大杯酒，大啖肉，大腳油之旅 @ 拉姆紹Ramsau 男人島‧海倫基姆宮 Schloss Herrenchiemsee, 德國自駕阿爾卑斯之路

下午10:31:00 Ishiha 8 Comments

一早起身見天氣真係唔好, 好彩之前好天既時候去左Eagle's Nest & Zugspitze. 唔係上去真係冇野睇. 之後開始駕車到拉姆紹Ramsau. 從國王湖、鷹巢、貝希特加登國家公園揸車過去Ramsau也只不過是數十分鐘的距離.

Ramsau位於德國巴伐利亞東南方的一個小村莊，鄰近德奧邊境，四周為廣闊的阿爾卑斯山脈所環繞，不過大部份旅遊書係沒有Ramsau資料. 係收集資料的時候, 見到forum上有好多人提過Ramsau, 村裡的小教堂經常是月曆或風景明信片裡的主角. 而且仲有魔法森林(Zauberwald)及優美的辛特湖(Hintersee)後, 就更想來這個地方.

好多人係聖誕節慕名而來望彌撒，因為它就是”平安夜”(silence night)這首聖歌的發源地。

可惜天氣不好，如果陽光普照的時候，教堂(Pfarrkirche St. Sebastian)後方正好是長年積雪的Watzmann (2713m)& Hochkalter (2605m) mountain. 這條橋就係影教堂最好既位置了.

小溪右邊岸上的樹下有個木柱箱, 箱內有一台webcam! Webcam每隔15秒會傳送一次畫面到Ramsau的官網, 有興趣可以click入link睇睇.

如果天氣好, 溪水會是碧綠色

雖然好想去埋Hintersee, 不過天氣真的不大好, 沒有陽光下霧氣太重. 去到可能連最靚的湖景也影不好呢!!

最後決定改去基姆湖(Chiemsee), 要到基姆湖便要坐船. 若果要set GPS, 可以用Hotel Neuer am See作為set point. 因為酒店附近有好多大型停車場. 停好車後便到碼頭買票出發.

Chiemsee上有兩座小島：分別叫做男人島(Herreninsel)和女人島(Fraueninsel)。今天便選往男人島參觀海倫基姆宮Schloss Herrenchiemsee.

落船了

過了前面屋仔, 便會見到售票處. 因為我地持有巴伐利亞城堡14天pass, 又可以免費入內參觀. 這裡有導覽團, 分別有德文及英文，票上有場次寫著。我們換了英文導覽，買票時職員都會睇下你夠唔夠時間先book. 因為入去大門必先走上一段唔短的路，我地急步行也要10mins呢! 沿路步度都是樹林處處,環境好靚.

巴伐利亞最出名的悲劇王King Ludwig II ，在德國建了三座城堡宮殿，其中大家最為人熟識的就是新天鵝堡，而其它兩座則是林達霍夫宮及海倫基姆宮。這位國王有種迷戀宮殿城堡的癖好，他非常崇拜法王路易十四，也曾到過法國巴黎. 他在參觀過凡爾賽宮後，即開始規劃建造林德霍夫宮及海倫基姆宮，所以這兩座城堡都有著凡爾賽宮的影子.