我地起身後見天氣唔錯，便到了酒店泳池游水。原來一落水幾凍，唔怪之得整個泳池只有我同小吉子游水，其他人就係岸邊曬太陽。不過個泳池咁靚，唔好浪費啦!! 我地都游左一陣先上岸。

做完運動便到了餐廳食早餐，先別說餐廳環境，食物質素王的確唔錯架。雖然款式唔算多，但總有喜歡既選擇。吃早餐時人也算多(早上9點多)，所以室外用餐位置已經full哂!! 我地快快留係室內吃完便出發了!!
其實今日沒有特別行程，旨在係Mykonos隨意遊。但食早餐時，小吉子提議到Delos，其實我昨日也有這樣的打算，不過每日天氣變化很大，去唔去都係睇當日天氣而決定。查過書及online到www.backpackers.com.tw 睇過11:00應有一班船到Delos，我地去到old port剛好接近10:00，到ticket office問一問，原來當日最後一班船是10:00，我地兩個仲目送最後那班船開出呢!!
 雖然去唔到Delos，但我地見到兩隻島主Pelican，一隻好懶不停訓覺，而另一隻就好活躍，仲行來行去呢!! 見到Pelican同時見到一隻好得意好高竇貓，見到佢人中位置就好笑啦!! 好似人地有鬍鬚咁，不過我行埋去佢一d都唔驚。

既然去不到Delos，我同小吉子便係Mykonos town慢遊，先到了Paraportiani，其實唔覺呢個咁特別，影了幾張相又走了。

 由Paraportiani行入去，見到呢間鞋店，不過未開（因為我想買對皮涼鞋）
  原來行入去真的是別有洞天，一條小巷內除左有兩間餐廳外，仲見到一個咁靚既景呢!! 真係可以一次過滿足哂，影到5座風車正面加埋海邊。

去到巴士站看看時間表，剛好有一班車到Paradise Beach，一問就司機便叫我地上車，仲可以上車買票，唔駛走到ticket office咁煩。

 興奮既心情又開始，好快會到Paradise Beach，唔知環境係咪同名一樣咁Paradise呢?