【ICELAND ☼ 冰與火之旅】鑽石圈之旅 Myvatn地熱發電廠Bjarnarflag, Laugar Einishus Cottages, Grjótagjá 洞穴溫泉
Photo of the day
去過Dettifoss 及Námafjall Hverir 地熱區後, 便決定返回今晚住宿休息. Myvatn景點超多, 所以建議要住上一晚. 今晚會住宿於Laugar, 呢間Einishus Cottages係我其中一間較期待既住宿. 一路開車往米湖方向行, 眼前見到呢個好靚既藍湖, 於是我地又開過去.
米湖地熱發電廠 Bjarnarflag, 有"Blue Lagoon of the North" 之稱. 乳藍色既湖水真係好靚.
地熱水清到見底, 同第一日去既Blue Lagoon一樣, 水是熱的.
Bjarnarflag藍湖比Blue Lagoon細, 不過呢度一個遊客都冇
後面Bjarnarflag地熱發電廠會噴出大量既白煙, 連熱水也是經水道噴出於湖面上.
呢個景點係冇停車位, 所以我地都係把車停埋一邊. 其實Myvatn都有一個Jarðböðin溫泉可以浸.之前幾日去過Blue Lagoon後, 大家都冇諗去浸多次啦!! 開車大約半個鐘便到了Einishus Cottages. 見到呢間Cottage, 同我之前既expectation係一樣. 環境靚有私人露天風呂, 而且自成一角. 如果晚上好天, 可以睇住北極光浸個風呂就好啦!!
我地去到已經將所有行李放哂係廳到, 所以找到呢張相.
(source: http://www.agoda.com/en-ie/einishus-cottages/hotel/husavik-is.html)
房都算大, 不過只有一間. 廚房物品尚算充足.
今晚大廚為我地準備晚餐啦!! 生鮮牛肉漢堡扒, 好味!!
我地去到冰島基本上餐餐都吃羊扒就知幾好味, 係Supermarket可以買醃好既扒類, 方便易煎.
房都算大, 不過只有一間. 廚房物品尚算充足.
仲有白汁海鮮飯, 海鮮都係於冰島Supermarket內買到, 一包有哂唔同既海鮮料.
食飽飯諗住夜d睇下有冇北極光啦!! 點知又係落雨, 又係睇唔到極光 
好多人一心諗住去冰島睇極光, 真係要夾埋天時地理人和, 有時想睇都冇得強求. 而我抱住平常心, 見到極光咪當Bonus, 睇唔到又唔會唔開心, 仲可以有藉口下次再去過呢!!
好多人一心諗住去冰島睇極光, 真係要夾埋天時地理人和, 有時想睇都冇得強求. 而我抱住平常心, 見到極光咪當Bonus, 睇唔到又唔會唔開心, 仲可以有藉口下次再去過呢!!
第二日起身, 去左 Grjótagjá洞穴溫泉. 呢個洞穴溫泉係全天然. 數十年前火山爆發, 洞內泉水水溫升高至60度, 當時既人會去洞穴溫泉裹浸泡. 不過現在水溫已下降到43度. Grjótagjá洞穴溫泉個入口就係棵樹既後面.
要入去Grjótagjá, 有一左一右兩個入口, 上面既牌有警告遊人不要進去, 遇上地震的話, 大石會隨時掉下. 要入去必要經過大大小小既石頭, 仲要爬石入內.
大家爬入去既時候要小心, 其實洞內沒有什麼特別, 要影相既地方又少.
我地去哂兩個入口, 其實洞內可以影相靚只有兩塊大石比大家立足.
好彩我地係一早去, 所以有陽光照射入洞, 影相時唔會太黑. Game of Thrones 3rd season就係於Grjótagjá 洞穴溫泉內拍攝.
去完 Grjótagjá 洞穴溫泉, 千其唔好走住. Grjótagjá 洞穴溫泉上面有路徑可以比人行上去. 上面可以睇到北美和歐亞板塊之間的地質斷裂帶.
我地跳過地裂谷, 往前行, 便是斷塊山面, 大家可以係度遠眺巨型火山口. 不過呢個火山口係假既, 叫做Hverfjall.
係咁高既斷塊山面, 一望無際, 個view好正!! 秋天既 Myvatn周邊真係靚, 我仲影到米湖附近既地熱區在噴煙呢!!
行程規劃可以 
睇多d.
睇多d.
你爬入洞張相好似入緊張保仔洞咁...哈哈。
回覆刪除個藍色湖好靚！！冇遊客，點影相都得！
洞內好黑又細, 爬入去都危危乎, 呢個靚個張保仔洞好多, 起碼勁乾淨.
刪除有冇帶電筒？
刪除有帶, 不過放左係行李入面.
刪除呢個藍湖同米湖唔同架? 好靚呀! 好似道道都冇乜遊客咁既?
回覆刪除兩個唔同架. 米湖真係一個湖, 藍湖係火山熔岩形成, 水溫約37–39°C. 因湖水含矽、硫等礦物質, 所以變為藍色. 去到米湖一帶, 又真係唔同遊客, 而大部份跟團好少玩上去冰島北面.
刪除抱住平常心, 見到極光咪當Bonus, 睇唔到又唔會唔開心, 仲可以有藉口下次再去過呢!! <--好同意呢句 ^.*
回覆刪除我miss咗洞穴溫泉, 有藉口再去喇, 呵呵
再去啦, Venus! 其實我都仲有好多景點未去, 我會等待機會再去....=)
刪除