盡慶09聖誕

下午10:09:00 Ishiha 0 Comments

今個聖誕節係我同小吉子婚後第一個聖誕，其實因為我的工作關係， 咁多年都沒有盡慶過聖誕，也沒有好好的陪小吉子。 不過自年中轉職後，我可以做回一個平常人。 加上今年結婚，我與小吉子開開心心的渡過了今年的聖誕假期。　最開心的是我由23/12已經開始放假，放了足足５天，除了一半時間是休息之外，也好好的與 不同parties一起歡度聖誕。
12月24日
好友bb 100days，順便一起慶祝christmas eve！  我地幾家人一起到了鯉景灣中意仿食dinner，好開心的一餐，仲有好多靚靚dessert陪住大家一起渡過christmas eve。　

12月25日
今午到了McDonald開生日party!! 當然唔係我啦!! 好耐冇去過McDonald，仲要係生日party!! 今次去我一位好友既bb 2yrs old生日派對。
夜晚叫了一班姊妹到我家打邊爐，其實住左咁耐，我都係第一次預備食物!!　當然係得另一位姊妹幫手先至搞得掂。我地食完邊邊，又好興高采烈的玩wii resort!!  最後當然唔少得交換聖誕禮物啦!!
12月26日
今日同小吉子行街街，諗住睇下有冇戲睇!! 去到都唔駛睇啦!! Avatar仲全部FULL HOUSE!! 既然係咁，小吉子就帶我去食好0野。到了新開既 i square內既浪漫館橫濱食吉列豬扒，小吉子order了極品吉列豬扒御膳定食；而我就order了那裡招牌吉列朱豬柳手工夾包!! 唔錯!! 小吉子吉列豬扒唔錯!! 有肉味!! 但係我點的那個招牌吉列朱豬柳，就更加perfect!! 一口咬下夾包，發覺塊豬柳好JUICY，好好食!! 小吉子試完都覺得好那個吉列朱豬柳手工夾包更好!!
之後我同小吉子周圍行，見到米芝連三星店Thomas Haas!! 小吉子最愛dark chocolate呢!! 現場仲有得試食，試了71%，覺得OVER左!! 所以我地最後買左67%及一盒4粒裝。禮盒裝好山靚!! 仲有得揀絲帶顏色。返到屋企再食，67%真係好好味!! GOOD!
12月27日
今日到hubby係屋企休息休息，明天要返工啦!! 加上天氣突然轉冷，更加唔想出街!! 不過夜晚我就同小吉子去左 Le pain grille (agnes b. cafe)食dinner! 唔錯既一餐，自家麵包好好食＋淡淡既牛油，正!! 我地仲order了smoked salmon sald with squid pasta及eye ribs!! 都好好味!! 小吉子最欣賞就係個steak!! 剛好，而且好有肉味!! 仲有我最鍾意食既dessert，我點了banana cake，而小吉子點了心太軟!! 小吉子仲話有時間會做dessert比我食呢!! 真係好期待!! 因為上一次他做的dessert又是心太軟，做得好好味的!! 不過已經好幾年的事了!!
呢幾日好開心的渡過假期
也祝願大家
HAPPY HOLIDAYS!
BEST WISHES TO ALL!

0 意見:

婚禮之最

上午11:42:00 Ishiha 0 Comments

相信好多BLOG友都有寫下"婚禮之最", 而我覺得幾有意思!! 可以一次過將所有不滿及所有最愛寫哂出來......wah lalalala!!
既然已經完成我既婚禮回顧, 不如再寫埋呢篇吧!! HAHAHA.....仲要係我同小吉子婚後既第一個平安夜寫, 感覺relax d會寫得更深入吧!!
好了, 開始!!
最喜歡禮服 唉~~呢個問題真係好難答, 我自己就覺得件件我都好滿意.  所以就問埋小吉子意見, 佢個人最鍾意我穿紅色晚裝, 他覺得好似女神呵.

最愛影相禮服 最鍾意穿住影相既禮服咪係婚紗啦!! 雖然我好鍾意LM Lace WG, 但原來發現影得最多相都係第一件婚紗, 而且仲周圍著住影相....包括: 出門, 行church, 到1881 hertiage.
最有代表性 估唔到, 真係估唔到, 穿褂影相係最有代表性, 係最靚!!  最後我放棄穿我買既新潮褂, 的確係明智的選擇.
最興高采烈 小吉子好開心順利接到新娘，唔知係咪HIGH過頭，自己提出要抱住我+錫錫轉一圈比大家睇......你話小吉子係咪高興過度變傻了.

最可愛一對 兩位小朋友,他們分別是我的花仔&花女.

最勇氣可加 唉~~~~ 咪就係我上頭那晚發生.  其實個個bride-to-be都穿上頭睡衣, 沒有大問題.  問題在於我要穿這套睡衣搭車返酒店{要在家裡上頭}.  仲要加外衣+紅色大褸+穿紅鞋子先出得門口.....我未出家門, 已經令我的家人笑到眼淚水都出哂!! 可想而知, 我有幾大勇氣先出到門口, 面對路人.

最多人鍾意既回禮禮物 因為所送既回禮禮物比較實用, 結婚當晚睇下有冇賓客唔鍾意冇拎走, end up係一份都冇剩, 仲唔夠派呢!! 有d賓客想要多兩三份也沒有機會, 連我的儲備都拎走埋.
最多人問的問題 就 係我呢個特別的頭飾, 引起大家關注!! haha!! 一連串問題問返我.......好多賓客/朋友問我, 呢個髮飾係999金/K金打造?  是mm送給我的大禮嗎?? 咁特別我都好想買一個, 唔知可以係邊買呢.....etc.  其實呢個頭飾係由我MUA joyce自己手造的, 是K金, 而且手工好精細.  起初我決定mua後, 便已reserved大婚當日用的了.

最滿意的DIY  其實有好多DIY我都好滿意, 也沒有諗過自己原來可以做得咁成功!! 當中最多人讚就係我造給各兄弟姊妹既襟花了.  見到的朋友, 都覺得好靚好特別, 我也希望遲少少再做一SET 襟花於好友婚禮當日用. 

最型 當然係hubby小吉子!! 特別鍾意小吉子穿上西裝, 好型!!  

最"支力" 將金鐲帶哂上一隻手, 仲同賓客敬酒!! 就好似打拳練力一樣

最慘情 係其中一位兄弟被捉住玩愉伽, 真係多得一班姊妹呢!! hahaha
最強組合 係姊妹團, 多謝她們不辭勞苦，給我一個滿意的婚禮!!仲有，就係有佢地，先有上面的苦情慘況。 hahaha
最想食  係個蛋糕，但最終一口也試不到!!
最感動 MARCH IN後, 小吉子上台到大家講: 前世我地係夫婦, 今世又係, 希望下世可以請大家再飲過.

最愛之snap 係1881 hertiage內影既一張相, 我同小吉子好似公主同皇子逃跑一樣.
最好彩 除左認識到小吉子之外, 婚禮當日最好彩係行禮時先下大雨, 其他時間沒有下雨.  真的好彩!!

最聽出耳油 係小吉子讀愛的宣言時, 個個拍哂手叫好, 當然係令大家聽出耳油啦!! 因為實在太好笑,  所以我錄低左整段, 可以成日都聽得返.  仲有就係可以比小吉子聽返自己對我講的愛的承諾嗎...HAHA

0 意見:

Real Wedding 晚宴篇

上午11:40:00 Ishiha 0 Comments

呢幾日去左旅行散心, 好耐都未得閒講返當日March in 之後
終於可以坐底食返少少0野!!
攝影師仲叫我餵小吉子食乳豬件, 睇下佢幾開心.

其實進場不久, 便播SAME DAY EDITING
大家都睇得好開心, 睇下99就知啦.......拍哂手!!

只可以食幾片乳豬件, 已經要入新娘房換上紅色敬酒evening dress
我好鍾意呢條裙呢!! 因為著得我好瘦!! haha
因為要敬酒關係, 都會戴上金器影下相
而我件evening dress是 one shoulder款式
所以MUA幫我諗將金器只戴一邊, 平衡返整個image

敬酒期間, 發現有少部份賓客未影相
所以留左少少時間既賓客影相

之後先再去換上紫色仔 {係席前只穿過30mins便換上LM Lace WG}
呢條裙好特別, 顏色上有層次感, 而且仲著得我好瘦......
雖然我的婚禮係平日進行
但係食到11:00都唔見有好多賓客先行離去
個個都仍然留低食到最尾
係送客期間, 我仲同好多朋友影左相呢!!!

921真係一個好開心好滿足既一日
所有回憶, 都令我同小吉子永遠難忘
有賴各位的參與及幫助
讓我同小吉子有一個咁完美的婚禮 

0 意見:

洞里薩湖遊

下午4:52:00 Ishiha 0 Comments

 12月16日
今日一早便到了洞里薩湖，它是東南亞地區最大而著名的淡水湖。而且湖上還居住了好多漁民，他們的生活全靠洞里薩湖。

當日坐船出海時，竟然看見有人在海上行路，其實當時水漲連淺岸地區有小路既地方都被水沈過。 
當船拍岸小休時，有幾位小朋友用唔同既方式由他們的家過來我們那邊，為的是想要點錢幫補生計。　有兩位是游水過來，有位小妹妹就用面盆加竹枝差過來。　經上一次到印度之旅既經驗，我們兩個一早就買好哂幾大包糖果，諗住見到小孩便給他們。
遊畢洞里薩湖，便到了吳哥遊最後景點：比粒塔。
 兩個小朋友好得意呢!!
今次可以攀上樓梯，樓梯真係幾斜，加上沒有扶手，所以要一步步踏著上。上到最高望落去，發現自己原來爬左好高呢。
 

比粒塔周圍有好多門檻，好靚!! 所以我同好友兩個不停起跳影相。　影出了下面那張自然既一跳，HAHAHA!!  

因為試跳了好多次, 行完比粒塔第一時間看見椰青，便買了個飲。 導遊講那裡的椰青最好飲既時間係早上，因為未有太陽曬，會特別清!! 而我們買既時間正正是中午，係會有點點酸。
之後便乘車返回金邊 ,結束今次重點之旅: 吳哥窟

因為是最後一晚於Cambodia，晚飯後到了酒吧街同幾位團友飲杯。　到了一間好靚既露天bar，望出去便是好靚既皇宮。

0 意見:

柬埔寨 Woo....吳哥

下午4:07:00 Ishiha 0 Comments

12月16日
今日吃過早餐, 便坐車入吳哥窟.  只有不到10分鐘車程便下車買飛。　門票可分3類：３日, 5日及7日票。買門票時仲會幫你影低個樣做証件相。帶pass先入場 (連去toilet都會睇証)。
首站到了南大門.  南大門為通往吳哥皇城的一座城門，城門外兩旁樹立54個石像，個個不同神態。
一邊是慈祥的神像，一邊是魔。兩邊還有一個景色優美既湖。
經過南大門便是巴戎廟。吳哥皇城有５個城門以巴戎廟為中心。　 
過進巴戎廟已經看到好多佛像。 每一磚塔代表一個城，當時吳哥皇城佔領了好大既版圖。　所以便建有40多個塔。估唔到經過咁多個世紀，依然看得出雕像之細緻。
再向上走，便到了"高棉微笑"。連吉少睇完Ｄ相，都覺得那個佛像既笑容好慈祥，佢仲有個衝動叫我陪佢去一次。　HAHA
再到便是巴本宮。因為維修當中，不在此特別介紹。　

不遠便是古皇宮及斗象台，古皇宮只剩下城門，而出面的斗象台就好 大好完整。　斗象台下全部有石雕，厲害!! 真的想不到古時人類點靠尖刀及鎚仔雕刻到如此地步。斗象台對面見到一大片綠草如欣，還以為自己到了歐洲旅行呢！！其實是１２生肖塔，遠距離看，那裡看得出 是生肖塔呢？　原因被人嚴重破壞及火燒。　右邊數起第一個塔便是鼠，一路數過去，我便到了自己所屬之生肖塔下影相。　
影相後到了樹蔭底下透透涼，因為中午 天氣實在幾熱，期間見到有小販賣新鮮菠籮。好甜好好味，而且多汁！
之後坐車到另一景點：塔普倫廟。整座塔普倫廟最特別之處是有好多白樹生長於牆間，當陽光照射下，樹身看上去會變了銀色。
 
差不多1200便離開吃lunch，今次lunch好特別!! 吃的是柬式午餐沙律 (用菜包入蛋+香葉)，好好味! 春卷及柬式咖哩雞都煮得好好味!! 其實起初也擔心這裡的膳食不好，仲買左幾個杯麵頂肚，點知最後一個杯麵都冇食過，而且日日都食得好飽。
吃飽後，再坐車入城參觀女皇廟。


它是一座規模不大的印度教廟。　這座廟雖小，但整座以紅色的砂石為建材。內有精美的浮雕，其中有一優雅APSARA迷人的微笑，更被稱譽為東方MONALISA。

係未寫重頭之前，總結一下吧。一個上午+中午後一個多小時，便參觀了９個古蹟景點，確實是有點走馬看花。　所以我都係覺得自由行比較好，多點時間欣賞及了解更多。

0 意見:

柬埔寨 小吳哥

下午4:43:00 Ishiha 0 Comments

12月15日
終於到了今次去柬埔寨既重點遊啦!! 第三日黃昏前到了小吳哥。去到發現極多遊客，還有路邊有穿著民族服裝既人士與旅客影相，另一邊廂有吳哥窟前跟白馬影相（那當然全是自費項目）。
在正殿前，二邊有蓮花池，就吸引了大批的觀光客佇足，因為那就是小吳哥最有名名信片風景點。可惜今次參觀時因維修關係，正殿前加有綠色圍布。　唉～～咁唔好彩架？
從蓮花池旁進入小吳哥主殿的第一層，裏面的四面迴廊，雕滿印度教神話的浮雕，每幅都長達120公尺，故事都同戰爭與國王的功跡有關。
而從第一層進入第二層後，就可以看到當時國王與皇后要進入第三層禮佛時的淨身池，以及總數將近1500個的Apsara(女神)雕像。 
由第二層上到第三層，就可以看到五座仿蓮花花苞造型組成的佛塔，因為相對稱的關係，由正面看起來僅有三座高塔。不過由07年開始，高塔不再開放給遊客攀上（因為有意外發生過）。

今次到小吳哥係特別來欣賞日落。如果自由行的話，我相信會看得到日出呢。　當日查過天文台，日落時間係1750。所以我於唔同時段影了以下幾張相。特別之處係因陽光既反射，高塔會變為金，紅兩種顏色。
看過咁靚既日落，又吃過晚飯。行左一整日，又出了身汗。　當然好想晚上出去做返一次massage啦 (one of our to-do list).  於是我與朋友一起到了Pub street一間門面唔錯既spa house做massage。原來柬式massage跟泰式aroma massage差不多!!  相比起係泰國做既massage，呢個既價錢一d都唔貴呢!! 而且手勢唔錯。　所以值得推介大家行完一整天，晚上做返個massage!!

0 意見:

訂閱： 文章 (Atom)
Related Posts Plugin for WordPress, Blogger...