[希臘‧愛琴海] 懸崖邊的白色山城 Fira Santorini 聖托里尼
由postcard靚景~藍頂教堂行去FIRA，也不算遠!! 大約20分鐘左右，不過沿路景色優美，我同小吉子一邊望住咁靚既愛琴海，一邊停低影相，所以20分鐘既路程，我地足足行多兩倍時間。有時見到白屋仔靚靚，我又忍唔住要影返張相留念。
望落去仲見到只得6卡既Cable car由舊port上返去Fira cable station
係咁優美既環境底下，原來有間屋係收養左一批浪流貓，數目都唔少，有途人經過還拿出東西給貓貓食，係鐵欄邊我仲見到有個錢箱可以捐獻。我相信見到既途人都會放底D，希望幫到呢班貓貓。
行到呢度，雖然仲未到FIRA中心，不過沿路開始多餐廳＆商店。呢間係第一間見到既shop，好eye catching，用了藍色花樽做標誌，而且舖剛好在轉角位，途人必會經過。
入到去，見到好多玻璃製成品，好想帶幾隻返屋企，不過小吉子話怕打爛都係叫我唔好買。仲見到好多條惡魔之眼手錬呢!! 不過唔算太吸引!! 
小吉子都唔知，其實好多年前去土耳其我已經買左塊好大既惡魔之眼，呢家仲放係MM家中辟邪。
見到藍白屋仔，我又忍唔住!!
當我見到呢個Fira景，更加不得了，不停的影呀影呀!! 我覺得呢個景係最靚!!
CLOSE UP好靚!! 見到好多間白色小屋全部建於懸崖邊
CLOSE UP好靚!! 見到好多間白色小屋全部建於懸崖邊
小吉子都唔知，其實好多年前去土耳其我已經買左塊好大既惡魔之眼，呢家仲放係MM家中辟邪。
行左咁耐都未到Fira，只因我地周圍捐窿捐罅，行到咁上緊見到呢間幾靚既church，加上天氣好好，影相好靚。
原本打算找間海邊餐廳坐底休息，食返個yogurt with honey同埋飲杯coffee，不過我地又比紅色教堂吸引左，襯有好陽光，我同小吉子就放棄左飲０野，走左去影相。原來再行入D，仲見到另一間教堂。呢家天主教教堂好大. 門口出面仲有一張寫上６種語言既教堂簡介及開放時間。 入左去另一間教堂內影相，好靚好宏偉!!
出左教堂轉左，沿樓梯向下行，發現呢間Art Studio
門外放了些展品
其實由教堂行返出去，已經到了Fira。 Fira真的很熱鬧，有好多店舖賣紀念品。
見到呢幾個candle holder，真係好想帶哂佢地返屋企，但諗深一層又好似沒有太大用途，所以今日留手。
我同小吉子主要到Fira係想找家可信既旅行社，睇下可唔可以book到火山團。其實我
地suite管家都有比左d意見我地，佢都有介紹另一個豪華團坐遊艇去火山包船上Dinner比我地，但每人要付EUR$150。如果兩個人
EUR$150我都覺得OK，不過兩個人要HK$3000就太貴了。最後我地到了一間老字號旅行社PELICAN，
點知入到去兩位女職員一個係度傾電話，一個係度發呆。我地係度講左幾聲＂EXCUSE
ME"先有人應，雖然唔願做，但都有介紹返唔同既團比我地去book。有d包wine & dinner
buffet，又有d出海睇埋sunset。由於我太多concern，最後我地book左個最standard 3個鐘既Caldera +
Hotspring Tour～EUR $ 18/ppl便算，旨在到此一遊。
見時間不早，都係時候返酒店睇Our 1st Santorini Sunset
0 意見: