由Ｋatharos beach沿路上，便看見Oia風車位置。小吉子仲叫我落車影相，不過離睇日落既時間真係唔多，仲邊有心情落車影相呢!! 仲要係路邊已沒有位置把車停下來。

要係Oia泊車，找車位真的不是一件易事。特別係我呢d最後一刻要趕到睇日落既人，既心急又趕時間，邊會找到停車 位。過左呢個風車位置，左側有條小斜路，沿小斜路上去，前面有一個大牌寫住＂No parking"，而右邊卻是一個超窄停車場入口，車也是隨處泊，仲泊得密密麻麻，想是但插一個位置也沒有可能。正想停車等候，見到幾個中國人三大一小來 取車，我便問他們是否離開。真好彩!! 他們不但好心叫我泊車，還叫我們好好enjoy，因為一上去便是Oia入口，那裡風景更是一流。

一泊好車，我同小吉子已急步向上走，已看見黃色教堂，一穿出去便是好熱鬧既Oia大街，滿街也是人，仲見到好靚既ＷＣ呢!!

 不單WC靚，見到呢個景既時間，真係兩眼發光，我地真正來到Oia啦!! 仲有好多postcard見到既藍頂白洞穴屋，WOW!!全部都一眼見哂！！

仲望到Imerovigli & fira全景
 下午六點，應該好多人霸緊位睇全世界最美既日落，但街上仍是人頭湧湧

不過係呢個時候，竟然比我地見到呢間藍頂教堂，而且剛好有陽光，好靚呢!!
 由這間教堂行入去，原來有一條小巷，行到小巷，更加不得了!!

POSTCARD VIEW～好多藍頂白屋呢!!
  未接近黃昏，就更是大背光時間，所以影得唔靚。

 我同小吉子便快步去找靚位睇日落先得，如果唔係就趕唔切

睇下連狗仔都趕住去霸位睇日落呢!

沿路經過見到好多特色既店舖，連賣既畫都係藍頂既Oia

仲有好多mini size既藍白小屋
 去到呢個好多人睇日落既地方啦!! 真係人頭湧湧

睇日落最正既地方就係左邊那個山頂位置，不過當日太多人，只係行左去那邊影左幾張相就去另一個有利位置繼續等睇日落。

而我就去左教堂頂位置，影全景


全世界公認最靚既日落梗係要同小吉子一齊睇啦！！冇理由各自各睇咁掃興. 日落大約7點左右開始，真係好靚好迷人既日落，在場睇既人個個都係等呢個時刻，所以睇完個個都拍手，好開心好滿足地慢慢離去。入黑後既Oia，仲係好燈光火著好熱鬧

本想留係Oia食dinner，不過最後都係開車走，最主要原因係入黑後駕車比較危險，街燈唔多，加上山路多，襯人多走就會比較好。由Oia駕車返Imerovigli 也只不過半個鐘便到。

泊好車係酒店後面既小停車場，便到對面馬路餐廳食飯，呢家餐廳是管家推介的，食物質素唔錯，而且夠地道味道也好。

今晚我地照點了地道美食，到呢家還未食過一餐意大利餐呢!! 既然來到，都係食返地道特色食物，返到香港冇機會食到嗎。