一個轉身, 我就由米子去到新大阪啦!! 訓左一晚之後, 我就開始今次旅行重點行程之一: 追睇紫藤花.  之前完全無諗過8日內要去咁多地方,但係為左一睹紫藤花既美景, 所以不惜去多幾個地方追花睇.  上網知道關西地區有幾個必訪紫藤花名所, 包括: [京都] 宇治平等院 &鳥羽水環境保全中心; [大阪] 泉南市信達宿之野田藤; [奈良] 春日大社萬葉植物園; [和歌山] 美山之里; [兵庫] 白毫寺&白井大町藤公園.  論方便京都宇治平等院係我睇紫藤花又可以有得周圍行下既心水地方.






我地行左一個圈,之後再去大門影返紫藤花.  個人覺得門口既紫藤花比入面近平等院既更靚.

行完出左去逛宇治老街.  如果喜歡綠茶, 千萬唔好錯過.  真係好多好多間茶店呢!! 我本身就係茶控, 簡直去左天堂.  第一間去既就係一出平等院外既茶舖.  見到綠茶同焙茶雪糕, 簡直兩眼發光.

但見排隊既人真係好多, 所以買左外賣.  HaHa!!
最後我揀左間家庭式經營既簥麥麵舖開餐, 叫了兩客唔同口味既簥麥麵, 又唔錯呵.

之前都有諗過去鳥取好呀? 定係去境港好?! 一個有柯南, 一個有鬼太郎.  問左吉少都係鍾意鬼太郎多d, 所以就去境港.   離開左皆生溫泉, 就坐巴士到境港.  每日只有限定一班直達巴士, 價錢係每人720   




飲完咖啡, 我地去左食Lunch.  去得漁港之一既境港, 當然要食下壽司啦!! 唔好睇佢係迴轉壽司, 原來全部海鮮都係超新鮮, 唔怪之得呢間壽司店排名咁高啦!  我仲encore左鳥取和牛.
由境港去第二度, 必要返回米子.  今次我地就坐返火車出去, 車程要一個小時.  成個城市都係鬼太郎包圍, 何況火車呢? 境港與米子中間穿梭係有4款特別版火車.  而我就遇到猫娘&鼠男兩款.  係境港車站見到呢張好得意既火車飛, 仲可以自己Stamp印留念.