Photo of the day

由Hraunfossar & Barnafoss waterfalls揸車去Reykjavik, 大約係1.5小時.  我地行1號公路會通過Hvalfjorour峽灣的海底隧道Hvalfjaroargong.  呢條海底隧道係冰島唯一要收費既公路, 費用係ISK 1000. 唔想比費的話可以行47號峽灣公路峽灣,  不過會多出45km既路程.  去到海底隧道收費亭冇散紙唔緊要, 佢地係收credit card的.

呢條隧道長約6公里, 海底隧道有測速機, 車速最好保持70km以下, 如果唔係好易收到罰單.  行海底隧道時GPS既顯示, 地圖上冇隧道位置, 我地架車係海底囉.  好搞笑!!

去到Reykjavik市區已經天黑了, 我地係Apartment settle後就出去行下.  住係市區, 就要比泊車費, 我之前係另一篇都有講過, 有興趣可以睇返呢條Link.

第一站我地先去Apartment後面兩條街一個好出名既地標 Hallgrímskirkja Church, 不過夜晚去到過左開放時間, 決定聽日再來過.

之後都係行下街.  我地住那間apartment地點好方便, 向下行已經係好熱鬧既商店街了.

之前我係前幾個post講左少少係Bonus可以入咩貨, 所以今篇可以講多少少.  除左為每晚晚餐準備外, 我地都有買過唔少其他野食下.

而我最喜歡買Skyr.   Skyr係冰島出產既Yogurt, 呢隻真係好好味.  而且仲有Yogurt drink呢!!! 推介熱情果味道.  係整個冰島旅程上, 有時悶想飲返杯咖啡都冇, 最就手一路揸車可以一路飲Yogurt, 真係好鬼健康呢!

我地真係成日都飲, 當早餐既一部份, 我地仲發現有朱古力椰子呢!!

另一樣成日見我地晚晚都飲既野就係冰島純淨冰川水釀製啤酒, 我自己都幾喜歡, 晚上食飯時飲返杯唔錯.  我地都試左唔同牌子啤酒, 例如: Gull, Thule, Egils....etc.  有d牌子出左冇酒精Beer.

另外, 呢隻樽裝Sild鯡魚都唔錯.  之前我都有講過麵包醬有好多味道, 但我始終最愛牙膏魚子醬

原本今晚晚餐好想出去食, 不過係超市見到Rib, 而我地Apartment又有焗爐, 今晚又要辛苦大廚啦!!

第二日起身, 我地都係繼續優閒.  起身後吃早餐.  今日早餐好正, 大廚煮了水煮蛋呢!!

之後就去返Hallgrímskirkja Church.  日頭既Hallgrímskirkja Church真係好靚.

 哈爾格林姆教堂係冰島最大既教堂, 也是冰島第六高的建築結構, 出面外觀好有新潮, 其實入面都幾簡約

 Hallgrímskirkja Church 哈爾格林姆教堂可以上頂, 收費每人ISK900.  不過我地冇去.  之後去左飲咖啡, 呢間咖啡店店面小小, 卻係Reykjavik登上Best of the coffee 2015.   有興趣可以睇返Reykjavik Roasters   

呢間Reykjavík Roasters係直接與農夫買入咖啡豆, 再自家炒豆及手調咖啡.

好喜歡小店擺設簡單, 有著冰島簡簡單單既生活模式

咖啡好香好味, 值得支持既小店呢!! 係度慢慢嘆下咖啡同朋友吹吹水又可以是一天啦!

行返去Apartment附近見到我泊係街架車全部都係雪舖滿車面.

估唔到環島遊返到來冰島首都Reykjavik更覺得凍呢!! 

行程規劃可以   睇多d.

【ICELAND ☼ 冰與火之旅】冰島行程規劃 租車自駕