【芝櫻✤櫻花】5月北海道の9天賞櫻自駕之旅 北見 船長之家 蟹之盛宴
Photo of the day
之前睇blog, 知道有間日本民宿對於不少旅行者來講, 渴望住宿一夜, 仲有最想把餐枱上既海鮮美食放進自己既肚內. 這間民宿老闆係個船家, 所以民宿名也取其為「 船長之家 」. 它位於道東北見, 地處與鄂霍次克海相連的佐呂間（サロマ）湖畔, 這是北海道最大的湖, 也是日本第3大湖.
船長之家無跟日本樂天或者JALAN等訂房網合作. 如果要Book房, 係要透過官網或用電話訂房, 而且接待人員同網站都只用日文, 英文係一竅不通. 加上係道東地區找住宿, 呢間日本民宿好受歡迎, 有時真係一房難求. 今次既然要去道東玩, 所以我一早已經Book左呢間試一試.
我地大約下午五點多到了附近, 見到呢個佐呂間湖, 所以停低影相.
過左呢度, 好快就到了今晚住宿「 船長之家 」啦!! 出面有免費泊車位, 可以任泊.
辦理好手續, 就通過呢條橋入房間.
民宿內貼左老闆張相呢!!
仲有呢張自畫No Smoking. HAHA!! 都係魚做主角架.
房間係塌塌米, 唔算大, 兩個人住尚有空間. 而且有浴場, 所以我地係晚飯前去左浸一浸先食飯. 雖然整間民宿平凡, 但以超級親民價包成張枱放滿食物既一泊兩食, 我相信民宿老闆真係冇得賺, 或者可能收返成本價. 民宿老闆把每日捉到既魚獲直接當作客人既晚餐, 新鮮到連魚腥味都冇. 講左咁耐, 大家睇下今晚既重頭戲!! 枱上既食物只係二人份.
因為實在太豐盛, 其他食客到達後也陸續傳出驚嘆, 好誇張!! 兩個人點樣食得哂?? 簡直係蟹之盛宴啦!! 毛蟹每人一隻
皇帝蟹又係每人一隻
仲有長腳蟹. 三款蟹來講,我覺得最好食係毛蟹.
其實枱上仲有好多食物, 而且相片中只影左一份, 事實係每人一份架!! 例如: 蟹腳及帶子Shabu-Shabu, 好鮮甜呢!!
我稱呢盤為包羅萬有
刺生好新鮮, 而且有我最鍾意食既帶子 刺生
食食下又送來一碟北寄貝
熟食三文魚
一人一窩超大貴妃蜆
吉少食到開始有點呆滯
不知名既小食
熟食也唔少呢!!
前面係天婦罜, 後面係焗扇貝
食食下又送來一碟烤螺肉, 好彈牙好爽口.
茶碗蒸, 蛋面隻蝦好大, 入面仲有扇貝
服務員又再送上燒大頭蝦呢!!
本身已經食唔哂, 但抱住唔想浪費既心, 又停下再食. 仲有每人兩碗海鮮丼
最後仲有蟹湯!!
呢餐飯決戰到最後, 我地係食唔哂, 仲打包左其中一隻蟹!! 餐廳可以幫我地雪起, 第二日去對面間舖憑卡取回. 好彩甜品係生果, 呢個橙好大好多汁又甜, 正!!
真係好飽呢!! 食飽返房休息. 第二朝起身後, 我又去左浸一浸精神D. 之後去吃早餐. 早餐也是好嚇人既多. 不過又真係好好味.
蝦同魷魚好鮮甜
整個早餐, 我最鍾意係周打蜆湯
超足料, 未見過成碗都係蜆, 湯好香濃!! 仲要係每人一窩呢!!
嘩嘩嘩....真係超豐富呀!!咁都俾你搵到呢間民宿真係犀利!
回覆刪除如果鍾意食蟹, 呢度真係可以滿足到你.
刪除幾年前我媽咪家姐去北海道又係去左船長之家, 佢地同你嘅COMMENT 甘唔多....係冇法子食得晒D野..哈哈
回覆刪除佢都係好Popular架!! 真係多到嚇親人.
刪除