[希臘‧愛琴海] Caldera Trip Santorini 聖托里尼
行了成半個鐘既donkey path，便到了old port啦!!
呢個port唔算大，不過就幾繁忙，見到一隻隻觀光船落完客再上客，完全15 mins搞好哂。 因為我地預多左時間，所以係碼頭行下影相
今日人也算多，唔知一陣間上反船會唔會有迫爆船既感覺呢？
行入幾間商店見到賣既０野都差唔多，可以講唔吸引，仲有好"可愛"既Donkey驢仔賣
船準時到達，上到船已經開始興奮，仲好開心人唔多，成班船都係得３０人，唔似Hot
Season時130人咁迫，好舒服。
呢條就係我地剛才行落來既黃金之路
船程只不過10分鐘左右便到
係火山島望返過去可以看到整邊懸崖，真係好靚 !! 仲望到Fira, Imerovigli & Oia
其實整個火山島都係處處石頭，所以出發前揀對好行既鞋，切記不好穿拖鞋
開始有少少山路
都唔算難行，不過要係45分鐘內完成返上船，遲到船唔等人會開走，咁就要留係個島架啦!!
當然$$係可以解決問題，好似要比Euro$20/ppl先會帶返你返回santorini。
好快就聞到一陣硫黃味，行過少少已經見到啦!! 仲見到有煙出及硫黃流出來
行完一圈上返船再出海
去到另一邊天然溫泉區
估唔到船上差唔多所有外國人都落水游去浸溫泉，可能中國人都有機會到其他地方浸溫泉，所以冇落水。
今次呢個caldera trip都可以，也不算辛苦，全個trip三個小時，大概5點便返上岸。我們由old
port上返去揀坐cable car(eur $4/ppl)，六卡車每次只坐到24個人
仲見到donkey行返上去接客呢!!
上返主街道，見有時間便行一圈影下相
見到Orthodox Cathedral in Fira
最後走到Fira鬧街往Oia
的路上好出名既Lucky's Souvlaki，不過我地沒有去試呢間，而係去了後面轉角位一間吃(對住ATE Bank)，因為見到好多人排隊，我估唔會差得去邊。
各人買了一個gyros，最貴那個lamp souvlaki都係Eur
$2.75，而且味道好好呢！！份量又大，鍾意仲可以叫老闆加多D配料/調味料都冇問題，我比較喜歡羊多過雞pita。
此店名是希臘文，最好認住那個紅色招牌，大家經過可以一試。水準仲好過好出名既Jimmy's呢!!
0 意見: