來,安全起見,當然揀唔駛諗咁多既Auto car係必贏既,而且仲可以好好享受駕駛樂趣呢!!
第一個要去既景點其實唔係呢度,不過經過見到個牌大大隻字寫住Caldera View,於是順道落車影下相。 原來呢度可以望哂半個santorini島,仲見到Caldera,正確地點其實係new port上山到main street那個分差位置。
呢間教堂就係我地一上岸見到既第一間藍頂教堂
沿路有好多mark有caldera view既景觀台(其實多數是爛地停車場)給遊人影相

好啦!! 到了我地今日要去既地方: RED BEACH 'Kokkini Paralia'
  不愧為RED BEACH,全部都是紅色的 
 而水仲好清呢!! 估唔到呢個季節仲有咁多人到沙灘 
 到沙灘位置真的不易,大部份路係要經石縫穿過+少少攀爬,有時也有一兩條木條比你當扶手用,行了10分鐘才到呢!
唔知係咪小吉子有腳傷,行完落去都唔係好掂,要休息下。
所以只有我一個人係水邊行下,沒想到咁難行
只因紅沙灘上見既不是粒粒細沙,而是粒粒石頭,行既感覺就似行緊石春路
去完red beach,本應想去好出名既Kamari black beach,但中途開車見到其他景點,
忍唔住又轉左駄呢!!
下一篇再講~~
其他santorini's beach info: http://www.santorini.com/beaches/

0 意見:

Related Posts Plugin for WordPress, Blogger...