大杯酒，大啖肉，大腳油之旅 @ 海德堡 Heidelberg 法蘭克福 Frankfurt, 上網SIM Fonic, 德國浪漫之路自駕遊

下午10:49:00 Ishiha 0 Comments

由柏林坐通宵火車CNL1528去海德堡，二人房票價連早餐都只不過是Euro $200多，仲要係First Class。 而且德國火車係可以中途落車, 免費停留48小時.  所以我地呢張火車票除左可以同一時間解決移動及住宿問題，仲可以停多兩個站, 抵!!  我們的火車時間是22:15開出, 到達海德堡Heidelberg也只不過是05:00.

到達火車站尚有時間, 我就慢慢安頓及列印火車票.  我兩這一晚的空間好比兩條在罐頭中的豆豉鯪魚，雖然垂直空間是零，但床舖(分上下格)都有六尺，不用屈腳，而且房間內有獨立洗面盆.   

上車不久, 便快快訓覺, 準備明天一早起床.  雖說是05:00到達目的地, 為了怕自己訓得太甜, 上車後服務員會問我們要唔要Morning Call服務, 那也不用想一定要吧!! 而且他還細心問我早餐要吃罷才下車或是take away.  既然一大清早到達Heidelberg, 當然take away係火車站內慢慢食.

到達目的地時還很早，第一班入市中心的巴士還未開。所以我們就在車站吃著火車公司的早餐消磨時間。咖啡和muffin都可以，那片麵包難吃死了。

行李就放在火車站的locker。那些locker分大中細碼，收費分別是Euro$2/4/6。大櫃輕鬆容納我們兩個中喼加一個手提袋。收一次錢可放二十四小時，好極!!  吃飽後有時間, 天還未光呢!! 走出火車站看看, 天空一片紅, 開始太陽出來了.  街上人也開始多起來呢!!

因為下午要乘火車趕回法蘭克福觀光。所以能去的地方不多, 就選了海德堡堡壘 (Heidelberger Schloss)和哲學家之路.   上去海德堡堡壘, 另一方法是坐纜車.  我們時間充裕, 所以我們打算照旅遊書的指示行車路上去。 但原來是有一條樓梯上去的，會比較快-只是長了一點: 三百一十多級。 不是我們在數，而係那條樓梯有白色數字。 到了海德堡堡壘, 還是剛剛開門不久, 所以遊客不多.   古堡的舊城牆看起來有些殘破，與古堡內華麗的建築有很大的對比.

 踏進城門，就可看到古堡內最重要、最靚的建築物 - 腓特烈館, 腓特烈館右側現為藥事博物館

 咁靚的古堡, 又點會冇人來影婚紗相呢?? 一講起, 就有對日本情侶到埗影婚紗相.  

整個堡壘最深刻都是那個大酒桶了，起初我們見到一個十分大的以為就是本尊，怎知轉個彎才知甚麼才叫大。那個怎算是酒桶?根本就是一艘潛水艇! 

看完那個大酒桶後, 便再往外再走.  見到呢個全景, 真的會明白海德堡點解會成為德國最著名的城市之一，除左有最古老的大學外, 而且更是最能激發詩人和畫家靈感的地方.  

 仲有好秀麗既哲學家之路

係咁靚既環境之下, 即時幫吉少影返幾張portrait.

之後就經舊橋- Karl-Theodor-Brücke到哲學家之路，沿路好靚.  仲見到老橋旁的猴子及老鼠雕像，這兩個雕像仲傳著左不少傳說~ 包括把頭放進猴子面具會看見未來、摸銅鏡會帶來財富、摸猴子的手指會再回來海德堡.  而老鼠摸了便會多子多孫~

一般旅遊書都是從另一端開始，我們絕不是刻意要人做我不做，但就唔知點解由舊橋起步。之後方知道旅遊書是為我們好。因為我們先要捱不知幾多百級樓梯才到達!其實那兒只是一條普通到極的山路，最吸引是可以望哂對岸的海德堡市鎮全相。

 還有遍地栗子，拾兩三磅完好的回家炒來吃絕不成問題.

沿著河邊一路走, 景色好靚!! 

其實行完整條哲學家之路, 已經到了lunch hour.  加上一早已經不停行, 所以今餐就近吃了Gyros

去海德堡, 有一樣東西必買 - 學生之吻朱古力.  

小店不算難找, 就係騎士之家附近的Marketplatz與舊橋方向既其中一條小巷內

 門口同櫥窗好顯眼, 仲擺放好多紅色既朱古力.  我地買左來試!! 我又唔覺得好特別, 始終係比較甜.

由火車站到市中心我們選搭三十二號巴士。去程就沒問題，回程就慘了，我們行了一段大街(haupt)之後就打算乘巴士回火車站了，怎知由市政廳找到俾斯麥廣場才可有站. 照道理中間一定是有站的，但我們硬係找不到.

德國既火車很準時，所以去到法蘭克福到酒店check in完仲有時間, 可以周圍睇下行下.  我地先到大教堂看看.  在西班牙, 大一點的教堂都有出租audio guide細說每幅畫, 或神壇, 或雕塑, 順便賺你幾euro. 但德國就沒有, 頂多教堂裡最大的三數個神壇放一兩塊牌子描述一下, 多數還是德文限定. 所以滿足不了小吉子的audio guide癮.

 

行完大教堂便到了好旺既 Zeil行, 目的是要買Fonic SIM card.  因為之後幾日會開車一路玩, 用google map上網找路都方便d.   

Fonic Sim Card是用 O2 的網絡,€9.95包括一個月 7.2mb/s 500MB 上網，過了 500MB 會減速至 64kbit/s及 25 mins 德國本地通話時間.   最後到了My Zeil入面既DM買到.  買好Fonic Sim Card必要到上網開卡, 詳細資料可以睇 http://blog.yahoo.com/_NE3CCADIIKATWNGG5KPOEKHOMQ/articles/223959.  

晚餐就在羅馬人廣場

 

 我們選的那間很多韓國人幫襯,不知為何?

 由羅馬人廣場行返酒店, 也只不過是20分鐘左右, 吃飽後行下都唔錯.