【ICELAND ☼ 冰與火之旅】鑽石圈之旅 Myvatn米湖, Hverfjall 假火山口, Dimmuborgir 熔岩城堡, Skútustadagigar 假火山口群
Photo of the day
去完 Grjótagjá , 下一站我地係一號公路轉入848駛入 Hverfjall 的街口. 呢條848路係冇指示牌, 入左路口, 都唔知點行. 唯有跟GPS指示吧!! 整段848一D都唔似係路, 似砂石開出來的, 所以凹凸不平. 慢慢駛入, 見到有車停泊, 我地又跟住照做. 登上 Hverfjall火山口就係呢條路上啦!! 其實要上Hverfjall火山口有兩個方法, 一條直線和另一條超級S型的困難路徑. 比較容易的便是經由848呢段路; 另一條路較斜, 辛苦好多. 呢條看似容易既路, 原來都幾斜.
一路上一路看到周邊細小既假火山口
上到中間位置我地又停停休息.
行上去大約用左20分鐘時間左右
Hverfjall既形成係熔岩將池塘內既水覆蓋住, 因高溫既熔岩將池水在地底加熱. 悶熱既池水係閉密空間內形成巨大壓力巨大的水蒸氣, 壓力累積夠多能量後會向上爆開. 因而形成了米湖這區既假火山口. 假火山口形狀渾圓, 內部凹陷. 望落去造型妹似真火山口一樣. Hverfjall山體於2,500年前形成, 火山口直徑約1公里
Hverfjall海拔高度420米, 可以望到整個米湖. 米湖本身係冰島第四大湖, 卻是世界水鳥最多的湖之一, 絕對是賞鳥者的天堂. 夏天來到米湖會有大量的蚊蠓聚集, 所以要做好防蚊功夫.
之後去埋附近既Dimmuborgir熔岩城堡. 距離Hverfjall 假火山口只需9分鐘車程, 入口就在停車場一旁.
隨便行會見到好多山洞, 仲提我地"You are not lost". 呢個山洞應該似有人住, 有衫有煮食. 莫非係其中一個現代版精靈係度住? 由下面山洞影上去, 見到我同吉少高高在上.
原本諗住去 Dimmuborgir information centre隔離間餐廳食Lunch, 點知Full House. 呢間餐廳聽聞食物唔錯外, 景觀也好, 一邊可望住 Myvatn, 另一邊看到Hverfjall 假火山口.
估唔到食Lunch時突破間下起雨來. 好彩我地避過. 呢場雨之後, 天色開始變好, 有個大藍天呢!! 正好 尋找我地下一站目標: Skútustadagigar.
有幾個假火山口有條樓梯比你行上去
行程規劃可以 
睇多d.
睇多d.
黑色既砂石路好似去左火星咁呀!行呢D路好驚架車會爆呔架喎!
回覆刪除驚爆呔架, 所以要慢駛, 想快都唔得.
刪除個彩虹點解可以咁完美嫁?
回覆刪除我真係好鐘意呢D大自然風景...好羨慕
條彩虹好大,仲影唔哂添. 去完冰島玩,一定會愛上佢,超自然真係好靚.
刪除848真係唔係路喎, 好崎嶇 ^^
回覆刪除你有冇駛入去848? 超級唔掂, 簡直係未開發.
刪除有藍天靚好多
回覆刪除係呀！如果日日都係咁好天就好啦！前我一星期去冰島既朋友，天氣好到不得了
刪除