相約看北極光第一晚 @ 黃刀鎮Yellowknife

下午10:56:00 Ishiha 10 Comments

今早我地乘搭08:00飛機由溫哥華到黃刀鎮, 中途會於Edmonton停留大約30分鐘.  之前也有說過去黃刀鎮, 只能坐飛機去, 連溫哥華/多倫多都沒有直航飛機到黃刀鎮, 中間會於Edmonton/ Calgary轉飛.   航空公司也只有 Westjet /Air Canada Express兩間.   雖然Westjet屬廉航公司, 但係加拿大已經係第二大航空公司.   可能選擇不多, 機票價也相對貴,  上網訂來回機票價大約US$360-700不等, 視乎你係咪揀Westjet.  如果坐Westjet的話, 行李費是要額外收取.  每件US$25.

今早06:00離開酒店往機場,  由溫哥華市中心到機場, 車程大約20分鐘.   所以我地好早就到了機場.  而我今次去黃刀鎮,會有多兩位美國朋友加入, 大家相約於溫哥華機場等, 再一起出發到黃刀鎮.

飛機一路向北上, 就見到壯麗的Rocky Mountain山脈.
經過三個半小時多的機程, 終於安全到達黃刀鎮機場.  
(注意黃刀鎮比溫哥華快一個小時)
 這個機場好迷你, 一落機, 就見到個入口到客運大樓
 我地個個以為落機好凍, -8度的氣溫又冇想像中咁寒呵.   我地都係穿一件Gore-tex上身.
其實一入去大樓, 已經見到行李輸送帶.  黃刀鎮機場必影的景點就係呢隻巨大的北極熊.
取好行李, 已經見到來接我地的Becks Kennels Guide.  他是日本人呢!!  上到車, 已經有寒衣物準備好哂!! COOL!!! 其實係出發前, Becks Kennels已email問哂我地的衫及鞋碼.  好細心呢!!  

第一天返到酒店都已經成下午兩點幾, 放低行李後便第一時間出去食Lunch.   今日到了開了唔係好耐的The Cellar Bar & Grill開餐.   找呢間餐廳Review都唔見有, 所以我地諗佺一試啦!! 我地點了兩份NY Striploin steak,  一份Bison Burgers & Chicken Penne.  

估唔到樣樣都好好味!! 而且牛扒Grill得剛好.  Bison Burgers好juicy!! 返來找回資料時, 見到 http://ykonline.ca/2013/08/lunch-at-the-cellar/都有寫食評都係話唔錯!!
What a surprise today!!  

食飽後返回酒店訓一訓, 今日天氣真係好好呢!!  唔知今晚第一次看的極光會點呢?!! 好期待~~
訓了四個小時起身, 剛好是20:30.  起身後吃了個麵才出門口.   Becks Kennels 約好我地21:40係Lobby門口等!!  好準時呢!! 原來我地係第一批客人, 之後會車往鄰近酒店再接埋其他旅客.
接好全部人後, 便開大約30分鐘郊區.  沿路都是漆黑一片, 街燈也沒有.  最後他們會車往一間木屋停車.   木屋前是一大塊平地, 可以於沒有光害的地方看極光.  而木屋就是給你休息取暖的地方, 內有好多食品供大家吃, 有熱飲,熱湯, 熱包及餅乾.....etc.   Becks Kennels人員會不停提供食物給每一位客人.

據車上一批香港客人講, 晚的北極光很強, 平均強度有Level 5.  睇返資料(http://astronomynorth.com/), 她們正好遇著G1 Storm, 看見她們拍的相真係好靚!! 希望今晚都有同樣的情況就好啦!! 因為今晚天氣很好, 沒有雲, 天很清, 又唔算凍 (大概 -10 c).  各人於屋內set好哂腳架, 準備出去既時候, 出面已有人叫出來!! 我地5人已急不及待走出去影呀影!! 好Amazing呢!! 真係見到極光, 看看時間都係晚十一點左右.  

看見極光的時候都見到有少少紅色, 而且極光不停浮動, 形態係瞬間萬變.



真係冇諗過第一晚的極光咁易就見到!! 我地好幸運呢!! 但原來幸運唔係必然, 之後再講!!
今晚天色好, 成個天都係星星, 仲見到好多唔同星座出現, 又有北斗七星伴極光
相片中的帳篷係可以入內吃東西及休息
朋友帶左枝魚眼鏡影極光, 相影得好靚!!  就唔方便係我個Blog post啦!!  看完呢兩次大極光後, 已經是零晨時份, 之後再沒有於今晚出現過啦!! 晚極光指數有Level 3, 屬於Moderate, 用肉眼已經可以看到北極光了.   其實今晚我地已經好心滿意足, 起碼遇到了人生的第一次極光.  感覺好壯觀, 自然的力量真係好強大.

之後我地都係木屋內傾計, 飲下熱飲, 食東西.   第一晚極光觀賞於零晨02:30完畢, 大家開始收搭隨身物品上車, 返回酒店已經是零晨03:15 

想睇多D關於相約看北極光, 請CLICK   入下面Link.
 相約看北極光 - 黃刀鎮Yellowknife Old Town DayTrip & Dog Sledding Ride
 相約看北極光大爆發 @ 黃刀鎮Yellowknife最後一晚

10 意見:

相約看北極光準備篇@Yellowknife 黃刀鎮

下午9:29:00 Ishiha 2 Comments

介紹一下黃刀鎮先!! 全年平均天氣為零度, 冬天更會降至零下50度, 黃刀鎮是加拿大西北地區的首府, 於北緯62度, 距離北極圈僅400公里, 有非常豐富的原住民文化.  這地方一年超過250天可欣賞到北極光, 所以成為全球最佳觀賞極光的城市之一.

每年9月到翌年3月都是北極光觀賞的最佳時機, 加上極光強度和太陽活躍有直接關係.   太陽每 11 年有一次高峰, 最近的高峰則是在 2013 年.   所以 2014 年去剛好可以看到強度很高的極光.  錯過左今次要,再等11年先見到咁活躍的北極光啦!!

圖片來源:NASA

如果要看北極光, 大部份自由行旅客都會選擇join local tour.  以下有幾種當地團選擇 :


2. Becks kennels - http://www.beckskennels.com/
3. North star adventures - http://northstaradventures.ca/
4. Yellowknife outdoor adventures - http://yellowknifeoutdooradventures.com/
5. My Backyard Tours - http://mybackyardtours.com/ 
6. Trout Rock Lodge - http://www.enodah.com/

大部份當地團會於10月中 - 11月中休息(下雪時份), 我地去既時間正正是11月12日, 剛好是黃刀鎮極光團休息末與剛剛開始Winter Aurora的時間.  睇過 TripAdvisor review & 上網做research後, 大家都心儀揀Aurora Village, 鍾意佢有仿原住民帳篷做背景, 但可惜未開.  加上Aurora Village官網有哂每日睇Aurora強度的紀錄, 都好完全架!! 
 圖片來源:Aurora village

問了好幾間後, 也只有兩個當地團會開.  North Star Adventures & Becks Kennels.  North Star Adventures review好, 由當地人JOE帶領, 他會開車追極光, 所以冇一個固定地點.  而且佢地仲可以幫你tailor make行程的.   相反Becks Kennels大部份旅客都是以日本人為主.  會開車到一間小屋, 小屋出面有一塊平地比你睇極光.  起初也有點擔心, 因為review有d寫得唔好, 不過package價錢就包埋你有寒衣服及機場接送, 住宿唔包, 看似比較經濟 (一般租衫每天價錢大約CAD$20-$45不等).  最後我地決定揀Becks Kennels.   

如果係黃刀鎮看極光, 最好停留最少四日三夜, 因為看到極光的機會率75%以上.  問過 Becks Kennels工作人員, 一星期七天大約有五天是可以看到極光(那當然要視乎當日天氣而定).

至於住宿方面, 黃刀鎮大約有10間酒店, 亦有民宿.  不過我地一行5人, 想揀一間大間既Suite住, 又有kitchen煮下野食, 就唔太多選擇啦!! 最後我地揀了Coast Fraser Tower入住.   Suite面積都有成1000fts, 內有兩間房.  其實整個黃刀鎮唔大, 從酒店行去市中心大約行15分鐘可以到, 其實都算方便.  後來導遊同我地講, 全個黃刀鎮只有一間Starbucks咖啡提供, 就係我地入住的Coast Fraser Tower.  這間酒店全天候24小時都有Starbucks咖啡及熱飲提供.


圖片來源:Coast Fraser Tower

2 意見:

相約看北極光 ~ Dining with friends @ RODNEY’S OYSTERS , Vancouver

下午12:50:00 Ishiha 0 Comments

今次相約好友去睇北極光之外, 與其他係Vancouver的朋友仔也有見見面, 仲有與Blog友仔vivi見面呢!! 我地約好了去吃海鮮!! 晚上餐廳內真係好多人好熱鬧.

Raw Oysters, 加拿大的 Oysters比較細隻, 但味道好鮮!
估唔到食蠔都有成六隻辣醬選擇, 由少少辣到大大辣都有...
雖然我愛辣, 但食蠔下太多醬就會蓋了生蠔的味道.
食海鮮最好點枝白酒飲, 我地揀了一枝加拿大本土釀製的白酒試試, 唔錯呵!!
Shrimp Cocktail 我鍾意中間那個醬, spicy & sour.  蝦又好新鮮呢!!
另外我地點了mussel pasta同埋另一個pasta, 都係好好味的.  因為我地太過投入傾計, 連相都冇影呢!!  不過合照就必定會影的......HAHA!!! 我地傾下食下不知不覺成三個小時, 真係好開心呢!!

Restaurant Info:

Rodney’s Oysters 


1228 Hamilton Street
VancouverBC V6B 6L2




0 意見:

Related Posts Plugin for WordPress, Blogger...