[希臘‧愛琴海] Greece 美麗的第一天, 聖托里尼
1 OCT
坐左咁多個鐘頭飛機，終於去到希臘啦!! 一落機入境處職員瞄兩下個passport就搞掂過關，估唔到希臘人做0
野咁快手!! 不過處理行李就有好大差別，成機人等拎行李就等左大半個鐘先上輸送帶，好彩行李順利到手，因為我見輸送帶側邊有個luggage
counter好多人，而且大部份人係冇行李的。我相信那些人正在辦理遺失行李手續。好啦!! 出機場門口，我同小吉子就一枝箭衝去找sub-urban
railway（其實咪又係metro），都唔係易找的，因為沒有什麼signal提示，有指示牌咪最多一兩個咁多。其實係出境大堂第二個門口走過對面馬
路，上電梯後再轉左就見到metro水牌。兩人票EUR 10，可直往憲法廣場站。
我地坐metro到了憲法廣場站，先到旅行社Danae取
一早買好的船飛。其實好多旅行社可以代訂船飛（當然要收手續費），又或者慳手續費可以找船公司直接買票，不過要去唔同既island坐既船公司會有不同。
如果要買幾間船公司既票，就有點煩了。小吉子係網上check過幾家代理，大部份個booking
system都有少少問題，有d又要等email回覆或只買到一至兩程既船票，只有Danae這一間可以係網上即時confirm三間船公司既船票。 旅行社Danae很易找到，就係俄羅斯正教教堂（Agios Nikodemos)側。
但一入到座大廈就好搞笑，見到座古董LIFT，但旅行社Danae係二樓，無理由拎埋行李走樓梯，所以就迫住入LIFT。LIFT很小，剛好藏到我同小吉子+兩個luggage。
順利拿到船飛，看看時間只不過是1630。本想去最近Pacific Travel旅行社寄存行李，點知收1800。唯有拎住行李去坐metro去Piraeus站放低行李先。行到去Syntagma Metro門口時間剛好未到1700，我地順路睇埋國會大廈前看守無名戰士紀念碑的衛兵換更先坐metro。
縱觀整個廣場只有人＆白鴿
不過衛兵換更呢個節目，係沒有準備下進行，所以我同小吉子係拎住行李箱走入廣場，一邊影相，一邊睇衛兵換更。我相信我地既觸目情度與衛兵步操應該不相伯仲。看過＂步操唔齊，手又唔直＂衛兵換更後便離開這個地方往碼頭了。
由Syntagma
往碼頭，要由Monastiraki轉車，不倒30分鐘便到了靚靚既Piraeus總站。其實去碼頭既metro，大部份車身都被人graffiti，連
玻璃窗都唔放過。一出閘右邊便有一排Lockers，每個EUR 3/24hrs，仲可以放哂我地兩件行李及手提包。
1830開始天黑啦!! 所以我地揀左車站附近開餐
Adrianou呢條街好多食店，後面一條街就係好旺既flea market，有好多小小既商店可以買手信。我地行左幾間，覺得呢間比較好就坐低。
呢間餐廳環境唔錯，而且天氣涼涼地，坐露天望住Acropolis食飯都幾開心。不過唔知食物Quality得唔得呢?!
我同小吉子講今晚第一餐當然要試下希臘美食。經waiter介紹，我地就點了幾款食物。Waiter仲問我地要唔要麵包，可以選擇唔要。
Saganaki = 油炸帶少少咸味的乳酪，其實是Appetite，用來送酒最好。
一睇應該知係Greek Salad。平時係HK我地都有時會Order，不過呢個好新鮮，蕃茄好好味。不過我唔好olive，但小吉子鍾意。waiter仲好醒目放低oil &vinegar salad dressing。
Moussaka=薯仔茄子層加絞牛肉層層疊放後烘焗，都幾好味。
點了一枝地度beer，幾好飲!! cheers~~~
我地一路嘆dinner，一路看著Acropolis。入黑後，Acropolis係續一部份開燈。
食完好開心既一餐，埋單只不過是EUR 25，幾抵食!!
食完飯，我同小吉子係Flea market行了一圈，仲去左GAP買左件衫呢!! 一出舖頭不遠，見到街上很多人係度唱歌打鼓，應該是Shop Promotional Activity。
大約2045，我地就坐metro返回碼頭.
小吉子連企係度都訓得著，所以我提議早d去到碼頭，
一有船就上船 ，等小吉子早d可以休息。
一有船就上船 ，等小吉子早d可以休息。
※船票訂購與查詢 聯合船班查詢 希臘渡輪網 Blue Star Ferries Hellenic Seaways
0 意見: