Real Wedding 禮成篇

上午11:37:00 Ishiha 0 Comments

伴郎先生很喜歡影相, 一有時間, 他便會舉機影相
他真的影得不錯!! 很喜歡他為我們拍的相!!
你看你看, 連小小朋友也很喜歡我的花球, 玩花球期間被伴郎先生捉到影相呢!!
如果不是他拍下, 我自己也察覺不到

也很喜歡他為我們拍的snapshot!! 

影下影下, 不經不覺便到了15:45
當時心諗: 既然下雨, 不如係教堂外影多少少相, 便離開往酒店算吧.
走出教堂外, 真係好開心, 雨竟然停了!!
所以決定出去尖沙咀1891影相
因為時間比較緊迫, 只與朋友在門外影了幾張
估唔到攝影師影到呢個shot, 那時我們在商量, 先安排姊妹們回酒店休息

最後到了1881影相, 影了半個鐘左右
影到尾, 又下起雨來!! 今次是第二次好彩可以及時離開, 沒有變成落湯雞

好喜歡下面張相, 看來好似王子與公主於城堡中逃跑

0 意見:

Real Wedding 教堂篇

上午11:22:00 Ishiha 0 Comments

其實我真係蠢!! 唔應該咁快比小吉子見到我個bridal look
不過冇法啦!! 大家一起由酒店出發到教堂, 到達教堂時間是13:50
距離行禮時間 {14:30}還有大半個鐘
幸好當日沒有其他教友係玫瑰堂行禮  
賺左呢!!
因此我地有較多時間影相及佈置禮堂

教堂佈置全用上: white & green!!
玫瑰堂係briefing session時講明佈置規則, 而教堂只會提供一張枱, 花鐘&紅地毯!
Church ceremony booklet 是由我自己用color printer印, 喜歡那種噴墨化化地既效果
另外簽名筆 & Signature Frame 也一早預備好
所有兄弟姊妹不用5分鐘就可以set好哂, 還可以 standby 款待賓客 

之前也有考慮用decor co.佈置教堂
但一想到沒有代表幸福的 lily of valley 陪住我行aisle, 實在有點失色!!
於是用上diy flower cone 作為aisle decoration!!
雖然我有考慮過flower cone細少不太顯眼, 但我自己覺得simple is the best!
而且可以更容易給各位兄弟姊妹置放於aisle兩旁

而我下午行禮的花球也是用上white & green!!
由blog友仔嘖嘖稱奇蚌 做的呢!! 好喜歡這個wedding bouquet
有齊我喜歡既details (Green & White Wedding Bouquets時也有提過):
1) 多層次  2) 花球細小  3) 唔要agnxx b款  4) white & green only!
真的要多謝蚌蚌呢!

時間一到, 康神父見我同小吉子ready ready ready!!
司琴隨即彈奏音樂 (當日是由我一位姊妹負責), 儀式便正式開始~~

兩位可愛既花仔花女拎住我自己diy既 Wedding Ring Pillow &Hydrangea Pomander花球
隨即行上紅地毯, 然後是伴娘
而我就由pp繞住我手帶我踏上紅地毯

沿路好多親友在場!! 他們有的拿出相機影相, 有的在大力鼓掌呢!!
好喜歡這幾張相~~~~~~~~~

行禮期間, 還下起雨來.  而且愈下愈大, 我相信在座的人也能聽到!
當時小吉子讀誓詞的時候, 真係好緊張!!
一路講就一路成個人震, 而我仲見到佢眼濕濕!!
估唔到小吉子同我傾返, 原來給對方一個承諾是如此感動!!
其實我也被感動, 不停的忍忍忍.......只是沒有流出眼淚

現場真的很嚴肅, 加上之前也有做踩排, 但竟然有兩宗蝦碌事件發生
1. 小吉子唔記得揭開頭紗
當時我已經用眼神示意, 但小吉子收唔到!!
最後由神父細細聲通水, 小吉子先如夢初醒

2. 交換介子時, 小吉子遞錯手!!
戴錯手也不打緊, 再衰係......他緊張過度, 手指發熱, 導致手指腫起
於交換介子時, 我試了很多次!! 也不能把介子戴入他手指上, 只戴一半便停

相方家長步上祭台前, 於神父的見證下簽好婚書
成功啦!! 我成為了圓C9
神父隨即宣佈禮成!!

外出下雨既關係, 禮成後大家可以留係祭台前影相
平時係唔可以的影咁耐...........真係好彩
又可以影多d相啦!! haha


好開心當日見到Blog友仔Memi來觀禮呢!!





0 意見:

Real Wedding 婚紗篇

上午11:17:00 Ishiha 0 Comments

轉妝選擇回酒店, 除了方便大家食飯休息之外
小吉子也可以到房間稍作休息
另外交通及行禮地點也是我考慮之列
因為酒店與行禮地點非常近
唔駛5分鐘車程就可以到達玫瑰堂~~~正!

大約12:30我已經返上房轉妝了
不過也要用30多分鐘將成個妝轉過
我不知有多開心可以有30分鐘好好的坐坐休息自己雙腿呢!!
估唔到攝影師捉到我呢個披頭散髮既Moment呢!!
其實仲有一張相係激版披頭散髮, 不過唔post比大家睇啦!! 我怕嚇親人呢......

joyce係試妝時已決定為我化一個日本bridal look
所以個髮髻set得比較高......用以拉高整個人高度 (視覺上)
set好頭之後, 影了幾張單人snap呢!!
因為小吉子係我化緊妝既時候, 不停被影!!
等了30多分鐘, 都應該輪到我影下啦啩.

小吉子係我化妝其間, 冇0野做....點算好??
於是攝影師叫小吉子拎對介子出來影下相
攝影師仲叫小吉子把玩對介子, 還拍下這幾張相
幾特別呢!! 仲 feel到小吉子一種幸福既感覺呢!

原來不知不覺間攝影師拿了大腳8對婚紗鞋影相呢!! (唔駛估, 咪係我囉!!雖然我唔高, 但鞋size: 38)
好開心影snap時, 影埋boutonniere呢!! 如果遲15分鐘都冇得影呢!!
因為兄弟姊妹食完lunch後, 已經上房打點, 還會換呢set boutonniere

 好鍾意呢件婚紗, 係final trial時換左呢件!! 超滿意!!
加上長lace veil與婚紗上既lace係一套{我最後放棄沒有用自己diy既veil}
唔知大家有冇見到玻璃反射婚紗後既bowl呢?
影左幾張snap, 都要準備出發啦!!

我們好準時1:30出門口到Rosary church
由酒店房到大門上車, 路程其實很短, 但不停的影呀影呀!! 用上了10分鐘呢!!

我同小吉子都好鍾意呢兩張相
1. 普通走廊一道, 但影到咁特別既效果, 一讚!! 有少少似去左皇宮影相呢!!
2. 臨上車前, 於未佈置既樓梯影相 {當時好多遊客舉機影我同小吉子呢!!}

 


0 意見:

Real Wedding 出門篇

下午7:56:00 Ishiha 0 Comments

我地好準時11:00出門
一踏出門口一剎那
姊妹不停的灑米
真係估唔到有位外國遊客走過來同我地講 CONGRATULATIONS!!
而他好希望同我地合照呢!! 那當然沒有問題啦!! 

當日望個天係有點灰灰黑黑, 但天氣都仲幾熱.
而接近中午就更加唔駛講啦!!
睇返呢幾張同兄弟姊妹團影既相, 就 feel到佢地個個既熱樣.........真係辛苦大家!!

臨出發, 係車上再影
我覺得這幾張相, 影得唔錯呢!! 有少少特別

由酒店到男家只需10分鐘車程, 加上當日唔塞車, 好快就到!!
唔知大家有冇覺得著褂上落車時有少少困難?? 我自覺有少少!!
可能因為身上要自我照顧既ITEM實在太多, 搞到我唔小心把頭後髻撞向車門

大家有留意的話, 唔難察覺自我同小吉子出門到車上, 都係不停錫錫影相
我個妝都被小吉子錫到走哂樣出哂界
所以一落車, MUA joyce 第一時間幫我補妝才上樓見老爺奶奶

返到去男家, 小吉子就拖我入新房 {梗係唔係趕住洞房啦}
係因為老爺奶奶係房入面
估唔到第一個上前同兩位打招呼既人...............竟然係我 {你睇下小吉子個樣, 就知佢當日唔知自己點算好啦}

一早知道男家親戚比較多, 之前也有問過99會有幾多親戚用茶, 但答案係"計算唔到"
但當日敬茶原來有10多人!! 好彩mm預留多一倍何謂巾當日派用

今日幾個鐘都未正式飲水, 見到有人贈我"綠茶"一包, 即唔客氣暢飲
離開男家樓下回酒店換妝前再影

返到酒店啦!! 真係唔係好捨得套褂呢!! 最後褂 LooK之ENCORE.

各位兄弟姊妹辛苦左成半日, 仲有下半場呢!!
比D時間各位食Lunch及稍作休息, 而我就上房換衫....仍然係冇得食飯.

0 意見:

Real Wedding 敬茶篇

下午7:54:00 Ishiha 0 Comments

開心又好笑既遊戲結束
接著是敬茶環節
首先向pp & mm敬茶, 之後是幾位長輩

當日mm & pp襯得好靚!!
因為之前比較忙
我都唔知我pp為左我既婚禮
特登去買過副眼鏡, 又買埋同mm襯埋一色既領tie呢!!

好開心可以同pp & mm來一張錫錫大合照
而每次同小吉子鍚鍚後, MUA JOYCE會即刻幫我補妝!!
JOYCE仲問我: 你地係咪錫得好肉緊呢?? 點解次次都會鍚過界??

敬茶時間我預了30分鐘, 不到一會已經順利完成
而且有時間鬆動可以與各位兄弟姊妹合照
好開心我買既兄弟tie及訂造的姊妹裙顏色出奇地一致!!

仲有仲有.....你睇下小吉子擺哂pose影呢張大合照
就知佢有陰謀地搶哂成班兄弟姊妹 +我既鏡啦!!

影完大合照, 各位兄弟姊妹又開始忙碌收拾
因為要準備11:00吉時前出門口往男家進發
但我同小吉子依然好開心的繼續影呀影呀!!
當時真係唔知會影左咁多張靚相
其實係我未收到相前, 我仲係十萬過擔冇靚相呢!!

我同小吉子好少比人影咁多相, 而唔駛望鏡頭!!

我本人好鍾意呢張單人照!! 影到我好瘦呢!!  {睇左咁多張, 開始自戀狂呢!!}






















0 意見:

Real Wedding 應戰篇

下午7:51:00 Ishiha 0 Comments

唔知係咪男仔最鍾意遲到??
等到一班姊妹極度心急
其實唔係班兄弟故意遲到
而係其中一位兄弟要幫我去花店取另一個花球及襟花, 塞車而遲到!!
當日花車一早準時到達
小吉子一見到架花車好開心呢!! 仲有掛上.....ME 32車牌
真係巧合呢!! 車牌對我地兩位來講是很有意思的呢!!
開心過後, 小吉子就幫架花車佈置啦!!
用上我DIY既 花車佈置, 估唔到出來效果唔錯

其他兄弟也用上我一早買好的淺綠色 tie
之後等了一會, 另一位兄弟趕到
今次各樣都ready好啦!!

兄弟們隨即應戰
睇下兄弟團已經擺哂陣應戰
而姊妹團都唔弱, 笑住口等兄弟落網

第一關開始!! 不過未開始遊戲之前, 各姊妹已準備好所有道具美化小吉子及幾位兄弟
遊戲1 :
首先係酒店hall內找三位外籍人士, 解釋自己今日要結婚, 再係賣身契上面簽名以作支持!! 其實都好易 {應該要找三位靚仔既外籍人士嗎......第一位真係幾靚仔架}

順利過關上樓玩第二個遊戲
遊戲二: 做指定瑜伽動作 (男士唔方做到姊妹要求), 罰飲奶樽內飲品
原本遊戲係預備左多個
而我一早知道兄弟班會賴皮拖延時間
預留45分鐘比大家盡情發揮, 因遲到後變成30分鐘時間
最後玩完遊戲二, 各位在場人士無奈要放過小吉子!!
**當日mm即刻同各姊妹講: 點解唔玩耐d呀?? 玩盡d嗎.....haha!! 連我mm都覺得唔夠盡興呢!! **
接著就要小吉子向大家 (包括我要聽到) 讀出偉大既愛的宣言

玩遊戲期間我係房同PP影相
小吉子原來好快的全部朗讀出來 
大家拍哂手叫好...因為真係讀得好快, 唔停一路讀仲要個個字都清清楚楚
其實我唔係太聽得清楚.....

                                     所以小吉子再係房門前朗讀多一次! HAHA

小吉子過關之後, 當然唔少得俾開門利是啦!!

  禮成!!    禮成!!
pp帶我到小吉子面前, 把我的手交托給小吉子

唔知係咪小吉子開心過頭, 傻左!! 他即場抱起我+錫錫繞了一圈呢!!

睇到大家好開心呢!!


第二日起身, 我叫小吉子補讀一次愛的宣言比我聽呢!! 再讀已經慢左啦...

0 意見:

Real Wedding 準備篇

下午7:46:00 Ishiha 0 Comments


0920
今早起身時間是0630
第一時間打電話CALL room attendant 收拾房間
估唔到一call即到
那時我還未梳洗好
而我只係剛剛敷好個mask出來
就見化妝師joyce同助手到達
我們只係談了幾句
隨即伴娘同我的家人也到齊!!
要知道化妝時間比較耐
而我沒有特別吩咐攝影師早到
所以暫時少休既細佬便充當攝影師的角色
不停為我同伴娘拍照 (唉!! 伴娘係我未來弟婦, 你話會影邊個多呢?)


早上八點過後
姊妹團同其餘家屬陸續到遲酒店
而兩位攝影師及一位videoman更自動提早15分鐘到呢!!
他們便隨即開始工作

而每逄剛到既朋友/親戚都會走過來恭喜我一番
成間屋都充滿未開始先高漲既情緒呢!!
點解??
你睇下d姊妹就知啦!!

準備玩遊戲都咁落力
就知一陣小吉子同兄弟團要排除萬玩先可以娶到我!!

大家諗起都已經勁興奮
*
*
*
係大家落力準備既時候
我已經差唔多搞掂好啦!!

同各姊妹影相
她們各人穿起淺綠色既姊妹裙好sharp呢!!
問過意見人人都好鍾意
quality好, 價錢又抵 (遲d介紹比大家)

最可惜係我missed左同pp & mm合照
其實當日好多人
完全唔知pp&mm去左邊
影唔到相
不過我就有同細佬妹合照
還與大妗姐auntie to 影相

大家睇來都準備就絮
READY

0 意見:

Real wedding 上頭篇

下午7:44:00 Ishiha 0 Comments

未開始進入921大工程披露之前
我好想講下前一晚上頭既經過
真係嚇親自己又嚇親人
一早我同家人決定921會係酒店出門
前一日下午我已經將所有物品車去酒店作準備
沒料到mm吩咐我不好帶上頭物品到酒店
她一心諗定酒店點龍鳳燭會誤鳴 fire alarm 呢個問題
雖然我唔排除會有上述事件發生
但我見朋友仔係酒店出門都沒有出過問題
為左唔想令mm擔心
我便一口答應mm --上完頭才返回酒店吧!!
沒想到會有嚇人事件出現
*
*
*
到了午夜12時
收到男家打電話通知女家可以進行上頭儀式
於是mm好開心的為我上頭
一梳....兩梳....三梳....
上完頭仲有湯圓食呢!!
仲收到mm既大利是
仲話收過大利是就大個女啦!!
儀式完結後
我打算換衫坐車到酒店休息
mm突然係廚房跳出來同我講
要穿上頭睡衣到聽日
你坐車過去也要穿著
唔好除呀?!!
0下0下
0下
咁我點樣出到門口呢??
mm好聰明的叫我加件外套便走吧!!
不過外套也要紅色
一穿上外套都會穿崩的
~~因為會見到我條上頭短褲~~
於是我又找了一件粉紅色沙灘裙穿上身
再加外套先出得門口
當時mm,pp,細佬妹見到我呢身造型已經笑到眼淚水都出埋
可想而知嚇c人程度真係好高
唉!!
估唔到mm叫我咁樣穿
佢自己係笑得最大聲0個位

又最估唔到係
我細佬將呢個嚇c人樣拍下送比我呢??

車一到達酒店門口
我就即刻走去搭lift上房
我相信經過大堂既人
仲以為見到個由頭紅到落腳又飄移好快既外星人呢!!

上到房睇睇時間已經零晨一點多
但係仲未佈置整間房呢!!
於是我同細妹夾手夾腳好快貼哂d雙囍先訓覺
雖然當晚我沒有失眠
不過我唔太習慣早起身!!
仲要訓得幾個鐘
我起身後一定會有水腫面
只怪我係一名水怪 (日飲1.5-2L水)
當日我忙到一頭煙
忘記左訓覺前三小時制水呢!!

0 意見:

嚇親

下午2:30:00 Ishiha 0 Comments

小吉子一直都有自己寫下0野
由結婚之後
小吉子都好少再blog啦!!
最近睇返佢個blog
一開就睇到呢篇點解要擺酒
真係有點擔心
莫非小吉子患上擺酒後抑鬱症
其實我覺得結婚之後
又沒有太大變化
諗極都唔明小吉子為何突然咁感性寫d咁既說話{安撫自己先, 唔好被嚇壞}
As a professional, 當日我已經即刻同小吉子傾
希望知道多d小吉子既苦衷
看看解決方法!!
點知..........一問之下
原來佢係剛聽完呢首歌 {請由02:40開始看}
唉~~~真係比佢嚇親呢!!

0 意見:

A Start of my WEDDING

下午7:43:00 Ishiha 0 Comments

自從去完honeymoon後
兩邊家長不停追我問攝影師拎相
差唔多次次見面都追我一次!!
好彩佢地幾位唔係追我生仔
如果唔係, 我就大件事啦!!   {邊度可以如期生仔先得?!}

事實我係一d都唔急於逼攝影師交相
不過逼得我咁緊, 我都要做返少少工夫去同家長交待
於是我就隔兩至三星期左右
便打一次電話問問攝影師交相期
終於上星期五收到攝影師來電
星期一有相睇啦!!

收到時見到盒內有4隻dvd咁多 (未計video),
仲有成千多張相, 點有時間睇呢??
不過我已經第一時間燒碟交相比兩邊家長
等佢地安心同放心!!
加上呢排天氣咁凍, 我要冬眠!!

仲要做左C9後追睇台慶劇
變得沒有太多時間整理相片
到呢家我都係睇過一次咁大把!! 唉~~~

好吧!! 由今日開始............大家一起陪我睇相啦!!
我會努力為大家分享我既921 WEDDING
希望大家唔會比我d相悶C啦!!

0 意見:

回味中的EXPO

下午10:10:00 Ishiha 0 Comments

未結婚前
我同小吉子都去左幾次expo
次次都滿載而歸
要數返最後一次去expo
已經是大半年前的事了

最近同小吉子坐MTR見到expo廣告
小吉子提議不如去踩場
我問點解: 佢話見到好多1pair pair心大心細又好懊惱既樣子
就好似睇返當年我地去expo時既一樣
真係俾佢激死!!  咁既答案都有!!
就睇下佢係咪講真先得!!

今日好朋友約我去wedding expo一行
我問小吉子會否同行
佢話會去踩.........不過唔係去踩場
而係去踩單車是也
又係得個講字!!

今午1200便約了好友到會場
去到仲以為係G/F門口買飛呢!!
原來已經變左係5/F呢
真係大鄉里呢!!
不過今次expo安排幾好
只需要走兩邊便可以睇哂兩個館既booth
唔駛好似以前咁要走上下幾層!!
雖然人頭湧湧
每個booth與booth之間唔會太迫
加上我去的心情及感覺唔同
所以覺得幾好行
我同好友一路問一路睇資料
發覺今年價錢比上年貴
問埋2011既價錢就冇眼睇呢!!
特別係酒店minimum charge
WOW
加幅唔少
其中有d加得好誇張
由 (2010年)20幾萬一跳加到(2011年)30幾-40萬呢!!
但場地裝修照舊
真係會令人卻步

再講下影相booth吧
~~有驚喜呢~~
搞到我都有興趣問埋post wedding影相細節
其實今次有好多間攝影公司參加
而且加入左好多新派公司
特別係海外攝影公司
選擇多左, 自然就多左好多新idea去sell客
唔似以前只有幾間大公司獨佔風騷

CONCLUSION
今日真係好開心
搞到我心痕痕想快d同小吉子落實影post wedding一事呢!!

0 意見:

羊?圓?....學習中

下午10:12:00 Ishiha 0 Comments

結左婚也有一個半月了
昨日返工出門時
第一次遇見隔離鄰舍
還打了招呼呢!!
跟著搞笑事接著來了
================================================================
隔鄰太太問我: 請問貴姓??
我太自動波的答: 呵, 姓羊呵
太太很有禮貌的回我一句: 羊太, 我家姓劉呵
跟住我就立刻更正:
真不好意思劉太, 我係圓太才對呢!!
================================================================
我真的太傻,沒有料到隔離鄰舍知道我與小吉子大婚一事呢!!
下次我會提高警覺
見到比我年長的人, 我就叫圓太!!                                             年少的, 我會自稱羊小姐......haha

結婚後, 我也沒有好好寫下婚後生活呢!!
不善家務的我, 終於體驗到做家務的辛苦及難度
未結婚前對雜亂係沒有什麼concept!!
但結婚後, 家居也開始變得整齊 {意料不到會改到呢個n年惡習呢!!}
不過我還在努力學習中~~~
見到很多blog友仔, 個個都能出得廳堂, 入得廚房
真係羨慕死~~~我!!
所以我都要係呢方面努力下先............我的
短期終極目標係要煮到一碟好味既送先!!

享受完開心的三星期婚假
於回歸工作後的第一天
已經被安排上了一課堂 {當時心諗咁so?? 第一日返工就去聽書}
睇完個topic就立即夢醒啦!!
我仲估到要幫老闆做大 project
下星期便開始meeting, 仲會陸續來呢!
另外, 我又報讀了一個short course
還開始了三個星期呢!!

真的不得了......羊小姐身份正在學習中, 圓太身份也在努力學習中
不過我相信我最享受都係點樣學習做圓太吧!!  {壓力細d嗎!!}

0 意見:

訂閱： 文章 (Atom)
Related Posts Plugin for WordPress, Blogger...