[希臘‧愛琴海] Santorini 聖托里尼自駕遊: Supermarket‧加油‧Donkey Path篇
今日又是一個忙碌既一天，起身後吃了個豐富既早餐便出動了。
繼續開車遊santorini啦!!
不過今日唔會特別去一度地方玩，因為我地下午join了caldera
tour。本想去一轉Oia，但為左準時起見，我地都係去返fira買下手信就算。我地出去時，去左兩大supermarket：Carrefour及一
間唔知名既希臘地道Supermarket。雖然兩間supermarket價錢差距不大，不過後者比較平。而且又近油站，所以我可以順道入埋油先還車。
咁好彩第一間我就去左不知名那間買左手信，因為再去carrefour既時候，好多貨都
比人掃哂!! 特別係酒。我買既Vinsanto，supermarket賣緊Euro $7，出面街賣緊Euro $8-10。 Oyzo
$3.5細枝係supermarket已經成交。另外我買左枝白酒，係酒莊試過後覺得好好飲但冇買到，之後仲有少少後悔呢!!
今日見到即刻唔諗就買左啦!! 不過價錢比酒莊賣的貴少少。
我同小吉子去到gasoline station加油，油缸剛用了一半，油站小姐問我需要入幾多$，我即時唔識答。最初加了Euro $10也未夠。最後加到Euro $13剛好呢!!
見油站對面有家士多，我見個罐好得意便買下，點知係香蕉味汽水，不過飲落似cream soda!
之後見差唔多時間便把車還了，再出發步行往Fira。 每次行到這個位置總是好多遊客, 而且更是cable car station
因為我地預留多了時間，便諗住去出發往caldera前吃點東西，我揀了食gelato，仲點了yogurt with honey gelato食呢!! 好味道!!
而小吉子見到對面間cake shop，已經嚷著要試，事實的確幾吸引，不過我睇見就覺得少少漏。 試左一口，其實沒有太大驚喜。
食完見有個好Cute 既 donkey station標誌，見有時間諗住下落去望下。
點知小吉子見到一班人向下走，便提議不如行落去碼頭。
一開始行好OK，因為可以欣賞景色之如
可以當做運動!! 每級樓梯仲有寫低第幾級，原來有成差唔多600級樓梯
再行落去開始見到一班驢仔，都幾乖唔係點郁
行到半路就真係知"味道"，一來有驢屎，而且更被驢群包圍，行都行唔到。點解會選擇行落去，最主要都係有幾班外國人一起行，我地又跟埋去。
有時又有班驢仔趕住落碼頭接客
最後我地尚算順利用左大半個鐘完成安全到達碼頭(Old Port)
0 意見: