┊正✈丹瑞┊瑞典斯德哥爾摩 ⛱ Stockholm

下午8:33:00 Ishiha 4 Comments

Photo of the day

今次去冰島, 我地係由香港直飛 Stockholm, 之後第二日一早先飛冰島玩既.  機票方面, 今次我地揀左坐SAS, 可以直航由香港飛到Stockholm, 時間可以慳返唔少呢!!  第一日落機有半日玩, 而第二日早機既關係, 我就揀左係機場酒店住一晚.   Quality Hotel酒店好方便, 下面係商場supermarket, 仲有埋機場免費接駁巴士.  房間不大, 不過住一晚冇所謂啦!! 價錢又抵.  我地四個人一間房, 有兩張單人床及一張上下格床.
Settle後就先去樓下Supermarket買野食, 方便明天帶去冰島.  之前都有講過冰島物價貴, 大部份係進口貨.  那倒不如見到Stockholm超市有合適可帶去吃既都買少少.  入到去超市真係好大, 仲見到呢個必買item: 就係唔同口味既麵包醬啦!!  遠睇可能以為係顏色水彩呢!! 口味超多選擇.  每枝都係HK$30-40.  用來做手信都好呀!! 所以我地每人買左幾枝 .  
入完貨就出去市區行下.  我地返回機場住Arlanda express.  20分鐘就可以出到去Stockholm central station.  剛好我地4個人, 我地買左套票, 4張單程SEK500.   票價詳情可以睇: https://www.arlandaexpress.com/fares.aspx.  我地係機場Information counter買好哂來回套票, 就開心出發啦!!
我地沿住舊城區前進, 先經過條橋, 便可以皇宮及舊城區.
   呢間係騎士島教堂, 它與斯德哥爾摩大教堂並列為最古老教堂.

舊城區內有好多重要行政單位或公共建築集中於此, 多數建於17世紀, 在水道縱橫的岸邊的有歌劇院、皇宮、皇家公園、美術館等.
皇宮裡面有很多地方可以參觀, 每個點的開放時間和門票都唔同, 係度我就唔詳細列出來.  大家可以參考它的官網  http://www.royalcourt.se
德國教堂始建於14世紀, 內部裝飾為巴洛克風格.  德國教堂係夏季每天會對外開放, 冬季則週末對外開放.  我地去剛剛係九月下旬, 所以冇開放.
從小巷子轉進大廣場(Stortorget), 四周都係鮮豔既建築物, 造就了斯德哥爾摩最美的城市意象.
黃昏既時候, 大廣場上坐滿Happy hour既人, 巷子上也都是人, 幾熱鬧.  

沿小巷向下行, 我地見到舊城最美既一面.  蜿蜒彎曲的狹窄巷裡, 兩邊有著古老既建築, 紅黃橙色既牆與石板路既建築., 都係充滿住古色古香.  
 小巷內有好多商店及餐廳.
本想留係舊城區吃晚餐, 不過我地來得比較遲, 想去既餐廳都冇位.
所以去左睇埋歌劇院, 晚上有表演關係, 我地入左去行左個圈就出返來.

之後由瑞典議會側橋行返去中央火車站.  瑞典議會所在的位置就係聖靈島, 聖靈島和舊城區係分開既, 中間由小橋連起來.
一路行都唔見有餐廳, 最後返到中央車站下面既McDonald's開餐.  終於見識到北歐吃McDonald's有幾貴啦!!  一個普通既McDonald's餐平時係香港食都係$20-30, 也呢度係HK$70.

┊正✈丹瑞┊丹麥 瑞典 行程
 ┊正✈丹瑞┊全球最快樂的國家--丹麥Denmark 哥本哈根, Nyhavn 新港, Tivoli 蒂沃利花園, Lebara Sim 上網
 ┊正✈丹瑞┊全球最快樂的國家--丹麥Denmark Helsingør 赫爾辛格, Kronborg Castle 克隆堡

┊正✈丹瑞┊全球最快樂的國家--丹麥Denmark Frederiksborg Castle 菲特烈堡 Hillerød Regionaltog
┊正✈丹瑞┊全球最快樂的國家--丹麥Denmark Odense奧登斯 安徒生故居
┊正✈丹瑞┊全球最快樂的國家--沒有藍罐曲奇的丹麥Denmark 哥本哈根 小美人魚 嘉士伯博物館 Lego Store
┊正✈丹瑞┊全球最快樂的國家 丹麥 哥本哈根設計殿堂 Designmuseum Danmark, National Museum Denmark, Illums Bolighus

┊正✈丹瑞┊全球最快樂的國家 丹麥 Rosenborg Castle 玫瑰宮, Roskilde 羅斯基勒
┊正✈丹瑞┊全球最快樂的國家 丹麥哥本哈根 食記 Neighborhood, Madklubben
┊正✈丹瑞┊瑞典Malmö馬爾默一日遊
┊正✈丹瑞┊全球最快樂的國家 丹麥哥本哈根 Amalienborg slot, Christiansborg Slot, Christiania 自治區

4 意見:

【ICELAND ☼ 冰與火之旅】☕ 邊食邊玩雷克雅維克 Harpa Concert Hall, Bæjarins Beztu Pylsur熱狗, Sægreifinn 海鮮餐, Kolaportid跳蚤市場, Sólfar 維京船雕塑

下午6:46:00 Ishiha 8 Comments

Photo of the day

嘆完杯咖啡之後, 係時候出去走一走, 順度買手信.  最大最熱鬧的街就是Laugavegur大街, 就係我地住既apartment附近.  Laugavegur大街有好多商店, 而且每間店舖都有少少特色.  呢間手信店賣好多Iceland Made既物品, 什麼冷衫, 玩具, 杯, magnet.....etc都有.  店外就擺左兩個Icelandic troll公仔可以比人影相.
呢間就咁睇都唔知係Coffee shop呢!
 亦有發現中式酒樓存在於雷克雅維克上
有時行過見到牆上面有既圖鴉幾靚, 呢個我估係教你點樣打領Tie.
 呢間賣一d特色既家品及日用品
入面有佈置櫥窗, 而大部份手信店見到好多都係Handmade, 感覺好好多.  去到咁遠都想買返d本土自家出產既物品.  我頂帽係其中一間手信店內買的, 都係Handmade in Iceland, 好暖.  最合適今日涼涼地大風既天氣用啦!
店外見到呢隻肥DODO既貓, 好可愛呢!! 冰島更多魚食, 唔怪之得咁肥啦!!
行下到了海邊, 先到了好出名既Harpa.  這棟獨特建築由丹麥建築公司和冰島藝術家Olafur Eliasson共同設計, 整棟建築由大量幾何玻璃構成.
除非你要去聽Concert, 入面大部份地方係對外免費開放.  入到去會把你既視線向上發展, 建築設計真係好amazing, 因為透過光折射於玻璃上, 會出現其他顏色.  難怪Harpa成為2011年全球最值得旅遊的41個地方之一.
整個雷克雅維克可以用腳慢慢行慢慢感受.  去完Harpa, 我地沿著舊港方向行,  便到了好出名 Bæjarins Beztu Pylsur熱狗.   Bæjarins Beztu Pylsur熱狗店有6間分店呢!! 呢間係海邊就最多人幫襯.
看似簡單既熱狗, 卻是冰島人最鍾意食既食物.  一隻熱狗ISK420.  以冰島既物價來講, 呢隻熱狗係算平啦!!  Order熱狗時不妨點"everything", 因為會有炸洋蔥, 沙律醬以及mustard.  加埋起一同食, 真係好好味.
攤檔好細, 只有兩張枱.  我地一路食一路見排隊既人越來越多.
熱狗檔對面有個Kolaportid跳蚤市場,不過我地入左去轉左個圈就走啦!! 冰島與歐洲既跳蚤市場相比差太遠了.  賣既野唔太吸引.
行下唔覺又過了吃Lunch既時間, 我地今日下午去Sægreifinn 吃海鮮餐.  之前睇過review, 呢度既龍蝦湯係最好飲,必定要試下.
我地去到見到唔同款既串燒, 有好多唔同款既魚串. 
 仲見到有鯨魚肉串.  不過我地想試既興趣唔大,  
最先到的是龍蝦湯, 味道同之前係Hofn飲既唔同. 呢間龍蝦湯唔太鹹, 但味道有D似羅宋湯.  雖然有麵包配送, 但對龍蝦湯有少少失望.
飲完湯後, 等左大約30分鐘先有串燒呢!! 好彩剛吃了個熱狗.  我地點了4串串燒, 兩串魚, 一串蝦及一串帶子.  燒得好香, 魚又鮮甜, 帶子好味.  相對蝦就比較普通.
我地四人四串海鮮串燒, 兩碗湯, 一共吃了HK$700.  係冰島食野真係唔好考慮價錢.  如果唔係真係食得辛苦, 而且要食海鮮就更貴啦!
 [Sægreifinn (Sea Baron)]
官網:saegreifinn.is/
地址: Geirsgata 8, 101 Reykjavik (臨近舊港)

吃飽後, 我地係舊港行下.  景色唔錯, 不過好大風.
估唔到呢度幾好行, 有D特色商店. 係其中一間SHOP入面見到呢個地圖, 問大家係邊度來到冰島玩, 我都有加左粒      相對性歐美國家既人來冰島玩較多.  香港同台灣人亦有唔少到過冰島呵.
係冰島見到呢間幾型既單車店, 吉少二話不說就入左去朝聖.  最後吉少都買左少少返香港, 聽佢講價錢合理囉,
去完舊港, 我地返回Laugavegur大街上
除左一定要去Harpa外, 另一個係冰島必去既地標就係: Sólfar 維京船雕塑.  其實Sólfar 維京船雕塑係Harpa另一邊.  我地行過見到有人畫外牆, 係要出動吊機.
Sólfar係一座海盗船骨架雕塑, 古维京船造型, 外型幾COOL.  係雷克雅未克的標志, 坐落於海邊Sun voyager.
過左今晚以後, 明天一早便要離開冰島了.  今晚我揀左住係機場附近, 方便聽朝一早搭07:30飛機到丹麥玩.  Kef Guesthouse設施新, 廚房設備齊全, 而且早餐可以一早預備, 方便搭早機既客人.  又或者晚機來到冰島第一日, 都可以考慮呢間住宿.
話咁快9日既冰島之旅結束啦!! 真係有d唔捨得冰島, 期待下次再來玩過.

8 意見:

Related Posts Plugin for WordPress, Blogger...