最近好忙呢!! 忙到冇時間上來寫blog, 為的是一個特別任務. 遲d會同大家share我呢個特別任務....haha!!
係我plan下一次既trip之前, 好好的寫埋我x'mas前既一次short trip先. 如果唔係一路都唔駛寫.
-----------------------------------------------------------------------------------------------------------------
X'Mas未到之前, 我去左一個5日4夜trip.
不過今次沒有hubby份, 唔係我唔想帶他去, 而係他忙到連x'mas & new year
holidays都要返工. 仲點樣陪我去玩玩散下心呢!! 所以我同姊妹團其中一位好友出發, 到了CAMBODIA. 起初我地係想自由行
(有4人出發), 我同另外一位女友仲PLAN行程呢!! 點知最後有兩位唔去得 (一個拎唔到假; 另一個FD既家人聽到自由行, 心驚驚!! )
如果想自由行既朋友, 不妨自己去. 我今次去完, 對柬埔寨呢個地方完完全全改觀, 我個人覺得好安全.
12月14日
一早0615要到達機場, 搭乘0855KA到金邊. 因為HUBBY送完我到機場先返工, 所以我就係機場晨咁早食左個好滿足既早餐. 搞到成個飛機餐冇咩點食過.
柬埔寨只得兩個機埸: 金邊 & 暹粒!! 今次個TRIP就由金邊玩到入吳哥那邊!! 因為我地一早做好哂VISA, 所以好快就過左關. 金邊個機場幾細, 一眼可以望哂呢!!
第一站去了中央市場, 原來出面真係......好鬼熱!! 仲要係類似JJ MARKET咁樣, 行一陣已經唔想行!! 仲有, 那裡賣既東東, 大部份都係出產自thailand!!
市場內有一樣幾attractive我的東東係街邊賣既snack!! 睇睇下面張相, 有位小販賣的是柬埔寨成日都見既snack~~~唔知大家估唔估到呢?
貼士係: 昆蟲類 *遲少少再同大家開估*
係中央市場下左一陣, 已經急不及待去左對面街一間商店內飲0野. 我地仲叫local
guide幫我地買左張phone card, 原來係要本地人先買到. 而且打返來又平過IDD 6成. 之後便去吃午餐. 雖然是吃中菜,
但也沒有想到原來那裡的中餐煮得不錯. 味道好好, 食物也新鮮 (好味到忘記影相, 晚餐一定要影影)
柬埔寨好熱, 但那裡的天空係特別藍!! 好靚~~~跟住到了國王皇宮參觀. 那裡要下午兩點後先開放給遊客參觀. 而皇宮內有好多特式既建築物!!
遊畢皇宮, 途經酒吧街. 好熱鬧!! 而且周邊既房屋都好有外國FEEL.
由皇宮到碼頭路程好短, 好快就到達碼頭. 下一站是坐船遊湄公河.
係船上飲ANGKOK BEER之外, 仲食生芒果 (加淮鹽).
原來好好味!! 我也吃下不少呢! 但遊船行期間, 駛到對岸的村莊時, 便有好深的體會. 因為對岸沒有橋可通, 那裡住的人生活完全是兩樣. 還要自給自足. 他們的所有生活 (包括食, 飲, 洗澡)也只夠湄公河. 為何兩邊岸的人生活可以差得咁遠.
沒有看過真的不能想像到他們竟然可以那樣的生存!! 而我還可以到處玩, 到處食, 又有幸福的家庭. 我不期然想起在港努力工作的Hubby呢!!
差唔多到了遊船河既尾聲，見到個好靚既夕陽
遊船河後便去吃晚飯~~BBQ. 今晚吃的地方不錯, 仲係Buffet型式, 好多選擇, 而且食材好新鮮. 看看那隻河蝦幾大隻, 加上燒得剛好.....yummy!
我相信下一站到吳哥窟,
一定會更加嘆為觀止.博物館內展出好多高棉時期的珍藏雕刻包括神廟雕像及木刻. 其中導遊介紹當地求簽方法, 簽是用木製的,
求簽時將簽簡放於頭頂, 要打斜邊坐. 然後一路稟神, 一路用木枝條篤入簽簡, 篤到那篇就是你所求的簽.
午飯前到了金邊賭場一遊, 那裡沒有澳門賭場繁榮 (唔知係咪中午時份比較冷清), 但也具規模的. 上層還有新建好的酒店及SPA
HOUSE. 我們兩個沒有多大興趣賭返幾盤, 反面有興趣睇睇SPA MENU呢!! SPA HOUSE設計像泰國星級靚SPA,
心諗去唔到泰國也想到這間SPA試試 (原本plan自由行係泰+柬兩地遊, 玩完柬, 便可到泰國來一轉massage relax下)
最衰都係唔夠時間. 既然今日試唔到, 下一站點都要試試massage先得.
