剛去完十幾日旅行, 加上今日presentation完畢, 我終於可以鬆一口氣, 繼續寫返個blog先.   Odense奧登斯係丹麥第三大城市, 亦是丹麥最古老的城市之一, 所以在市區内, 仍然保留着許多中世紀時期哥特式風格的建築物.   Odense也是安徒生的出生地, 佢的童年居住地現在已成為一座博物館.

我地由Copenhagen坐火車過去也只不過係1.5小時, 火車會穿過跨海大橋來到Odense.  火車來回票價大約450DKK.  之前都有講過Copenhagen card係唔包呢段火車飛, 所以大家上車前買好來回票啦.   我地係火車上check飛既時候先知道自己坐左霸王車!! 其實係歐洲坐火車, 火車上查票員可以即刻幫我地補返張火車飛既, 不過可能要加收罰款, 咁就唔係咁好啦!! 好彩我地今次遇到個好人, 票務員冇收到我地錢, 但就吩咐我地要買返走既火車飛.

奧登斯大教堂 Skt. Knuds Kirke 建於13世紀, 係丹麥境內唯一保留完整的哥德式教堂.  教堂裡的黃金木雕祭壇出自德國雕刻師之手. 
 呢座教堂也是安徒生路線既其中一個景點, 大教堂係他5歲受洗既地方,  由於安徒生要參加受洗儀式, 佢買了生平的第一雙鞋.
這個小展示廳係安徒生起居室, 就是呢度發揮佢既想像力.  而呢個家也成為了童話故事素材與靈感既來源.
最為矚目係中間既圓頂大廳, 係1929年時由丹麥藝術家尼爾斯.拉辛.斯蒂文（Niels Larsen Stevns）所繪製既八幅大型壁畫, 反映咁安徒生自傳【我的童話人生】既八個階段.  繪製時間軸係由出生到晚年, 更係從日出曙光到夜幕降臨, 非常有藝術價值的藝術裝飾.
安徒生博物館後面有個保護區-Hans Jensens Street , 呢度保留左19世紀原始建築, d屋好colorful好可愛架！
來到丹麥當然要食丹麥麵包, 呢間丹麥麵包係blog上最多人推薦 - Lagkagehuset麵包店.  據說係最好吃的連鎖店.   我地既午餐就係度解決.  店內人頭湧湧, 好多local人幫襯.
食飽飽又係時候say goodbye.  係車站對面有個大型雕塑就係安徒生啦.   仔細看作者所刻畫既安徒生, 就係放大了他面目憔悴、面帶病容、臉的輪廓線條, 所以睇返整個雕塑有點古怪.  身上排滿各種小雕像, 據說係安徒生童話故事內既人物.
 
┊正✈丹瑞┊丹麥 瑞典 行程
┊正✈丹瑞┊瑞典斯德哥爾摩 ⛱ Stockholm
 ┊正✈丹瑞┊全球最快樂的國家--丹麥Denmark 哥本哈根, Nyhavn 新港, Tivoli 蒂沃利花園, Lebara Sim 上網
 ┊正✈丹瑞┊全球最快樂的國家--丹麥Denmark Helsingør 赫爾辛格, Kronborg Castle 克隆堡
┊正✈丹瑞┊全球最快樂的國家--丹麥Denmark Frederiksborg Castle 菲特烈堡 Hillerød Regionaltog
┊正✈丹瑞┊全球最快樂的國家--沒有藍罐曲奇的丹麥Denmark 哥本哈根 小美人魚 嘉士伯博物館 Lego Store
┊正✈丹瑞┊全球最快樂的國家 丹麥 哥本哈根設計殿堂 Designmuseum Danmark, National Museum Denmark, Illums Bolighus
┊正✈丹瑞┊全球最快樂的國家 丹麥 Rosenborg Castle 玫瑰宮, Roskilde 羅斯基勒
┊正✈丹瑞┊全球最快樂的國家 丹麥哥本哈根 食記 Neighborhood, Madklubben
┊正✈丹瑞┊瑞典Malmö馬爾默一日遊
┊正✈丹瑞┊全球最快樂的國家 丹麥哥本哈根 Amalienborg slot, Christiansborg Slot, Christiania 自治區